Tite 2:12 - Nouveau Testament en Gulay 2004

¹² Kem̂noje le Nube nè nga ndó jèi loo mbate nyange ke uwe made nan se le Nube lé a, se ngur nyange ke ɔje dè dè nang nè a tɔ. Nè kem̂noje nè nga ndó jèi rebe kunde kumkunju dè ra’t dann dooge ke ndii dè nang nè ɗarinè. Kem̂noje le Nube nga ndó jèi nyanra ke se dè naje’n ke uwe made nan se kile koje dè Nube’t.

Tite 2:12 ပူးပေါင်းရင်းမြစ်များ

Matthieu 12:32

Ke nè á doo karé tam tà ke majelé se’m man Ngonn doo ɓaa, d’a kade kêm de tin mbit dè’t ɓai. Nè ke nè á doo karé tam tà ke majelé se Ndil-Kêmnda ɓaa, d’a d’ade kêm de tin mbit dènn’t kêm ɓalge’t ke ɗarinè éké kêm ɓalge’t ke à reei nga lé a tɔ.

Matthieu 16:24

Taɓai Jésu ede njékuwe-girnge ede nè: – Ke nè á doo karé ndige kunn rebe goom’t ɓaa, maje kade inye go tàgir ke ɔje dè ra’n kɔke a, maje kade uwe dè nja ra’n se ndɔge malang le kwei titeke man m’ra’n bè ɓita unn dè nja’m têr-têr ɓai.

Matthieu 28:20

I ndói de loo kile koje dè ndukunnge malang ke kété m’unn m’ade sei nga. An-in! man nga géa m’a m’ee der gir si se ndɔ karé-karé malang sár ndɔ ke ngeinn’t.

Tà ke Maje ke Luc ndang 1:6

Zacharie se dinye le’n Elisabeth ei njé ra nyange ke danné sêw tàkum Nube’t a, ei njiyei se go gute-ndu Nube têr-têr a tɔ.

Tà ke Maje ke Luc ndang 1:75

Nube ndige le kade jè rai nyan ke se dè naje’n tàkumn’t sár ngei ndɔ ndikumgajer le jéi dè nang nè.

Jean 14:30

M’a m’ɔje se si tà ngain lé ta, tede ngar ke njèkonɓee dè nang nè à ree non ta. Kerɔte kuwe, è ase ra se’m nyan karé bè lé.

Jean 6:25

Loo ke d’inge’n gide ba’t nú ɓaa, dé deje’n d’ede nè: – Ngar, ké i ree nè lot bain wa?

Nyanra Njekawkulege 24:16

Gir’n ke nè á m’ute’n ra’m kalang m’njiye’n non Nube’t se non dooge se tàgir ke unju nyang-nyang se ndɔge malang.

Nyanra Njekawkulege 24:25

Paul unn gir tam tà ede nè: – Nube ndige kade dooge rai nyan se dè naje’n a, kade undei kumkunju dè ra de’t a tɔ, ɔji dè tà ke Nube à gang dè de’t ndɔ ke rang. Ɓel unde Félix ndàt gang’n ade tel ede Paul ede nè: – Ɔte aw ɗarinè ɓanm. Ndɔ ke m’inge kurloo ndêin ɓaa, m’a m’tel ɓari gugu rang ɓai.

Nje Ke Rome 12:2

Umi nan’t lêtêt se dooge ke ndii dè nang nè ɗarinè nga lé. Nè inyei Nube adi tel sei ke dooge ke kige a, ade ade sei tàgir ke kige a tɔ. Titeke bè á a i teri nyan ke maje ke kêm Nube ndige a, nyan ke maje ɔr njêt ke à taa kum’n ɗekm a tɔ.

Nje Ke Rome 6:12

Danra ke ndɔn’t à wei nga adi kaiya tel on ɓee dènn’t ndan lé ta. I teli i turi ra si go ngur nyange’t ke ɔje dè danra si nga ndan lé a tɔ.

Nje Ke Rome 6:19

M’tam tà nè nga se go tà tam dooge tede loo ger gir tàge nè tur se si ngain. Kété sei rai ra si ke ɓerge le nyan ke mine se nyan ra ke pás-pàs le kal’n tà tà Nube’t. Nè ɗarinè, sei rai ra si ke ɓerge le nyanra ke se dè naje’n tede kade sei dooge ke i tooi se ninn si le Nube.

Nje Ke Rome 8:13

Ke nè á sei rai nyange ke kêm danra ndige ɓaa, sei a i tooi kasinan se dooge ke weii tàkum Nube’t. Nè ke nè á Ndil ra se si ade ebi ra si rai nyange le danra ɓaa, sei a i ndii kumgajer kerɔte kuwe.

2 Nje Ke Corinthe 1:12

Nyan ke ade dè jé in’n tchakm nga, è tàgir ke kêm jé’t. Jè ger kêm jé’t titeke nyanra jé taa kum dooge ke dè nang nè. Sei kuwe mbain géa, i geri titeke nyanra jé è nyanra ke se dè naje’n. E kêmnoje le Nube á ɔr non jé ade jè ra’n nyan se dè naje’n m è kumkunju le doo lé.

2 Nje Ke Corinthe 7:1

Ngakonmge, Nube kuwe unn ndu’n ade jèi titeke bè. Bè ɓaa, ade j’utei ra jéi mbeng dè nyange malang ke mine le danra a, le tàgir a tɔ. Adi jè tooi se ninn jéi tede jèi dooge ke jè ɓeli Nube.

Nje Ke Galatie 1:4

Jésu Krist inye ra’n è kuwe ade yo tede kaiyage le jéi. E inye ra’n ade yo tede le kɔr’n jéi wont ji tɔgmong ke majelé le dè nang nè nga se go kem̂ndige le Bɔ jéi Nube.

Nje Ke Galatie 5:24

Dooge ke umi nan’t bɔk se Jésu-Krist nga, uwei danra se ngur nyange le’n ke majelé ɓerii kade kage-ke-dese’t.

Nje Ke Ephese 1:4

Nube tɔr jéi takul Jésu-Krist kété mari ɓita è unde nang nè ɓai. E tɔr jéi le kade jèi dooge le’n ke jè tooi se ninn jéi gai tàkumn’t a, le kade tà karé bè uwe dè jéi nonn’t dè tár ke è tár jèi’t nga lé a tɔ.

Nje Ke Ephese 2:2

Kété mari sei njiyei se go nyanrage le dooge ke dè nang nè. Sei ndolèi go ngar le ndilge ke majelé ke njèkonɓee dann danrán’t se nang nè. E nè nga è ndil ke majelé ke ndi sule gir ngann njé dum nange ɗarinè.

Nje Ke Colosses 1:22

Nè ɗarinè i teli umi nan’t bɔk se Nube takul kwei le danra Ngonn’n le kade sei dooge ke i tooi se ninn si tàkumn’t anje kade ra si ɔr ɓál a, nal kade tà karé géa uwe de si a tɔ.

1 Nje Ke Thessalonique 4:7

Nube ɓar jéi le kade jè ndii se ra jéi ke mine tanm-tanm lé, nè le kade jè ndii se ra jéi ke unju nyang-nyang.

1 Nje Ke Thessalonique 4:9

Tà ke ɔje dè tár nan le si sei ngakon nange éké kon nann nange ke njétaakem̂-Kristge nga, sei ɓaa awi ndoo kade doo ndang magtub’n ade sei lé ta. Nube ndó sei kuwe tà ke ɔje dè tár nan ade i geri kété ɓá.

1 Timothee 4:12

An tá nè kade doo karé bè géa nedi tede k’ee ke i basa. Nè i tel i nyan-ndaje kum le njétaakem̂-Kristge se tà tami, se pa njiyei, se tár lei, se kundekem̂ lei a, se ra kunju nyang-nyang lei a tɔ.

1 Timothee 6:17

I ndeje bawge ke ndii dè nang nè ɗarinè le kade tii ra de lé a, le kade undei kem̂ de tchên dè nyanbaw ke à tò mbɔr lé nga lé a tɔ. I ndeje de le kade undei kem̂ de tchên ke dè Nube’t. Nube á è njè kade jèi nyange malang kade tooi ra jéi’t ndàj-ndàj tede kade jè ndii dann ranel’t.

1 Timothee 6:9

An! dooge ke ndigi teli k’ei bawge nga osoi dann nyan sú’t se dann gum’t le ngur nyange ke raikarè ke majelé. Ngur nyange nè nga ile dooge tà yo’t a, dubu de dann tuju’t bɔndum a tɔ.

2 Timothee 3:12

Kerɔte kuwe, dooge malang ke umi nan’t se Jésu-Krist, ke ndigi kilei koje dè Nube’t nga d’a d’ɔr de kororoi.

2 Timothee 4:10

Démas sure’m inye’m tede unde nyange ke dè nang nè dann kumn’t ngain. E ɔte aw kem̂ ɓee-bò ke Thessalonique. Crescens ɔte aw kum’n ke ɓeekon ke Galatie a, Tite aw kem̂ ɓeekon ke Dalmatie a tɔ.

Tite 3:3

Jè géa, kété jè njé kem̂ tɔ kuju tà lége, njé dum nange tà Nube’t a, njé ndemge a tɔ. Jè nga kété jè ɓerge le ngur nyange ke gai-gai a, jè njé ra majelége se njé kem̂keinge a, jè njé kɔr nan njêtge a tɔ.

Hebreuge 8:11

Doo karé dann de’t à ndó njè made ɓee le’n éké ngokon’n k’ede nè: Ké i ger Kuwe-ɓee kuwe wa? à goto ta. Dooge malang à geri man kem̂ ndɔn’t nè unn gir dè ngannge ke ndêin bè sár tee’n dè dooge ke bòi’t.

Jacques 1:27

Tɔse kum dè ngann halge’t se njékei-kingege dè nyantosowurge’t le de a, kan go ra sêw-sêw dè nyange ke mine ke dè nang nè a tɔ, è ngarankum ger Nube ke taa kum Bɔ jéi Nube.

2 Pierre 2:9

Kuwe-ɓee Nube ger loo kɔr njé ke ilei koje dènn’t dann nyan ke à nan de. Nè è ger loo kunde njé kem̂ majelége konn le ngine’n ndɔ gangtà. Ndɔ nè nga, kure nyanra de à ɔde kum de labi-labi.

2 Pierre 3:11

Titeke nyange malang à leein larr-larr le gotoi njêl karè nga, gar-gar ilei koje dè Nube’t a, adi pa njiye si se nyanra si tò se ninn’n gai a tɔ.

1 Jean 2:27

Nè sei ɓaa, wubu ke Krist ndum dè si’t nga nain ra si’t ɓai. Gir’n ke nè á sei awi ndoo kade doo karé ndó sei nyange lé ta. Nè Ndil-Kem̂nda le’n ke ade sei nga ndó sei nyange malang. Nyange ke Ndil-Kem̂nda ndó sei nga, ei nyange ke kerɔte m ei tàge ke lanm lé. Bè ɓaa, umi nan’t bɔk se Krist titeke Ndil-Kem̂nda ndó’n sei nga.

1 Jean 2:6

Nanan ke tam ndàt ede nè n’um nan’t bɔk se Nube ɓaa, gar-gar à njiye titeke ndɔ è Jésu njiye’n.

1 Jean 5:19

Jè geri titeke jèi le Nube, nè dooge ke dè nang nè malang ei kem̂ ji tɔgmong’t le njè kem̂ majelé.

Jude 1:18

Ndɔ ke edi sei kété edi nè: kem̂ ndɔge ke à reei, njé sɔke looge à undei loo teei le ringei se tà sɔke Nube. Dooge à rai nyange ke majelé titeke kem̂ de ɔje.

Lookilera’n 14:12

Gir’n ke nè á, maje kade dooge le Nube ke ilei koje dè ndukunnge le’n nga oréi tà de njak dè kunde kem̂ de dè Jésu’t.