Tite 3:5 - Nouveau Testament en Gulay 2004

⁵ Nube aje jèi tede nyanra jé ke se dè naje’n ke ndɔ ke jè ra nga lé. Nè è aje jè se go kem̂kanm le’n. E tel jè ke dooge ke koje kige se koje ke Ndil-Kem̂nda tel oje jè rang.

Tite 3:5 ပူးပေါင်းရင်းမြစ်များ

Matthieu 3:11

Man ɓaa, mann á m’ule sei njonm tutu karè kade i turi hal si. Nè doo karé ke tɔgmong le’n dum le’m à ree goom’t gugu non. Gabang ke njann’t géa, man m’asekum tɔr se dè ra’m lé. Doo nè nga à ɔr sei kunde sei se ninn si gai se Ndil-Kêmnda a, se por a tɔ.

Tà ke Maje ke Luc ndang 1:50

Kêmkanm le’n nga, ngei’n goto tede le njé ke ilei koje dènn’t.

Tà ke Maje ke Luc ndang 1:54

E din kosdooge ke ei Israel, ngonn njèndi le’n, tede kêm’n olé dè kêmkanm’t le’n titeke è unn’n ndu’n ade Abraham kété mari nga.

Tà ke Maje ke Luc ndang 1:72

Nube ra se jéi kêmkanm titeke bè tede kêm’n olé dè mann-ra’t le’n ke tò se ninn’n ke è mann’n ra’n ade kà jéige kété mari nga.

Tà ke Maje ke Luc ndang 1:78

Tede Nube le jéi nga, kêmkanm taa ra’n pel-pel. E takul kêmkanm le’n á ade lookar le’n in-in’n danrán nú ree ndogó’n dè jéi’t.

Nje Ke Rome 11:14

M’unn tà kule le’m titeke bè tá bainléa jang à ra’n ngakonmge ke ei Juipge kade maje’n njé ke nange dann de’t.

Nje Ke Rome 11:6

E tɔr de se go kêmnoje le’n m se go kule ra de lé. Ke nè á né Nube tɔr de se go kule ra dege ɓaa, kêmnoje le’n nga è kêmnoje ke get lé.

Nje Ke Rome 12:2

Umi nan’t lêtêt se dooge ke ndii dè nang nè ɗarinè nga lé. Nè inyei Nube adi tel sei ke dooge ke kige a, ade ade sei tàgir ke kige a tɔ. Titeke bè á a i teri nyan ke maje ke kêm Nube ndige a, nyan ke maje ɔr njêt ke à taa kum’n ɗekm a tɔ.

Nje Ke Rome 3:20

Doo karé bè géa Nube à ɔr tà dènn’t tede ra ke è ra nyan ke gute-ndu ɔje nga lé. Gute-ndu tò tede tɔje doo kade ger titeke è njè ra majelé.

Nje Ke Rome 3:28

Jè ger kêm jé’t titeke Nube ɔr tà dè doo’t takul kundekêm le’n m takul ra ke è ra nyan malang ke gute-ndu ɔje nga lé.

Nje Ke Rome 4:5

Ke nè á è ra kule lé, nè è unde kêm’n dè Nube ke njè kɔr tà dè njè ra nyan majelé’t nga ɓaa, Nube ɔr tà dènn’t takul kundekêm le’n.

Nje Ke Rome 9:11

Kété ke d’oje ndungege nè lé ɓai nga, Nube ede Rébecca ede nè: «Ngonn ke ngatɔg à ra ɓer le njè ke ndêin. Nube ɔje nyan nè nga kété ɓita kade ngannge nè rai maje éké rai majelé ɓai.

Nje Ke Rome 9:16

Bè ɓaa, Nube ɔr doo ke è ndige le ra se’n kêmkanm. Kɔr ke è ɔr doo nga tò ɔje dè kêmndige le doo éké nyanra doo lé; nè ɔje dè Nube ke njè ra kêmkanm se doo nga kuwe karé bere.

Nje Ke Rome 9:30

Ké j’à tami kedi nè ri wa? Dooge ke ei Juipge lé ke sangi le kade tà ɔr dè de’t lé nga, Nube ɔr tà dè de’t takul kundekêm.

1 Nje Ke Corinthe 6:11

Njé ke nange dann si’t kété ei njé ra nyange nè nga tɔ. Nè ɗarinè Nube le jéi togo se-kaiya le si ɔr ndát-ndát. E unde sei se ninn’n ade sei dooge le’n a, è ɔr tà dè si’t se ri Kuwe-ɓee Jésu-Krist a, se ri Ndil-Kêmnda a tɔ.

Nje Ke Galatie 2:16

Nè né è bè géa, jè ger maje titeke Nube ɔr tà dè doo’t se go kule rannge ke ɔje dè gute-ndu nga lé. Nè è ɔr tà dè doo’t se go kundekem̂ dè Jésu-Krist’t. Gir’n ke nè á jè Juipge géa, j’unde’n kem̂ jé dè Jésu-Krist’t le kade Nube ɔr’n tà dè jé’t takul kem̂ jé ke j’unde dè Jésu-Krist’t nga. Nube ɔr tà dè jé’t se go kule ra jége ke ɔje dè gute-ndu nga lé. Ḿ-m̀, Nube à ɔr tà dè doo karé’t se go kule rage ke ɔje dè gute-ndu nga lé.

Nje Ke Ephese 2:4

Nè Nube ke è baw kem̂kanm nga, tár jèi ngain.

Nje Ke Ephese 4:23

Nè adi tàgir le si tel ra’n kige se go Ndil Nube.

Nje Ke Ephese 5:26

Krist ndogo mann njékebe nange le Nube tchák-tchák. E ɔr se-kaiyage le de se go ngarankum tà le’n, unde de se ninn’n ade ei le Nube kuwe ɗarinè.

Nje Ke Colosses 3:10

Ke nè á awi se kubu ke kige ɓaa, sei i teli doo ke kige. Doo nè tel ra’n kige se ndɔge malang a, tel tanan se njèkunde’n tcha-tcha a tɔ. Titeke bè á sei asikum geri gel Nube njai.

2 Timothee 1:9

E Nube kuwe aje jèi a, ɓar jèi le kade jèi dooge le’n ke tooi se ninn de a tɔ. Ɓar ke è ɓar jèi nga è se go kule ra jéige lé, nè è se go nyan le’n ke è kuwe ɔje kem̂n’t kété mari se go kem̂-maje le’n. E noje ke è uwe se jéi karè kété mari ɓita unde gir nyange takul kum ke j’umi nan’t bɔk se Jésu-Krist.

Tite 3:4

Nè né è bè géa, Nube Njèkaje jèi kile kem̂-maje se tár le’n ke nata tede dooge malang.

Hebreuge 10:22

Bè ɓaa, j’agi ngɔr ke ra Nube’t se kem̂nda káng a, se kundekem̂ ke deri tede Jésu togo se-tàgir ke majelé ke dè ɓengre jéi’t. E togo danra jéi se mann ke unju nyang-nyang ɓá a tɔ.

Hebreuge 4:16

Ade j’agi ngɔr kɔte kutu-ngar’t le Nube ke njè kem̂noje se kem̂nda káng. Loo nè nga Nube à ade kem̂’n à tin mbit dè jéi’t, à ade jèi nyan-noje ke à ra se jéi ndɔ ke kanm’t ɓai.

Hebreuge 6:6

Nè né è bè géa, ei teli ɔsi kundekem̂ le de pater nali osoi gide loo’t nata. Dooge nè nga, loo tel tur hal de dum de bang ta. E dooge nè á tɔli Krist Ngonn le Nube ɓeri nin kàde kage-ke-dese’t a, ilei rasɔl dènn’t tàkum dooge’t nata ndái-ndái a tɔ.

1 Pierre 1:3

Bɔ Kuwe-ɓee le jéi Jésu-Krist nga, maje kade dè’n mong káng-káng. E tel oje jèi kige se go kem̂kanm le’n ke al dè loo takul kunde ke è ade Jésu unde loo tee dann njé ke koo’t. Gir’n ke nè á j’undei kem̂ jéi tchên dè ndikumgajer’t.

1 Pierre 2:10

Sei nga kété mari sei kosdooge le Nube lé, nè ɗarinè sei dooge le’n ta. Sei nga kété mari ingei kem̂ tin mbit dè majelége’t le si ndan lé, nè ɗarinè Nube ade kem̂’n tin mbit dè majelége’t le si.

1 Pierre 3:21

Mann bêlm nè nga è nyan-tɔje ke ɔje dè kule doo manné njonm. Kule doo manné njonm nga è gir kaje ke sei ajii ɗarinè. Kule doo manné njonm nga ɔr nyan ke mine le danra ra si’t lé, nè è ndukunn ke sei unni se tàgir ke maje ke kem̂ si’t adi Nube. Kule doo manné njonm nga aje sei takul kunde ke Krist unde loo tee dann njé ke koo’t.