Tite 3:11 - Nouveau Testament en Gulay 2004

¹¹ Doo ke titeke bè nga, maje kade i ger titeke ndem rebe ke danné sêw. E ra majelé kum’n ke kété-kété ile’n tà dè ra’n ee’t kuwe.

Tite 3:11 ပူးပေါင်းရင်းမြစ်များ

Tà ke Maje ke Luc ndang 19:22

Ngar tel ile ngonn njèndi nga dè’t ede nè: «I ngonn njèndi ke majelé, man m’gangtà dèi’t se go tà ke tee tài’t kuwe. I ger’m ke doo ke mann’n ate ngain ke ɔr nar loo ke è ɓɔyɔ nar tutu lé a, ke doo ke uje ko loo ke è dubu ko tutu lé a tɔ.

Tà ke Maje ke Luc ndang 7:30

Nè Pharisienge se njéndó dooge gute-ndu Nube d’ute nyan ke Nube ndige kade dé ra nga mbeng mbati kade Jean ule de manné njonm.

Jean 3:18

Doo ke unde kêm’n dènn’t ɓaa, dé gangtà dènn’t lé. Nè doo ke unde kêm’n dènn’t lé ɓaa, dé gangtà dènn’t ɓá tede è unde kêm’n dè Ngonn Nube ke dagi’t nga lé.

Nyanra Njekawkulege 13:46

Paul se Barnabas ndai kêm de káng edi de ndàt edi nè: – E sei Juipge á né j’ayé kede sei tà le Nube nga desêin. Nè sei utei tà nè nga mbeng a, an-in ra si ke dooge ke asi ndii kumgajer se non lé. Gir’n ke nè á, ɗarinè j’a tel tur kum jé ke ra njé ke ei Juipge lé tá ta.

Nyanra Njekawkulege 15:24

Jè j’oo titeke njé ke nange in-in dann jé’t awi bunguli sei se tàge ade tàgirge le si aw yo-yo, nè-nè. Dé dooge nè nga, è jè á j’unn ndu jé j’ade de lé.

Nyanra Njekawkulege 23:25

Njèkan dè njérɔge ke aru dɔg ndang magtub ade Félix ede nè:

Nje Ke Rome 3:19

Tàge malang ke gute-ndu tam nga, jè ger titeke è tam ɔje’n dè njé ke ndii gir gute-ndu’t. Doo karé à teen tà’n le tam’n tà dè rann’t lé. Dooge malang ke dè nang nè nga, tà uwe dè de non Nube’t.

2 Timothee 2:14

Olé kem̂ de dè nyange’t nè nga a, i ndeje de non Nube’t le kade d’inye go naje tà ke raikarè. Tede tà najege ke raikarè nè nga à tuju njé ke ooi tà’n se mbi de.

Tite 1:11

Dooge nè nga, gar-gar maje kade uwe tà de. Dé njé tête tà tchap-tchap ndó dooge ndonm’n de bere mbak nang ndalang-ndalang tede le kinge’n nyan ke nal naje’n.

Tite 1:14

Taɓai in se de i ndáng de le kade dé liger dè sú tàge le Juipge éké dè ndukunnge le dooge ke njé tur gide de kade ngarankum tà nga lé.

Hebreuge 10:26

Jèi ke jè geri ngarankum tà njai ɓá, ke nè á jè teli j’inyei go kundekem̂ le jèi le tel rai kaiya titeke kem̂ jéi ndige ɓaa, nyankuje-mese karé ke rang ke à ɔr se-majelége le jéi goto ta.