1 Korẽntɩ 10:4 - Farefare Ninkaré

⁴ Ba yʋʋn yũ la ko'om n yesrɩ tãmpĩa tɩ Nawẽnnɛ bɔ ba pʋam. Tãmpĩ-ẽŋa yʋʋn de la Krisi n dolɩ ba.

ZE'ELEGO PAALEGA

⁴ gee ti ba za'a nyu sia puan ko'yimɔ la. Se'ere en sɔi la, ba nyu ko'om la la sia puan taŋa la en yuum dole ba la, tansɛka en de Kiresta la.

1 Korẽntɩ 10:4 ပူးပေါင်းရင်းမြစ်များ

Azã 4:10

Tɩ Azezi yele ẽ yetɩ: «Fʋ sãn mina Nawẽnnɛ n bɔ'ɔrɩ sɛla, la sɛka n yetɩ fʋ tɩ ‹bɔ ma ko'om tɩ m yũ› la, fʋ wʋn sose nɩ ẽ, la a wʋn bɔ fɔ ko'om n bɔ'ɔrɩ vɔm.»

Azã 4:14

La sɛka n wʋn yũ ko-sɛba tɩ mam wʋn bɔ ẽ na, koyũuro kãn le malɩn tarɩ ẽ. La ko-sɛba tɩ mam wʋn bɔ ẽ na wʋn lebge wʋ bulga, bulla a pʋam bɔ'ɔra ẽ vɔm n ka ba'asrɩ.»

Azã 7:37

La kibsa la ba'asgɔ daarɛ n de a dabs-kãtɛ daarɛ, tɩ Azezi daan isge ze'ele tɔgra ke'enke'em yetɩ: «Koyũuro sãn tara nẽr-sɛka, a wa'am mam zẽ'am wa yũ.

Galatɩ 4:25

Agaarɩ ãn wʋ Sinayi tãŋa n boe Araabɩ tẽŋa la, dee ken ãna wʋ Zerizalɛm sɛka n boe lɛɛlɛ wã la, se'ere n soe la, Zerizalɛm la a nẽrba la boe la lɔɔ yamnɛ pʋam.

Kolɔsɩ 2:17

Bõn-bãma de la sɛla n sẽm na mãmsgɔ mã'a, la sɛla la mẽŋa de la Krisi.

Hiburuduma 10:1

Amoyisi lɔɔ la yɛla yʋʋn mãmsrɩ la bõn-sõma n sẽm na mã'a, ba ka de sɛla n de sɩra la mẽŋa mẽŋa. A botɩ nẽrba kãabra la kãabgɔ bãma mẽŋa yʋʋnɛ woo bɔ'ɔra Nawẽnnɛ ka ba'asra. La a ka tã wʋn botɩ nẽr-sɛba n kãabrɩ bɛla la lɛm Nawẽnnɛ masɛ sɛla woo pʋam.

Lilegere 22:17

Nawẽnnɛ Sɩa, la pɔka la n mãasʋm a mẽŋa tɩ a ele la yetɩ: «Wa'am!» Sɛka n wõm bɛla, a mẽ yetɩ: «Wa'am!» Koyũuro n tarɩ sɛka, a wa'am, sɛka n boorɩ ko'om n bɔ'ɔrɩ vɔm, a wa'am wa to'oge zãŋa.