Tite 3:2 - Nouveau Testament en Gulay 2004

² Olé kem̂ de le kade ei njé taje nduge lé a, njé ɓeekosge lé a tɔ. Nè maje kade ei njé tam tà se ndu noje a, ei njé kaw lom-lom ra dooge’t malang a tɔ.

Tite 3:2 ပူးပေါင်းရင်းမြစ်များ

Matthieu 11:29

Ulei dè si i taai jug le’m, ulei ra si bàj dann nyan-ndóge’t le’m tede man nga m’ee doo ke m’aw lom-lom anje ti ra’m. Titeke bè á nganrankum ra si à kinge’n loo taa kebe.

Nyanra Njekawkulege 23:5

Paul ile de dè’t ede nè: – Ngakonmge, m’ger titeke doo nè nga è maw njèkuje nyan-mese lé. Oiyo, dé ndang kêm magtub’t ke tò se ninn’n d’ede nè: «Ngar le kosdooge lei nga, i a tam se’n tà ke majelé lé.»

1 Nje Ke Corinthe 6:10

njéɓog-ge, njékêmkeinge, njé ke yibe ule mbe dè de’t, njé tête tàge éké njé banm dooge táa nyange le de nga, à ilei nja de kêm Konɓee’t le Nube ndan lé.

1 Nje Ke Corinthe 9:19

Man nga m’ndi dè’m pal m m’ee ɓer le doo karé bè lé. Nè né è bè géa, m’tel ra’m ke ɓer le dooge malang tede kinge’n kosdooge bule ngain ase dè tɔgem’t kade Krist.

2 Nje Ke Corinthe 10:1

Man Paul kuwe, m’ndeje sei se go ndu noje a, se go kêm-maje le Krist a tɔ. Man nga, dooge ke nange tami se’m edi nè: loo ke m’nda tàkum si’t ɓaa, m’ee doo ke sɔl lom-lom; nè loo ke m’goto dann si’t ɓaa, m’ee njè tà tur.

2 Nje Ke Corinthe 12:20

M’ɓel kêm’t tede bainléa loo ke m’a m’aw ra si’t nga, m’a m’inge sei dè nyanra ke kêm’m ndige lé’t. Sei géa, bainléa a ingei man dè nyange ke kêm si ndige’t lé nga a tɔ. Man ɓel kêm’t m’ede nè bainléa m’a kaw kinge sei dè kɔl nan’t, dè ra jang’t, dè ra wong’t, dè kaw se nan se tà, dè tam tede nan, dè ti ra’t, dè tà kede yer éké dè sule nan dè tà’t a tɔ.

Nje Ke Galatie 5:22

Kann nyan le Ndil á tò nè: Tár nan, ranel, kem̂lom, kem̂kile, kem̂-maje, kem̂-kunde,

Nje Ke Galatie 6:1

Ngakonmge, ke nè á uwei doo karé dè ra nyan ke se go rebenn’t lé ɓaa, sei ke i njiyei se go Ndil-Kem̂nda ɓai nga, i gɔli nin ilei nin rebe ke danné se ndu noje. Sei géa, kem̂ si dè ra si’t nè bainléa a teli rai majelé se’n tɔ.

Nje Ke Galatie 6:10

Titeke bè á, loo ke j’ingei kurloo ɓaa, adi jè rai maje se dooge malang. Nè maje kade jè rai maje se ngakon jéige ke undei kem̂ de dè Nube’t j’adi dum dè le dooge ke rang malang.

Nje Ke Ephese 4:2

Ulei dè si adi nan a, awi lom-lom dann nan’t a, ilei kem̂ si pon dè nan’t a, oréi tà si njak dè nan’t se go tár ke Krist tár jèi.

Nje Ke Ephese 4:31

Maje kade kumkil kororo se ndáng ra se wong se kɔl nan beng-beng se taje ndu se kem̂yêr ke rara bere mbak nga, i sanrin de dann si’t kɔke.

Nje Ke Philippes 4:5

Maje kade dooge malang geri sei loo kaw lom-lom le si. Kuwe-ɓee è ngɔr ta.

1 Nje Ke Thessalonique 2:7

Kerɔte kuwe, j’asekum kunde nyankoto ke wɔi dè si’t le kul’n ra jé tede k’ee ke njékawkulege le Krist bè lé. Nè ndɔ ke jè ndi lom dann si’t asenan se kon ngannge ke tɔse kum’n dè ngannenge’t maje oto’n de bè.

1 Timothee 3:11

Neen dege géa, gar-gar à ei dinyege ke ri de ɓar maje, à ei njé tam tede dooge lé, à ei njé kain yibe kade ule mbe dè de’t lé a tɔ. Gar-gar à ei ke maje-kojege ɔje dè nyange malang.

1 Timothee 3:3

Gar-gar, njèkan dè njékebe nange le Nube à è ɓer le yibe lé a, è njè ɓeekos lé, nè gar-gar à è njè kaw lom-lom, à è njè kɔl se doo lé, à è njè ndige nar lé a tɔ.

Jacques 3:17

Nè kumkunju ke in danrán nga à ade doo unju nyang-nyang a, à ade doo à ee’n njèkem̂lom a, njè kaw lom-lom a tɔ. Kumkunju ke in danrán nga à ade doo à è njè kile koje a, kem̂kanm à taa ra’n pel-pel a, à è njè ra nyan ke maje a, à è njè kum tà go doo karé’t lé a, à è njèkede gos lé a tɔ.

Jacques 4:11

Ngakonmge, i tami tà ke majelé se nan lé. Doo ke tam tà ke majelé se ngokon’n ke njètaakem̂-Krist éké gangtà dènn’t ɓaa, è tam tà ke majelé dè gute-ndu’t a, gangtà dè gute-ndu’t a tɔ. Ke nè á i gangtà dè gute-ndu’t ɓaa, i njèkan dè gute-ndu sêw-sêw lé ta, nè i tel i njègangtà dè gute-ndu’t.

1 Pierre 2:1

Bè ɓaa, inyei go kem̂yêr se nyanra ke se go ngein, se kede gos, se kem̂kein a, se tam tede nan a tɔ. Inyei go nyange nè bere mbak kɔke.

1 Pierre 3:10

Magtub ke tò se ninn’n tam ede nè: «Doo ke ndige le ndi lom a, ndige le kan ndɔge ke maje ɓaa, maje kade ebe ra’n dè tà ke majelé’t a, dè tà libe kum dooge’t a tɔ.»

1 Pierre 3:8

I ndigi tà go nan’t malang a, unni kum si dè nan’t lé a, i ndigi nan tite ngakon nange bè a, i rai kem̂kanm se nan a, ulei dè si adi nan a tɔ.

1 Pierre 4:4

Kebe ke sei ebi ra si dè ra nyange ke pás-pàs nan’t se njé ke geri Nube lé nga, ɗarinè an-in ke nyankɔbe. Gir’n ke nè á ei unni gir taji sei mbɔk-mbɔk.

2 Pierre 2:10

Dooge ke ulei ra de mbiriri dann ngur nyange ke majelé le danra nga minei tanm-tanm tàkum Nube’t. E dé nè kuwe mbain á Nube à gangtà dè de’t. Dé dooge ke njé nede tɔgmong le Nube. Dé njé tà turge ke d’an ra de ke dooge ke asi. Dooge ke danrán ke ndubra le Nube gan dè de wak nga géa, dé d’ile koje dè de’t lé a, dé taje de a tɔ.

Jude 1:10

Nè dé dooge ke m’ede sei tà le de nè nga, nyan ke dé ger gir njai lé nga ndɔr de aw se de loo tuju’t tite dange ke tàgir le de goto bè.

Jude 1:8

Kerɔte kuwe, dooge ke uri dann si’t nga, ei rai nyange ke pás-pàs tite dooge ke kem̂ ɓee-bòge ke Sodome se Gomorrhe nga tɔ. Dé gir nyange ke se go rebe’n lé kem̂ de’t a, d’ule ra de mbiriri dann nyange ke mine’t. Dé njé kute tɔgmong le Jésu-Krist mbeng a, dé nede dooge ke danrán a tɔ.