Tite 3:10 - Nouveau Testament en Gulay 2004

¹⁰ Tà ndóge nè nga, doo ke tɔr dann ke nange um kɔke ade njétaakem̂-Kristge tin-in nan nga, ute’n mbeng dann njékebe nange’t le Nube. Nè kété ɓita kade ute’n mbeng ɓaa, maje kade in se’n ase nja karé éké joo pa ɓita.

Tite 3:10 ပူးပေါင်းရင်းမြစ်များ

Nje Ke Rome 16:17

Ngakonmge, dooge ke utei nyan-ndó ke sei ndói mbeng kɔke nga, m’ra ndoo ra si’t le kade an-in de maje. Utei ra si mbeng ra de’t kɔke tede dé nga dé njé tɔse dè dooge nan’t a, dé njé kade dooge tosoi dann kaiya’t a tɔ.

1 Nje Ke Corinthe 11:19

Tà tin nan ke tò dann si’t nga, è nyan ke maje tede kade jè geri ngarankum ngann le Nube ke ndai njáng dè Tà ke Maje’t nga.

2 Nje Ke Corinthe 13:2

Kaw ke ndɔ ke m’aw ɓéee le si njèkon’t joo nga, ndɔ ke m’in se njé ra majelége dè majelé’t le de ɓá. Nè ɓila ke m’goto dann si’t nga géa, m’tel m’ede de ei se njé ke rang malang kété: Loo ke ndɔn’t m’a m’tel kaw ɓee le si ɓaa, m’a m’ra se de ngang ngain.

Nje Ke Galatie 5:12

Dooge ke njé bungul sei titeke bè nga, maje kade d’ade dé tɔr gum de d’oré’n dè kuje tà mɔte de ɓaa, à è soo de’t.

Nje Ke Galatie 5:20

Polé mage, ra nan se kuge, kɔr nan njêt, ra jang se nan, kɔl nan, ra kem̂kein, ra wong, ra nan tà, tà tin nan, kai nan, kɔr kum nan.

2 Nje Ke Thessalonique 3:14

Ke nè á doo karé ile koje dè tà’t le jé ke j’ede sei kem̂ magtub’t nè nga lé ɓaa, undei kum si goon’t tênn-tênn, utei ra si mbeng rann’t kɔke tede kade ra’n sɔl’n ade ndii’n gugum.

2 Nje Ke Thessalonique 3:6

Ngakon jége, j’unn ndu jé j’ade sei se ri Kuwe le jéi Jésu-Krist: Utei ra si mbeng ra njètaakem̂-Kristge ke rai dabe a, ke mbati kumi kem̂ de dè nyan-ndó ke ndɔ jè ndó de’t nga lé.

2 Timothee 3:5

Kem̂ ndɔge ke ngeinn’t nga, dooge à rai ra de ke njékile koje dè Nube’t, nè à ei njé naje se ra de dè tɔgmong’t le Nube. Dooge ke titeke bè nga, ute rai mbeng ra de’t kɔke.

2 Pierre 2:1

Njé tête tà kunde tà Nube’t nga, ndɔ ke kété undei loo teei dann kosdooge’t ɓá. Ɓila géa njéndó dooge nyan ke lanmge à undei loo teei pan dann si’t titeke bè tɔ. Dé nè nga, d’a d’unn nyan-ndóge ke gai pat kule dann si’t le tuju’n sei. D’ade mbate Ngar Jésu ke njèkuge dè de. Gir’n ke nè á d’a dé ɓar’n tuju kalang d’ile’n dè de’t.

2 Jean 1:10

Ke nè á doo karé ree ra si’t á ree se nyan-ndó le Krist nè nga lé ɓaa, uwei nin ke ra si’t kem̂ kei le si lé a, edi nin edi nè: «I ree se maje’n» lé a tɔ.