1 Korẽntɩ 1:9 - Farefare Ninkaré

⁹ Nawẽnnɛ n wi ya tɩ ya lagɩm na a Dayʋa Azezi-krisi n de tɩ Zuudãana la dɛna ayɩla la, de la sɩra dãana.

ZE'ELEGO PAALEGA

⁹ Yinɛ dela yelemɛŋerɛ daana. Eŋa puan ti ba yi' ya ti ya tara Lageŋɔ la a Dayua Yezu Kiresta en de tu Daana la.

1 Korẽntɩ 1:9 ပူးပေါင်းရင်းမြစ်များ

Amatie 24:35

Saazuum la tẽŋa wʋn tole mɛ, la mam yetɔga la kãn malɩn tole.

Azã 17:21

Mam pʋ'ʋsrɩ fõn tɩ fʋ botɩ ba lagɩm dɛna bʋyɩla, wʋ fõn de mam Sɔ n boe la mam lɛ, tɩ mam mẽ bɔna la fõn se'em na, tɩ ba mẽ wʋn lagɩm dɛna bʋyɩla la tõma, tɩ dũnia nẽrba la wʋn bɔ sɩra tɩ fõn tõm mam.

Aromduma 11:17

Ɩsrayɛlɩ dõma la ãn wʋ Oliivi tɩa tɩ ba sele, tɩ ba kʋ'ʋsɛ a wila basɛ. La fõn de bu-zãŋka la ãn wʋ Oliivi tɩa n boe weem wille tɩ ba kʋ'ʋgɛ, dɩkɛ toŋe la tɩa tɩ ba sele la wila. Fõn ãn wʋ wille la n to'orɩ sõŋrɛ tɩa tɩ ba sele la yẽga zẽ'am na.

Aromduma 8:28

Tɩ mi tɩ sɛla woo pʋam, Nawẽnnɛ ɩtɩ sõŋa bɔ'ɔra la nẽr-sɛba n nõŋɛ ẽ, sɛba tɩ a looge ba, masɛ wʋ ẽn looge yɛm se'em na.

Aromduma 8:30

La nẽr-sɛba ĩyã tɩ a põn dẽŋɛ looge yɛm na, a wi ba mɛ. La sɛba tɩ a wi ba la, a botɩ ba masɛ mɛ a zẽ'am. Ẽn botɩ sɛba masɛ a zẽ'am na, a bɔ ba la nã'asgɔ.

Aromduma 9:24

La de la tõma sɛba tɩ a looge la, la dagɩ Zifdõma la mã'a, la po dɛna la sɛba n dagɩ Zifdõma la.

1 Korẽntɩ 1:30

La Nawẽnnɛ n basɛ tɩ ya lagɩm na Azezi-krisi dɛna ayɩla la, ẽŋa ĩyã tɩ tɩ tara Nawẽnnɛ yɛm, dee masɛ Nawẽnnɛ nẽŋam, welge to'ore lebge a nẽrba n yese tõon-be'ero pʋam.

1 Korẽntɩ 10:13

Yel-sɛba n paarɩ ya la, la de la yel-bãma n mẽ paarɩ nẽrba basɛba. La Nawẽnnɛ de la sɩra dãana, a kãn basɛ tɩ yel-sɛka n gãnnɩ ya pãŋa paagɛ ya. La yelle pʋam, a wʋn bɔ ya pãŋa tɩ ya wĩbe, dee ẽŋɛ sore tɩ ya yese.

1 Korẽntɩ 10:16

Bõn-yũula la tɩ tõma ẽn dɩkɛ pʋ'ʋsɛ Nawẽnnɛ dee yũ la, pa'alɛ tɩ tõma lagɩm na Krisi dɛna ayɩla, a zɩɩm n yese bɔ tõma la ĩyã. La borborɩ la tɩ tõma ẽn fiise pʋɩ taaba obe la, pa'alɛ tɩ tõma lagɩm na Krisi dɛna ĩyã ayɩla.

2 Korẽntɩ 1:18

Nawẽnnɛ n de mam sɩra dãana, tɩ mam n tɔgɛ se'em bɔ yãma la dagɩ «ẽe», la «ayɛɩ».

Galatɩ 1:15

La Nawẽnnɛ daan welge mam na to'ore lan dẽŋɛ mam dɔka, ẽŋɛ mam yel-sõnnɛ, looge mam tɩ m dɛna a tõntõnna.

Galatɩ 2:20

tɩ mam n vɔa wã, la ka le dɛna mam mẽŋa n vɔɩ, la de la Krisi n botɩ mam vɔa. La vɔm sɛka tɩ mam vɔa lɛɛlɛ wã, de la mam n bɔ ẽŋa n de Nawẽnnɛ Dayʋa n nõŋɛ mam ki mam yelle sɩra la, n basɛ tɩ mam vɔa.

Efɛɛzɩ 3:6

Yel-ẽŋa n sʋgɛ la de la kõ-yẽlga mõolgɔ n botɩ bu-zãŋsɩ wuu lagɩm na Zifdõma tara pʋrɛ, lagɩm taaba dɛna ayɩla, dee lagɩm tɔ'ɔra sɛla tɩ Nawẽnnɛ bĩŋe nõorɛ Azezi-krisi ĩyã.

Kolɔsɩ 1:24

Lɛɛlɛ wã, mam sũure ãn yẽlʋm mɛ, mam n nãmsrɩ bɔ'ɔra yãma la ĩyã. Mam n nãmsrɩ wã de la Krisi nãmsgɔ n deege dɛna mam nãmsɛ bɔ a nẽrba n de a ĩyã la.

1 Tesaloniki 2:12

Tõma keŋe ya sũure mɛ, bɔ ya bʋraanɛ, pa'alɛ ya yetɩ ya dɔla so-sɛka n masɛ Nawẽnnɛ yɛm, ẽŋa n wi ya tɩ ya kẽ a so'olʋm pʋam po dita na'am.

2 Tesaloniki 2:14

La de la bɛla ĩyã tɩ Nawẽnnɛ doose la tõma kõ-yẽlga la wi ya tɩ ya po yẽ tɩ Zuudãana Azezi-krisi na'am pãŋa la.

2 Tesaloniki 3:3

La Zuudãana la de la sɩra dãana, a wʋn botɩ ya ze'ele kãŋkãŋɛ, dee gu'ura ya tɩ be'em dãana la da yãŋɛ ya.

2 Timoti 1:9

Ẽŋa n fãagɛ tɔ, wi to tɩ tɩ dɛna a nẽrba, la dagɩ tɩn tõm tõon-sõma ĩyã, la de la a mẽŋa n boorɩ se'em, la a yel-sõnnɛ tɩ a ẽŋɛ bɔ tɔ Azezi-krisi ĩyã, halɩ lan dẽŋɛ dũnia pĩ'iluŋo.

2 Timoti 2:13

Tɩ sãn ka bɔna tɩ sɩra pʋam, ẽŋa ken dɛna la sɩra dãana, se'ere n soe la, a ka malɩn viira a yetɔga.

Taitusi 1:2

Tɩ tarɩ pʋtẽ'erɛ tɩ tɩ wʋn yẽ la vɔm n ka ba'asrɩ, tɩ Nawẽnnɛ n dagɩ põmpɔrma la daan bĩŋe nõorɛ halɩ tɩ dũnia nãn ka nãam.

Hiburuduma 10:23

Tɩ pa'alɛ-ya tɩn tarɩ pʋtẽ'erɛ gu'ura sɛla la da basɛ, se'ere n soe la, Nawẽnnɛ de la sɩra dãana, a wʋn ẽŋɛ ẽŋa n bĩŋe a nõorɛ se'em na.

Hiburuduma 11:11

La de la Asaara n bɔ Nawẽnnɛ sɩra la ĩyã, tɩ baa ẽn yʋʋn de kõndɔgrɛ dee kʋrgɛ zo'oge la, Nawẽnnɛ basɛ mɛ tɩ a dɔgɛ bia, se'ere n soe la, a bɔ la sɩra tɩ sɛka n bĩŋe a nõorɛ la, wʋn ẽŋɛ ẽn yele se'em na mɛ.

Hiburuduma 2:17

Bɛla n soe tɩ la daan masɛ tɩ a lebge nẽrsaala ãna wʋ a sɔbiisi la sɛla woo pʋam, tã'agɛ dɛna ba kãabgɔ kẽma nẽŋadãana n de ninbãal-zɔta, dee dɛna sɩra dãana Nawẽnnɛ tõoma pʋam. A ẽŋɛ la bɛla yese nẽrba tõon-be'ero, naagɛ ba la Nawẽnnɛ.

Hiburuduma 3:1

Bɛla m sɔbiisi, yãma tɩ Nawẽnnɛ wi tɩ ya welge to'ore dɛna a nẽrba la, bɩsra-ya Azezi, ẽŋa n de sɛka tɩ Nawẽnnɛ tõm, la ẽŋa n de tõma kãabgɔ kẽma nẽŋadãana Nawẽnnɛ sore doosgo la pʋam.

Hiburuduma 3:14

Tõma sãn ze'ele kãŋkãŋɛ wʋ tõma n bɔ sɩra se'em pɔspɔsɩ la ka paagɛ ba'asgɔ, tɩ wʋn lagɩm na Krisi to'oge pʋrɛ.

Hiburuduma 6:18

Nawẽnnɛ n ka parnɩ na, n ẽŋɛ bõn-bãma bayi n ka viiri. Bɛla n bɔ'ɔrɩ tõma bʋraanɛ zozo'e, tõma sɛba n basɛ sɛla woo, dee tara pʋtẽ'erɛ gu'ura sɛla tɩ a yetɩ a ẽŋɛ bɔ tɔ la.

1 Pita 5:10

Ya wʋn ken nãmsɛ mɛ wakatɛ fẽe. La Nawẽnnɛ n soe yel-sõnnɛ wuu la wi ya mɛ tɩ ya po yẽ a na'am pãŋa n ka tarɩ ba'asgɔ, yãma n lagɩm na Krisi dɛna ayɩla la ĩyã. Ẽŋa wʋn le malgɛ ya tɩ ya ãna sõŋa, bɔ ya pãŋa tɩ ya ze'ele kãŋkãŋɛ, tɩ sɛla kãn tã'agɛ botɩ ya bike.

1 Zã 1:3

Sɛla tɩ tõma yẽ dee wõm na, tõma tɔgrɩ la ẽŋa bɔ'ɔra yãma, tɩ yãma wʋn lagɩm na tõma, mẽ naagɛ la tõma tara lagɩmtaarɛ la tɩ Sɔ Nawẽnnɛ, la a Dayʋa Azezi-krisi.

1 Zã 1:7

La tɩ sãn vɔa peelem pʋam wʋ Nawẽnnɛ mẽŋa n boe peelem pʋam na, tɩ tarɩ lagɩmtaarɛ la taaba mɛ, la a Dayʋa Azezi zɩɩm peerɩ tɩ mɛ yɛsra tɩ tõon-be'ero wuu.

1 Zã 4:13

Bõn-sɛka n basɛ tɩ tõma bãŋɛ tɩ tõma boe la Nawẽnnɛ lɛ, tɩ Nawẽnnɛ mẽ bɔna la tõma lɛ n wãna: La de la a Sɩa tɩ a bɔ tõma la.

Lilegere 19:11

La mam yẽ la Nawẽnnɛ yire n yo'oge, tɩ wemõ-pɛɛlga bɔna mĩ, tɩ sɛka n bã ẽ na yʋ'ʋrɛ dɛna Atẽntẽa, la Sɩra Dãana. A diti la sarɩya tɩ la masɛ, dee zɛbra zɛbrɛ tɩ la masɛ.