Tite 3:7 - Nouveau Testament en Gulay 2004

⁷ Jésu-Krist ɔr tà dè jéi’t se go kem̂noje le’n tede kade jè teli jèi njé kinge nyan-ndubege se go kundekem̂ tchên dè ndikumgajer se non nga.

Tite 3:7 ပူးပေါင်းရင်းမြစ်များ

Matthieu 25:34

Ngar à ede njé ke ndai dè jikonn’t kede nè: «Sei njénonkarge ke ingei ndutɔr le Bɔ’m nga, i reei on-in ɓee ke d’uwe dè nja d’ɔje’n dè si kété mari loo kunde gir nang’t.

Marc 10:17

Loo ke Jésu in oso rebe le kaw ɓaa, dingem karé bè an-in ngɔde ree ɔse keje’n nang nonn’t. E deje’n ede nè: – Ngar, i i doo ke maje, ké m’a ra ri á le kinge’n ndikumgajer se non nga wa?

Nje Ke Rome 11:6

E tɔr de se go kêmnoje le’n m se go kule ra de lé. Ke nè á né Nube tɔr de se go kule ra dege ɓaa, kêmnoje le’n nga è kêmnoje ke get lé.

Nje Ke Rome 3:24

Nube ɔr tà dè dooge’t karè takul kêmnoje le’n ke ule’n Jésu-Krist ade ree ɔr’n de dann majelége’t le de.

Nje Ke Rome 3:28

Jè ger kêm jé’t titeke Nube ɔr tà dè doo’t takul kundekêm le’n m takul ra ke è ra nyan malang ke gute-ndu ɔje nga lé.

Nje Ke Rome 4:16

Titeke bè ɓaa, kunn-ndu nè nga tò ɔje dè kundekêm tede le kade è nyan-noje le Nube. Kunn-ndu nè nga tò njáng tede le ngannkà Abrahamge malang. Kunn-ndu nè nga è tede le njé ke ilei koje dè gute-ndu’t á se kar de lé, nè è tede le njé ke undei kêm de dè Nube’t tite bɔ jéi Abraham bè tɔ.

Nje Ke Rome 4:4

Nyan ke doo ra kule á inge’n nga, è nar kuge dè ji’n m è nyan kunde nja’n lé: nè è nar kuge dè ji’n è kuwe.

Nje Ke Rome 8:17

Ke nè á jèi ngann Nube kerɔte ɓaa, j’ingei nyange ke ndɔ ke Nube unn’n ndu’n le kade dooge le’n se Krist nan’t. Bè ɓaa, ke nè á, j’orèi nan se Krist dè nyantosowurge’t le’n ɓaa, ndɔn’t j’à j’orèi nan se’n dè ndubra’t le’n nga tɔ.

1 Nje Ke Corinthe 6:11

Njé ke nange dann si’t kété ei njé ra nyange nè nga tɔ. Nè ɗarinè Nube le jéi togo se-kaiya le si ɔr ndát-ndát. E unde sei se ninn’n ade sei dooge le’n a, è ɔr tà dè si’t se ri Kuwe-ɓee Jésu-Krist a, se ri Ndil-Kêmnda a tɔ.

Nje Ke Galatie 2:16

Nè né è bè géa, jè ger maje titeke Nube ɔr tà dè doo’t se go kule rannge ke ɔje dè gute-ndu nga lé. Nè è ɔr tà dè doo’t se go kundekem̂ dè Jésu-Krist’t. Gir’n ke nè á jè Juipge géa, j’unde’n kem̂ jé dè Jésu-Krist’t le kade Nube ɔr’n tà dè jé’t takul kem̂ jé ke j’unde dè Jésu-Krist’t nga. Nube ɔr tà dè jé’t se go kule ra jége ke ɔje dè gute-ndu nga lé. Ḿ-m̀, Nube à ɔr tà dè doo karé’t se go kule rage ke ɔje dè gute-ndu nga lé.

Nje Ke Galatie 3:29

Ke nè á sei le Krist ɓaa, sei girkà le Abraham, sei njé kinge nyan-ndubege titeke ndɔ ke Nube unn’n ndu’n ade’n.

Nje Ke Galatie 4:7

Titeke bè á ɗarinè i ɓer lé ta. Titeke i ngonn le Nube nga, i i njè kɔi nyan-ndube se go ndukunn le Nube.

2 Nje Ke Thessalonique 2:16

Bɔ jéi Nube tár jéi, è sɔl kem̂ jéi sár se non ade jèi kundekem̂ tchên ke maje ngain. Jè deje Bɔ jéi Nube a, jè deje Kuwe-ɓee le jéi Jésu-Krist a tɔ,

Tite 1:2

Ger ngarankum tà ke uwe made nan se kile koje dè Nube’t nga à ade j’à j’undei kem̂ jéi tchên dè ndikumgajer se non. Nube è njè tam tà lanm lé. Ndu’n ke unn ɔje’n dè ndikumgajer se non kété mari ɓita unde nyange ɓai nga, à tur rang lé.

Tite 2:11

Nube njèkaje jèi ade kem̂noje le’n kile ra’n ke nata tede kade dooge malang ingei kaje.

Tite 2:13

Gar-gar, j’à rai titeke bè le nginei ndɔ tel kunde loo tee pan le Kuwe jéi Jésu-Krist. Ndɔ nè nga, j’undei kem̂ jéi dè’t tchên. Ndɔ nè nga, ndubra le Nube le jéi ke bò, se ndubra le Njèkaje jèi Jésu-Krist à kile ra’n ke nata ndái-ndái.

Hebreuge 1:14

Dooge ke danrán malang nga, ké ei nel nyange ke ei ngann njékulege le Nube kuwe lé wa? Ké è Nube á ule de kade dé ra se njé ke à ingei kaje nga lé wa?

Hebreuge 11:7

Nyange ke ndɔn’t ayé teei ɓai nga, ndɔ ke Nube ribe dè de ede Noé kété ade oo takul kundekem̂. Noé ile koje dè tà ke Nube ede’n, è in ra bato ade njé ke kem̂ kei le’n awi kem̂é ajii. Ra ke Noé ra titeke bè nga è ile’n tà dè dooge ke dè nang nè. Taɓai, takul kundekem̂ á ndɔ ke Nube ɔr’n tà dè Noé’t ade tel ee’n njè ra nyan se dè naje’n.

Hebreuge 11:9

Takul kundekem̂ á Abraham ndii’n kem̂ ɓeekon ke ndɔ ke Nube unn’n ndu’n le kade’n asenan se njè nanm bè. Abraham uwe nanm kem̂ kei kubuge’t nan’t se Isaac a, se Jacob a tɔ. Isaac a, Jacob a tɔ nga, ndɔ ke Nube unn ndu’n ade de titeke unn’n ndu’n ade Abraham bè tɔ.

Hebreuge 6:17

Ndɔ ke Nube ra se Abraham titeke bè tɔ. Ngannkà Abrahamge ayé kingei nyange ndɔ ke Nube unn’n ndu’n ade’n. Nube ndige kade ngannkà Abraham geri njai titeke kunn-ndu le’n n’ee Nube nga, è kunn-ndu ke tò njáng. Gir’n ke nè á è tɔl’n tà’n se kubu ra.

Jacques 2:5

Ngakonm ke m’tár sei ooi maje. Ké è Nube kuwe á tɔr njé ke d’an de ke njéndooge ke dè nang nè le kade ei baw kundekem̂ge lé wa? Ké è Nube kuwe á tɔr de kade on-in se’n ɓee le’n titeke unn’n ndu’n ade njé ke tári nin nga lé wa?

1 Pierre 3:7

Sei ngaw dinyege géa i ndii se dinyege le si se kumkunju’n. Maje kade i geri titeke dé tò d’asenan se jó ke ɓann bè. I tɔsi kum si dè de’t a, ilei riɓar dè de’t a tɔ. Kaje ke Nube uwe’n se si noje nga, dé géa d’a d’inge se si nan’t. I rai titeke bè tede kade nyan karé bè géa ɔge sei loo kɔje tà se Nube lé.