Tite 2:11 - Nouveau Testament en Gulay 2004

¹¹ Nube njèkaje jèi ade kem̂noje le’n kile ra’n ke nata tede kade dooge malang ingei kaje.

Tite 2:11 ပူးပေါင်းရင်းမြစ်များ

Matthieu 28:19

Awi, i teli dooge malang ke ei Juipge lé ke njékuwe-girmge. Ulei de manné njonm se ri Bɔ’m a, se ri Ngonn a, se ri Ndil-Kêmnda a tɔ.

Marc 16:15

Go’t gugu Jésu ede de ede nè: – Awi se loo malang dè nang nè, ilei mber Tà ke Maje adi dookundege bere mbak.

Tà ke Maje ke Luc ndang 24:47

Tà ke ɔje dè tur hal se tà ke ɔje dè kêm tin mbit dè kaiyage’t nga, gar-gar d’a d’ile’n mber se ri’m kade girkoje dooge gai-gai. Tà nè nga d’a d’unn gir kile’n mber kêm ɓee ke Jérusalem kété ɓita d’a kaw’n ke nata ɓai.

Tà ke Maje ke Luc ndang 3:6

Titeke bè á, dooge malang à an-in titeke Nube è njèkaje jéi.

Jean 1:14

Tà nè nga, tel è danra doo. E ra ɓee dann jéi’t j’an-in ndubra le’n tite ndubra le Ngonn dagi ke in ra Bɔ dooge’t. Kêmnoje se ngarankum tà taa ra’n pel-pel.

Jean 1:9

Lookar ke get-get nga ree dè nang nè. Nanan géa è ade loo ar dènn’t.

Nyanra Njekawkulege 11:23

Loo ke è aw inge de Antioche ɓaa, è an noje ke Nube uwe se dooge. E ra ranel a, ndeje de malang le kade dé labe ra de parr ra Kuwe-ɓee Jésu’t se kêmnda káng.

Nyanra Njekawkulege 13:43

Loo ke gir kebe nan gang ɓá ɓaa, Juipge ngain se njé ke ei Juipge lé ke ɗɔyi Nube ndoléi go Paul se Barnabas. Paul se Barnabas oji se de tà a, ndeji de le kade dé liger dè noje’t ke Nube uwe se de ke kété.

Nyanra Njekawkulege 13:47

Tede Kuwe-ɓee unn ndu’n ade jè titeke bè ede nè: «M’undei m’ade i lookar le dooge ke ei Juipge lé, le kade i unn tà kaje nè aw’n se loo-loo sár ɔse’n ngei nang bere mbak.»

Nyanra Njekawkulege 17:30

Nyanra dooge kêm ndɔge ke kété mari ke geri Nube lé ɓai nga, Nube unn kum’n mbeng dè’t kɔke. Nè ɗarinè è unn ndu’n ade dooge malang se loo malang kade turi hal de.

Nyanra Njekawkulege 20:24

Ndikumgajer le’m dè nang nè nga, m’an ke nyan ke ngain le tɔse kum dè’t lé. Nè kɔr son ngɔde le’m se kule ke Kuwe-ɓee Jésu-Krist um jim’t á ke nyan ke uwe kêm’m. Kule ke Kuwe-ɓee um jim’t nga, è kule kile mber Tà ke Maje ke ɔje dè kêmnoje le Nube.

Nje Ke Rome 10:18

A ɓaa, ké m’a m’tam kede nè: Ndɔ ke Juipge ooi tà nè nga ndan lé wa? Ḿ-m̀, ei ooi mbak kuwe! Magtub le Nube tam ede nè: «D’oo ndu njékile mberge ke ɔje dè Tà ke Maje se loo malang dè nang nè. Mber kile le de aw sár ɔse ngei dè nang ndi dooge bere mbak.»

Nje Ke Rome 5:15

Kêmnoje le Nube dum dè kaltà le Adam ɓai. Kerɔte kuwe, dooge ngain weii yo kaltà le Adam ke se kar’n. Nè né è bè géa, noje ke Nube uwe se dooge bule takul doo karé bere ke è Jésu-Krist nga, dum dè kaltà le Adam.

Nje Ke Rome 5:2

Takul kêm jéi ke j’undei dè Kuwe-ɓee Jésu’t á j’ingei rebe nonkar nè nga. Nonkar nè nga ade jè ndaii tutu njáng. J’undei kêm jéi tchên tede korè ke j’orèi nan se Nube dè riɓar’t le’n. E ke nè á è nyan ke ade dè jéi in’n tchakm.

2 Nje Ke Corinthe 6:1

Jè jè njémade kulege le Nube. Gir’n ke nè á jè ndeje’n sei le kade nyan-noje le Nube ke ingei nga, i telii ke nyan ke raikarè lé.

Nje Ke Galatie 2:21

Noje le Nube nga, man m’ute mbeng lé. Ke nè á tà ɔr dè doo’t takul gute-ndu ɓaa, Krist wei se ndáng karè.

Nje Ke Ephese 2:5

Jèi nga, kété j’weii yo nyanrage ke se go rebe’n lé le jéi, nè è ade jè teli jè ndii kumgajer se Krist nan’t. Takul kem̂noje á sei ajii.

Nje Ke Ephese 2:8

E takul kem̂noje le Nube á sei ingei kaje se go kundekem̂ le si. Kem̂noje nè nga in ra si’t lé, nè è nyan-noje ke in ra Nube’t kuwe.

Nje Ke Colosses 1:23

I bai nja si nang mong dè kundekem̂ dè Nube’t anje kage ndêr ke rang dè Tà ke Maje ke ndɔ ke ooi kété nga. Tà ke maje nè nga è nyan kundekem̂ tchên dè’t lé jéi. Tà ke Maje nè nga d’ile mber’n d’ade nyankundege malang ke dè nang nè. Man Paul géa m’ee ngonn njèkule le Tà ke Maje nè nga kuwe tɔ.

Nje Ke Colosses 1:6

Loo malang ke Tà ke Maje nè aw tee tutu nga, ule ngire’n nang a, ann ke kété-kété a tɔ. Sei géa, è titeke bè dann si’t, unn gir kem̂ ndɔ ke sei ooi a, i geri kem̂-maje le Nube se go ngarankum tà a tɔ.

2 Nje Ke Thessalonique 2:16

Bɔ jéi Nube tár jéi, è sɔl kem̂ jéi sár se non ade jèi kundekem̂ tchên ke maje ngain. Jè deje Bɔ jéi Nube a, jè deje Kuwe-ɓee le jéi Jésu-Krist a tɔ,

1 Timothee 1:14

Oiyo, Kuwe-ɓee le jéi ra se’m kem̂-maje ke bò: è ade m’unde kem̂ dènn’t tede tár ke Jésu-Krist tár’m ade m’um se’n nan’t bɔk a tɔ.

1 Timothee 2:4

ke ndige le kade dooge malang ingei kaje a, le kade kum de gang dè ngarankum tà’t maje a tɔ.

2 Timothee 1:10

Noje nè nga, ɗarinè tò nata ndái-ndái ndɔ ke njèkaje jéi Jésu-Krist ree’n dè nang nè. Jésu-Krist tuju tɔgmong le yo kɔti-kɔti ade loo gang ɗeng dè ndikumgajer ke se non se go Tà ke Maje nè nga.

2 Timothee 4:17

Nè ndɔ ke Kuwe-ɓee è der-gir’m ade’m tɔg’m. Gir’n ke nè á, ndɔ ke m’ile’n mber Tà ke Maje m’tɔl’n mbas m’ade dooge malang ke ei Juipge lé ooi. E tede è ke nè á ndɔ ke Kuwe-ɓee ɔr’m tà toboi’t.

Hebreuge 12:15

An-in go ra si maje le kade doo karé bè géa tel uwe ndube kem̂noje le Nube nga lé ta. Taɓai undei kumkunju dè ra si’t tede kade ngire wurkate ke ase tuju dooge ube dann si’t lé, nè bainléa ngire wurkate nè nga à kin tuju dooge bule ngain.

Hebreuge 2:9

Nè jè tɔse kum jé dè nyan ke nè’t: Jésu, è ke dé tel se’n d’ade tɔgmong le’n nain go le dooge ke danrán ndêin bè, ɓita go’t gugu dé tel d’ule ndubra se riɓar dènn’t tede nyankem̂konge ke inge ji yo’t. Takul kem̂noje le Nube, è á Jésu inge’n yo weii’n tede dooge malang.