Tite 3:13 - Nouveau Testament en Gulay 2004

¹³ I ra se Apollos se Zénas njèndó dooge gute-ndu dè kaw mba’t le de. I tɔse kumi dè de’t le kade nyan karé nal de lé.

Tite 3:13 ပူးပေါင်းရင်းမြစ်များ

Matthieu 22:35

E ke karé dann de’t è njèndó dooge gute-ndu Nube deje Jésu tà karé le kuye’n gum nonn’t ede nè:

Tà ke Maje ke Luc ndang 10:25

Njèkɔrgir gute-ndu Nube karé bè ɔse nang in dɔ, unn tà deje Jésu an-in’n kêm’n ede nè: – Njèndó dooge nyan, ké ri á m’a ra ɗarinè le kinge’n ndikumgajer ke à tò se non nga wa?

Tà ke Maje ke Luc ndang 11:45

Doo karé dann njékɔrgir gute-nduge deje Jésu ede nè: – Njèndó dooge nyan, tàge ke i tam nè nga, è titeke unde jè nan’t mbak i taje jè. Ké an bè lé wa?

Tà ke Maje ke Luc ndang 11:52

Sei njékɔrgir gute-nduge, a an-in ɓai! tede sei ɔri lakêlé tà rebe nyanger ke ɔje dè Nube nga ji si’t. Sei géa ilei nja si tu rebe’t nè nga lé a, njé ke ndigi kawi se rebe nè nga géa, ɔgi de a tɔ.

Tà ke Maje ke Luc ndang 14:3

Jésu unn tà karé deje njékɔrgir gute-nduge se Pharisienge ede nè: – Gute-ndu le jéi nga inye loo ade jéi éké ɔge jéi kaje doo se ndɔ taa kebe wa?

Tà ke Maje ke Luc ndang 7:30

Nè Pharisienge se njéndó dooge gute-ndu Nube d’ute nyan ke Nube ndige kade dé ra nga mbeng mbati kade Jean ule de manné njonm.

Nyanra Njekawkulege 15:3

Njékebe nange le Nube adi de nyan ke ɔje de kaw mba nè nga ji de’t. Paul se Barnabas se njé ke ei se de undei kêm ɓeekonge ke Phénicie se Samarie gangi. Ei ɔri ser tur ke dooge ke ei Juipge lé teli turi hal de undei kêm de dè Kuwe-ɓee’t adi dooge se loo malang. Ser nyan malang ke ei ɔri go nga ade njétaakêm-Kristge ranel ke bò.

Nyanra Njekawkulege 18:24

Dingem karé bè è Juip ri’n nè Apollos, ɓee koje’n è Alexandrie, ree kêm ɓee-bò ke Ephèse tɔ. Dingem nè nga è doo ke ger tam tà ngain a, ger magtubge le Nube ngain a tɔ.

Nyanra Njekawkulege 19:1

Loo ke Apollos nain kêm ɓee-bò ke Corinthe ɓai ɓaa, Paul unde kêm ɓeekon ke kàde mbalge’t se njà’n dɔ gang aw kêm ɓee-bò ke Ephèse. E inge pajage le Jean ke njèkule dooge manné njonm. E deje de ede nè:

Nyanra Njekawkulege 21:5

Nè loo ke jè ra se de ndɔge nè nga jè tɔl mbas ɓá ɓaa, j’in j’aw. D’in malang se neen dege a, se ngann dege a tɔ, dé dann jé sár d’aw se jé gide ɓee-bò’t nata. J’ɔse keje jé nang tà ba-bò’t j’ɔje tà se Nube.

Nyanra Njekawkulege 28:10

Dooge ilei riɓar dè jé’t ngain. Loo ke j’ayé kin kaw ɓaa, ei uwei se jé noje se nyange ke nal jè.

Nje Ke Rome 15:24

Loo ke ndɔn’t m’a maw ke kêm ɓeekon ke Espagne ɓaa, m’ɔje kêm’m tchên le gang dè si’t kan sei. Loo ke m’an sei ase’m ɓá ɓaa, m’ɔje kêm’m dè si’t le kade undei man rebe adi m’aw.

1 Nje Ke Corinthe 16:11

Maje kade doo karé dann si’t nede’n lé. I danni nin adi tel ree ra’m’t se kêmlom. Man a, se ngakonnge ke nè a tɔ, jè ndi jè ngine’n.

1 Nje Ke Corinthe 16:12

Nè ngokon jéi Apollos ɓaa, m’ra ndoo rann’t ngain kade tel aw se ngakon jéige ke njétaakêm-Kristge ke rang an sei. Nè è ndige le kaw ɗarinè lé ɓai. Ndɔ ke inge kurloo ke kanm ɓita à aw ra si’t ɓai.