Tite 2:2 - Nouveau Testament en Gulay 2004

² Ede bɔ-dingemge le kade yibe ule mbe dè de’t lé. Nè maje kade ei dooge ke njé ke rang asikum kilei koje dè de’t a, à ei njé kunde kumkunju dè ra de’t a tɔ. Maje kade kundekem̂ le de è ke maje unju nyang-nyang a, maje kade ei njé tár dooge a, njé korè tà de njakge a tɔ.

Tite 2:2 ပူးပေါင်းရင်းမြစ်များ

Marc 5:15

Loo ke dooge reei ra Jésu’t ɓaa, ei teri dingem ke kété kos ndilge ke majelé undei loo teei kêmn’t nga. Kum’n tel tête rɔk ade tule kubuge rann’t ndii’n maje pêt-pêt. Ɓel unde dooge ndàt gang de.

Tà ke Maje ke Luc ndang 8:35

Dooge malang ke tà nè oso mbi de’t nga teei som-som le kawi kan-in nyan ke tee nè nga se kum de. Loo ke dé tee ra Jésu’t ɓaa, d’inge dingem ke ndilge ke majelé undei loo teei kêmn’t nga. Dè’n tel tò maje ade tule kubuge rann’t ndii’n nang ngêrêng nja Jésu’t. Ɓel unde dooge ndàt gang de.

Nyanra Njekawkulege 24:25

Paul unn gir tam tà ede nè: – Nube ndige kade dooge rai nyan se dè naje’n a, kade undei kumkunju dè ra de’t a tɔ, ɔji dè tà ke Nube à gang dè de’t ndɔ ke rang. Ɓel unde Félix ndàt gang’n ade tel ede Paul ede nè: – Ɔte aw ɗarinè ɓanm. Ndɔ ke m’inge kurloo ndêin ɓaa, m’a m’tel ɓari gugu rang ɓai.

Nje Ke Rome 12:3

Nube uwe se’m noje ke bò. Gir’n ke nè á m’ede’n sei karé-karé malang le kade undei kumkunju dè ra si’t ɔje dè tàgir le si. Maje kade nanan géa aw se tàgir ke ase dè tɔge kundekêm ke Nube ɔje ɗike’n ade’n nga.

1 Nje Ke Corinthe 15:34

Adi tàgir le si gang tchat. E ke nè á è nyan ke sêw ke kum ra. Ebi ra si ra majelé se ndɔge malang. Kerɔte kuwe, njé ke nange dann si’t geri Nube lé. M’tam bè m’ile’n rasɔl dè si’t.

1 Nje Ke Corinthe 9:25

Njè kan-in ngɔde ke rara géa ɔge ra’n dè nyange gai-gai. Njé naje nan ngɔde nga rai titeke bè le kingei jɔkɔ kunn banga ke à ndis ɓai. Nè jè ɓaa, j’ɔge ra jé dè nyange gai-gai tede kinge’n jɔkɔ kunn banga ke à ndis lé.

2 Nje Ke Corinthe 5:13

Doo ke nange tami edi nè: «Jè mbege.» Nè jè mbege tede le Nube. Ke nè á kêm jé tel tɔ kuju tà ɓaa, tɔ kuju tà tede tà le si sei.

Nje Ke Galatie 5:23

kaw lom-lom se kunde kumkunju dè ra’t a tɔ. Gute-ndu ute nyange nè nga mbeng lé.

Nje Ke Philippes 4:8

Ngakonmge, gute nyange ke nain á tooi nè: Nyan ke è nyan ke get, éké riɓar éké nyan ke se dè naje’n éké nyan ke unju nyang-nyang éké nyan ke taa kum dooge ɗekm éké nyan ke maje dum éké nyan ke kum kinge pite tò tutu ɓaa, uwei kem̂ si mong dè’t.

1 Nje Ke Thessalonique 5:6

Bè ɓaa, adi jè tooi ɓi tite njé ke rang bè lé; nè adi jè ndii dè nja jéi’t, adi jè ndii kum jéi karè.

1 Nje Ke Thessalonique 5:8

Nè jéi ke jéi ngann dann kàdege nga adi jè ndii kum jéi karè. Adi j’unni kundekem̂ se tár nan ke nyan rɔ le jéi. Adi j’unni kundekem̂ tchên dè kaje’t tite jɔkɔ le jéi a tɔ.

1 Timothee 1:10

Gute-ndu Nube nga tò tede le njé tò se dinyege ke rang, tò tede le dingemge ke njé tò se dingem made dege, tò tede le njé kige ɓerge se njé lanmge se njé kubu ra dege. Nyange ke rang malang ke uwei made nan se nyan-ndó ke majelé nga, ute de mbeng.

1 Timothee 1:14

Oiyo, Kuwe-ɓee le jéi ra se’m kem̂-maje ke bò: è ade m’unde kem̂ dènn’t tede tár ke Jésu-Krist tár’m ade m’um se’n nan’t bɔk a tɔ.

1 Timothee 1:2

M’ndang magtub nè m’ade Timothée ngonn kem̂’m gir kundekem̂’t. Maje kade kem̂-maje se kem̂kanm se kem̂lom ke in ra Bɔ jéi Nube’t se ra Kuwe-ɓee le jéi Jésu-Krist nain se si.

1 Timothee 1:5

Gir ndukunn nè nga è le kɔse gir tár nan se kem̂nda káng ke in dè tàgir ke maje ke kem̂’t se dè kundekem̂ dè Nube’t ke get nal kede gos kade ra tɔge ke kété-kété.

1 Timothee 3:11

Neen dege géa, gar-gar à ei dinyege ke ri de ɓar maje, à ei njé tam tede dooge lé, à ei njé kain yibe kade ule mbe dè de’t lé a tɔ. Gar-gar à ei ke maje-kojege ɔje dè nyange malang.

1 Timothee 3:2

Doo nè nga, gar-gar à è njègel goto, njè dinye karé luk-luk, njè kain yibe kade ule mbe dènn’t lé, à è njè kunde kumkunju dè rann’t, à è njè kan go ra’n sêw-sêw, à è njè ra mba, a è doo ke ase ndó nyan njé ke rang a tɔ.

1 Timothee 3:4

Njèkan dè njékebe nange le Nube nga gar-gar à è doo ke ger rebe kɔr non njékem̂keige le’n ke kinge’n maje, à è njè kan-in ngang ngann’n kade ei njékile kojege ke deri.

1 Timothee 3:8

Njékan dè nyange le njékebe nange le Nube nga géa, gar-gar à ei dooge ke ri de ɓar maje, à ei njé kum tà minye’t joo lé, à ei gon kain yibe lé a, à ei njé kain ngɔde go nyankinge ke se dè naje’n lé lé a tɔ.

1 Timothee 5:1

In se bɔ dingem i ndáng’n ɓej-ɓej lé, nè i ndeje’n tite bɔi bè. I ndeje basa titeke i ndeje’n ngakoinge bè.

Tite 1:13

Tà ke njèribe-dè-tà le de tam nè nga è tà kerɔte kuwe. Gir’n ke nè á, in se de i ndáng de le kade d’unju dè kundekem̂’t le de.

Tite 1:8

Nè gar-gar à è njè ra mba a, njè ndige nyan ke maje a, à ndi kum’n karè a, à è njè ra nyan se dè naje’n a, à è doo ke tò se ninn’n a, à è njè kunde kumkunju dè rann’t a tɔ.

Tite 2:7

I géa, maje kade i nyan-tɔje le de se go nyanraige ke maje. I ndó de nyan ke unju nyang-nyang le kade d’ile koje dè’t.

Philemon 1:9

Nè m’ra ndoo rai’t tede k’ee ke i kotár le’m. Man Paul ke m’ee ngatɔg doo nga, m’tò dangai’t ɗarinè tede tà le Jésu-Krist.

1 Pierre 1:13

Bè ɓaa, adi tàgir le si ndikum a, i ndii kum si karè. Undei kem̂ si tchên dè noje ke d’a d’uwe se si ndɔ tel ree’t le Jésu-Krist.

1 Pierre 4:7

Ndɔ le ngei nyange malang è ngɔr ta. I njiyei se kumkunju’n a, i ndii kum dè kɔje tà se Nube’t a tɔ.

1 Pierre 5:8

I ndii kum si karè, ɔgi kum si ɓi. Sú ke è njèban le si nga uje rɔ ringe’n tite toboi bè. E sang doo ke le kuwe’n kuse’n.

2 Pierre 1:6

Utei ra si kalang le rɔti kunde kumkunju dè ra’t tà gos nyanger’t. Utei ra si kalang le rɔti korè tà njak tà kunde kumkunju’t dè ra’t a, utei ra si kalang le rɔti kile koje dè Nube’t tà koré tà njak’t a tɔ.