Tite 2:15 - Nouveau Testament en Gulay 2004

¹⁵ E ke nè á è tàge ke kum kade i ndeje’n de a, in’n se de i ndáng’n de se tɔgmong ke Nube adi deri dè tàge ke se go rebe’n lé. Tite, an tá nè à kade doo karé nedi.

Tite 2:15 ပူးပေါင်းရင်းမြစ်များ

Matthieu 7:29

E ndó de nyange se tɔgmong ke Nube ade’n m è ndó de nyan tite le njékɔrgir gute-nduge le de karè lé.

Marc 1:22

Tà ige de sêl dè gos nyan-ndó’t le’n. E ndó de nyan se tɔgmong ke Nube ade’n m ndó de nyan tite le njékɔrgir gute-nduge karè lé.

Marc 1:27

Ndil dooge malang tee an-in soin-soin ade deji nan tà edi nè: – Ké nyan nè nga è ri wa? E nyan-ndó ke gai se tɔgmong ke in ra Nube’t. Ndilge ke majelé géa Jésu on de njanm-njanm ade ulei dè de adii.

Tà ke Maje ke Luc ndang 4:36

Dooge malang ke ndii tutu nga, tà ige de sêl ade ei deje nan tà edi nè: – Ké è tà ri á bè wa? Doo nè nga on ndilge ke majelé njanm-njanm ede nè: «Undei loo i teei» ɓaa, ke loon’t nè kuwe, undei loo teei an-in nan.

1 Nje Ke Corinthe 16:11

Maje kade doo karé dann si’t nede’n lé. I danni nin adi tel ree ra’m’t se kêmlom. Man a, se ngakonnge ke nè a tɔ, jè ndi jè ngine’n.

1 Timothee 5:20

Njé ke rai majelé kum de ke kété-kété nga, in se de dè’t tàkum njékebe nange’t le Nube malang tede kade njétaakem̂-Kristge ke rang ɓeli rai kaiya.

2 Timothee 4:2

Né loo maje éké majelé géa, uwe rai mong ile mber Tà ke Maje. In se de dè majelé’t i ndáng de, ule dingem kem̂ de’t, i ndó de nyan se kem̂kile ke deri.

Tite 1:13

Tà ke njèribe-dè-tà le de tam nè nga è tà kerɔte kuwe. Gir’n ke nè á, in se de i ndáng de le kade d’unju dè kundekem̂’t le de.

1 Pierre 4:11

Ke nè á doo karé aw se nyan-noje ke ɔje dè kɔrgir tà ɓaa, maje kade ile’n mber tà le Nube se go rebe’n. Ke nè á doo karé è ngonn njèkule le madennge ɓaa, maje kade ra kule nè nga se tɔgmong ke Nube ade’n. I rai titeke bè tede kade d’ile’n riɓar dè Nube’t ɔje dè nyange malang takul Jésu-Krist. Riɓar se tɔgmong ei le Nube sár se non. Maje kade è titeke bè kuwe.