Tite 3:14 - Nouveau Testament en Gulay 2004

¹⁴ Maje kade njétaakem̂-Kristge ke ɓéee le jéi jèi géa ndói ra kulege ke maje se ndɔ karé-karé. D’a ra titeke bè le kinge’n nyange ke le ra’n se njé ke nyan nal de. Loo ke ei ndii se dè de dɔ ɓai nga, ke nè á ei rai se njé ke nyan nal de ɓaa, kann de a tò.

Tite 3:14 ပူးပေါင်းရင်းမြစ်များ

Matthieu 21:19

E an kage koté karé ngang rebe’t ngɔr. E tɔ aw tutu, è inge kann’n karé bè lé nè mbi’n á tò karè. Jésu tel tam se kage koté nè ede nè: – I a tel kann gugu ndan lé sár se non. Ke loon’t nè kuwe kage koté nè nga wei tutu njanm.

Matthieu 7:19

Kage ke rara ke ann majelé ɓaa, dé tuge’n dé gang’n d’ile’n poro.

Jean 15:16

E sei á ɔri man lé, nè è man á m’ɔr sei m’unde sei tede kade awi a, anni se kann si a, tede kade kann si tò tutu a tɔ. Titeke bè á nyan malang ke sei deji Bɔ’m se ri’m nga, à ade sei kuwe.

Jean 15:8

Ke nè á anni se kann si ɗàk-ɗàk ɓaa, d’a d’ile’n riɓar dè Bɔm’t a, a i teli k’ei njékuwe-girmge a tɔ.

Nyanra Njekawkulege 18:3

Paul aw inge Aquilas se neen’n ndi se de tede ei kɔde kojo kei kubu madennge.

Nyanra Njekawkulege 20:35

M’ndó sei titeke bè ɔje dè nyan malang, kade ulei ra si ndibe loo ra kule’t gar-gar tede le ra’n se njétɔg gotoge. Adi kêm si olé dè tàge’t ke Kuwe-ɓee Jésu kuwe tam ede nè: «Kunn nyan kade è ranel ngain dum taa nyan.»

Nje Ke Rome 12:13

I rai se njétaakêm-Kristge dè nyange ke nal de. I pabri mbage par-par.

Nje Ke Rome 15:28

Loo ke m’a m’tɔl tà kule nè nga, m’a kum nyan-nojege nè nga ji de’t se loo tò’n bere mbak ɓá ɓaa, m’a gang dè si’t le kaw kêm ɓeekon ke Espagne.

Nje Ke Ephese 4:28

Doo ke ndɔ ke è njèɓog nga, maje kade ebe ra’n ɓoge. Nè è soo’t kade ule ra’n ndibe ra kule ke maje se ji’n è kuwe. Titeke bè á à inge’n nyan le kai kade doo karé ke nyan nal’n tɔ.

Nje Ke Philippes 1:11

Jésu-Krist à ra se si kade i rai nyange ke se dè naje’n le kade d’ile’n riɓar dè Nube’t a, dé ɗɔi’n a tɔ.

Nje Ke Philippes 4:16

Loo ke ndɔ ke m’nain kem̂ ɓee ke Thessalonique ɓai nga, sei ulei se nyan nja karé éké nja joo i rai se’m dè nyan ke m’aw ndoo’n.

Nje Ke Philippes 4:17

E nyankunde nja á m’sang ra si’t lé, nè le kade kann si in dè made’t ke kété-kété ade sei.

Nje Ke Colosses 1:10

Titeke bè á pa njiye si à uwe’n made nan se le Kuwe-ɓee kade i rai nyan ke kem̂’n ndige. Sei a i rai nyange ke se ri de-ri de a, ger gel Nube le si à in dè made’t ke kété-kété a tɔ.

1 Nje Ke Thessalonique 2:9

Ngakon jége, loo ke ndɔ ke j’ile mber Tà ke Maje le Nube j’ade sei nga, j’ule ra jé ndibe jè ra kule j’ɔr yàl-yàl ndɔ a, kada a tɔ. Jè ra titeke bè tede le tel kɔii’n dè doo karé bè dann si’t lé. Ké kem̂ si olé dè’t ɓila lé sár wa?

2 Nje Ke Thessalonique 3:8

Doo karé bè géa ndɔ ke ade jè mapa j’use karè lé. Nè j’ule ra jé ndibe, jè ra kule j’ɔr yàl-yàl ndɔ a, kada a tɔ. Jè ra titeke bè tede le kɔi’n dè doo karé dann si’t lé.

Tite 2:8

I ndó de ngarankum tà ke maje unju nyang-nyang ke doo ase mbate lé. I ra bè le kade ra njé kɔse sei tàge sɔl’n de. Titeke bè á njé kɔse sei tàge à ingei tà ke majelé karé bè ke le kilei dè jéi’t lé.

Tite 3:8

Tà nè nga, è tà kerɔte. Man m’ndige kade oré kage dè tà’t nè nga tede kade njé ke undei kem̂ de dè Nube’t awi kum de ke kété-kété dè kule rage ke maje’t. Tà nè nga è Tà ke Maje ke à ra se dooge malang.

2 Pierre 1:8

Ke nè á awi se nyange nè nga adi tooi ra si’t ndàj-ndàj ɓaa, dabe ger gel Kuwe-ɓee le jéi Jésu-Krist à ra sei lé, nè à adi a i geri gel Kuwe-ɓee le tel taai nan se’n tcha-tcha.