Tite 2:14 - Nouveau Testament en Gulay 2004

¹⁴ Jésu-Krist inye ra’n ade yo uge’n dè jéi, ɔr’n jèi dann majelé’t bere mbak. E ɔr jèi unde jèi se ninn’n le kade jèi kosdooge le’n kuwe deri. Jésu ra titeke bè tede kade jèi kosdooge le’n ke njé ra nyange ke maje se rakɔlé.

Tite 2:14 ပူးပေါင်းရင်းမြစ်များ

Matthieu 1:21

Ngonn ke dingem ke a oje’n nga, i a kile ri’n nè Jésu. E kuwe á à ɔr kosdooge le’n dann kaiyage’t le de kaje de.

Matthieu 20:28

E titeke bè á man ke m’ee Ngonn doo nga, m’ree’n dè nang nè. M’ree le kade dooge ei ngann njékulege le’m lé, nè m’ree tede le k’ee ngonn njèkule le dooge a, le kinye ra’m kade yo tede le kuge’n dè de a tɔ.

Matthieu 3:12

Doo nè nga, kéee le’n è jinn’t. A ɔi kêm gar le’n ndát-ndát a, a ɔse nja ko le’n nan’t kêm dam’t a tɔ. Nè a ró tise ko se por ke doo ase tɔl ndan lé.

Jean 10:15

Bɔ’m ger’m tede man géa m’ger’n a tɔ. Gir’n ke nè m’ile’n ra’m kɔke tede le batege le’m.

Jean 6:51

Mapa ndikumgajer ke in danrán nga è man. Doo ke use mapa nè nga ɓaa à ndi kumgajer se non. Mapa ke m’a m’ade le kade dooge ke dè nang nè ndii kumgajer nga, è danra’m man kuwe.

Nyanra Njekawkulege 15:14

Kété mari kuwe, Nube ɔje le tɔr dooge dann dooge ke ei Juipge lé le kade ei kosdooge le’n ke kinge’n. E tà nè á Simon ɔrgir ɗarinè ade jèi.

Nyanra Njekawkulege 15:9

E ɔr ninn jéi se de gai lé, è ɔr se-nyange ke mine ngarankêm de’t takul kêm de ke d’unde dènn’t.

Nyanra Njekawkulege 20:28

Undei kumkunju dè ra si’t se dè bate kosge malang ke Ndil-Kêmnda unde sei ke njékan dè dege. Uli njékebe nange le Nube ke è ndogo de se mese’n ke kinge’n.

Nyanra Njekawkulege 9:36

Dinye karé ke njètaakêm-Krist ndi kêm ɓee ke Joppé. Dinye nè nga ri’n nè Tabitha ke dé ɓar’n Dorcas se tà grec. Dorcas se tà le jéi ɓaa è «jêl». E dinye noje ke ra nyange gai-gai uwe’n noje se njéndooge bule.

Nje Ke Galatie 1:4

Jésu Krist inye ra’n è kuwe ade yo tede kaiyage le jéi. E inye ra’n ade yo tede le kɔr’n jéi wont ji tɔgmong ke majelé le dè nang nè nga se go kem̂ndige le Bɔ jéi Nube.

Nje Ke Galatie 2:20

Man nga, dé tɔl’m kade kage-ke-dese’t se Krist’t nan’t. Ke nè á m’ndi kumgajer ɓai ɓaa, è man lé ta, nè è Krist á ndi kumgajer kem̂’t. Ke nè á danra’m ndi kumgajer ɗarinè ɓaa, è tede kem̂’m ke m’unde dè Ngonn le Nube ke tár’m. Ngonn le Nube inye ra’n ade yo tede’m.

Nje Ke Galatie 3:13

Krist uge dè jé ɔr jè ji ndu-mann’t le gute-ndu. E tel ra’n ke doo ke ndu-mann uwe dè’n bè tede tà le jéi. Titeke ke bè á dé ndang’n kem̂ Magtub ke tò se ninn’n d’ede nè: «Nanan ke dé ɓer’n kàde kage’t ɓaa, ndu-mann uwe dè’n ɓá ta.»

Nje Ke Ephese 1:11

Takul’n è á j’inge’n gaje nyan-ndube ke ɔje dè jé tede Nube tɔr jè kété mari se go nyan ke è ɔje. Nube ra nyan malang ade aw loon’t deĵ se go nyan ke è ɔje se go kem̂ndige le’n.

Nje Ke Ephese 2:10

Jèi, jèi dookundege le Nube. E Nube kuwe unde jèi se go kum ke j’um nan’t bɔk se Jésu-Krist tede kade jè rai nyanrage ke maje. Nyanrage ke maje nga Nube uwe dè nja de kété kade jè rai se ndɔ jéi, ndɔ jéi.

Nje Ke Ephese 5:2

I njiyei se tár nan titeke Krist tár’n jèi á inye’n ra’n ade Nube tede le jéi è kuwe ke nyan kade noje se nyankuje-mese ke taa kum Nube.

1 Timothee 1:15

Tà nè nga è tà kerɔte ke le kade nanan géa taa um kem̂’n dè’t bɔk-bɔk: Jésu-Krist ree dè nang nè le kaje njé ra majelége. Man nga kuwe m’ee ke desêin sàk-sàk le njé ra majelége.

1 Timothee 2:10

Nè maje kade nyanrage ke maje á ei kubu kule ra’t le de. E ke nè á è nyan ke tuwe dinyege ke njétaakem̂-Kristge nga ɗêw.

1 Timothee 2:6

Jésu-Krist inye ra’n è kuwe ade yo uge’n dè dooge malang. E ke nè á è tà ke è ɔrgo kété kem̂ ndɔn’t le’n nga.

1 Timothee 6:18

I ndeje de le kade dé njé ra majege, éké kade dé baw nyanrage ke maje a, le kade d’uwe noje se go dege, non dege. I ndeje de le kade d’in kalang dé kai nyange le de d’ade dooge ke rang se de se kem̂nda káng.

Tite 2:7

I géa, maje kade i nyan-tɔje le de se go nyanraige ke maje. I ndó de nyan ke unju nyang-nyang le kade d’ile koje dè’t.

Tite 3:8

Tà nè nga, è tà kerɔte. Man m’ndige kade oré kage dè tà’t nè nga tede kade njé ke undei kem̂ de dè Nube’t awi kum de ke kété-kété dè kule rage ke maje’t. Tà nè nga è Tà ke Maje ke à ra se dooge malang.

Hebreuge 1:3

Ngonn nè nga, è njè kade ndubra le Bɔ’n Nube kile ra’n ke nata a, è kum gute tà Bɔ’n kuwe tcha-tcha a tɔ. Ngonn nè nga gete nyankundege malang se go tà ke tee tànn’t. Loo ke Ngonn nè nga ɔr se-kaiyage tɔl kon’n ɓá ɓaa, è aw ndi dɔ nú dè jikon Nube ke njè dum dè nyange malang.

Hebreuge 10:24

Ade jé tɔsi kum jéi dè nan’t a, adi j’ɔsi gir nan dè tár nan’t a, se dè nyanra ke maje’t a tɔ.

Hebreuge 9:14

Nè Krist inye ra’n ade Nube ke nyankuje-mese ke maje ɔr njêt takul Ndil ke njèndisenon. Mese Krist nga ɔr se-tàgir le jéi ke majelé ndát-ndát dum le mese dange ɓai. Mese’n ɔr jèi unde jèi se ninn’n tede kade jè rai kule j’adi Nube ke njèndi kumgajer.

Jacques 4:8

Agi ngɔr ke ra Nube’t ɓaa, è géa à age ngɔr ke ra si’t tɔ. I togoi ji si, sei njé ra majelége; ɔri se-nyange ke majelé kɔke dè ɓengre si’t, sei njé kem̂ jooge.

1 Pierre 1:18

Sei geri mbak titeke ei nyange ke ayé tuji tite nar-ɔr éké nar-nda á Nube uge’n dè si ɔr’n sei gir hal ke raikarè ke kà sige telii adi sei nga lé.

1 Pierre 1:22

Koje ke sei ilei dè ngarankum tà’t nga á i telii sei dooge ke unji nyang-nyang le tár’n njétaakem̂-Kristge se kem̂nda káng. I tári nan ngain dè ɓengre si’t.

1 Pierre 2:12

Dooge ke geri Nube lé nga tami tede si a, an-in sei ke njè ra majelége a tɔ. Nè né è bè géa, i njiyei dann de’t se maje’n tede kade teri nyanra sige ke maje. Titeke bè á à ilei riɓar dè Nube’t ndɔ ke à ile’n kum’n dè de’t.

1 Pierre 2:9

Nè sei ɓaa, sei girkà ke d’ɔr sei ke njékuje nyan-mesege ke gir si è ngar. Sei sei girkoje dooge ke i tooi se ninn si gai. Sei kosdooge le Nube ke kinge’n kuwe deri. E ɓar sei ade undei dann tilkus’t i teei, i reei dann lookar’t tede kade ilei mber nyanrage ke maje dum nga.

1 Pierre 3:18

Krist nga kuwe géa, nyankem̂kon ra’n nja karé bere luk-luk ke ngang’n tede nyanra majelé le dooge. Krist è njè ra nyan se dè naje’n. Nyankem̂kon ra’n ɔje dè nyanra majelé le dooge tede le tel ree’n se si ra Nube’t. Danra’n á dé tɔl nè è tel ndi kumgajer takul Ndil-Kem̂nda.

1 Jean 1:7

Ke nè á jè njiyei dann lookar’t titeke Nube ndii’n dann lookar’t nga bè ɓaa, j’umi nan’t bɔk a, mese Ngonn’n Jésu-Krist togo kaiya le jéi bere mbak ndát-ndát ɔr kɔke.

1 Jean 1:9

Nube à inye go ndukunnge le’n lé. E njè ra nyan se dè naje’n. Ke nè á j’ɔri gir majelége le jéi ke nata ɓaa, è à ade kem̂’n à tin mbit dè majelége’t le jèi. Nube à inye go nyanrage ke se dè naje’n lé le jèi nga bere mbak kɔke.

1 Jean 3:2

Kotárge le’m, ɗarinè jèi ngann Nube. Nè táa ke jè táai nan se’n nga, ɗarinè tò nata ndái-ndái lé ɓai. Nè né è bè géa, nyan karé ke jè geri á tò nè: Ndɔ ke Krist à tel kunde loo tee pan ɓaa, j’à tooi táai nan se’n tcha-tcha tede j’à j’an-in nin se kum jéi ndan-ndan kem̂ ndɔn’t nè nga.

Lookilera’n 1:5

Maje kade Jésu-Krist njèkɔrgo tà ke get-get ade sei kem̂noje se kem̂lom. Jésu-Krist nga è kuwe karé bere á è doo ke desêin sàk-sàk ke unde loo tee dann njé ke koo’t. E nga è ngar ke on ɓee dè ngarge ke dè nang nè. Jésu-Krist nga tár jèi a, ɔr jèi dann kaiya’t le jéi takul mese’n a tɔ.

Lookilera’n 5:9

Nyankundege ke sɔ se ngatɔgege ke kɔr-joo-gidé-sɔ nè ɔsi pa ke kige ɗɔyi Ngonn bate edi nè: «I kuwe se kari asekum taa magtub nè le tutu nyankorji ke dé tinye’n tà’n. Tede è i kuwe á ndɔ ke dé tɔli. E i kuwe á uge dè girkoje dooge malang dè nang nè ke tà tam de è gai-gai se kosdooge a, se girkoje dooge se dè-ɓee-dè ɓee se mesi ade Nube.