Tite 2:10 - Nouveau Testament en Gulay 2004

¹⁰ I ndeje de le kade ei njé meendé nyange lé, nè le kade se ndɔge malang ei njé ra nyange ke maje tá kuwe dege à taai kem̂ de. Ke nè á ɓerge rai titeke bè ɓaa, ei à ilei riɓar dè nyan-ndó’t le Nube ke njèkaje jèi.

Tite 2:10 ပူးပေါင်းရင်းမြစ်များ

Matthieu 24:45

Ké nan è ngonn njèndi ke gang tchat ke kuwe’n ɔr’n unde’n dè gute madennge’t le kade kai de nyankuse de se ndɔ karé-karé malang wa?

Matthieu 5:16

Sei géa, maje kade nyan-ndogó le si ndogó tàkum dooge’t tede kade an-in nyanra maje le si ɓaa, ilei riɓar dè Bɔ si ke ndi danrán.

Tà ke Maje ke Luc ndang 1:47

Ngarakum ra’m ra ranel dè Kuwe-ɓee Nube ke njètaa’m tà yo’t a tɔ.

Tà ke Maje ke Luc ndang 1:80

Ngonn nè nga, ra tɔge ke kété-kété a, hal’n ɓeɓer a tɔ. E ra ɓee kêm dile’t sár kade ndɔ ke rang à kile’n ra’n ke nata tàkum dooge ke Israel.

Tà ke Maje ke Luc ndang 16:10

Nanan ke tɔse kum’n dè nyan ke ndêin bè ke d’um jinn’t nga, à tɔse kum’n dè nyan ke bòi ke d’um jinn’t tɔ. Nè nanan ke tɔse kum’n dè nyan ke ndêin bè ke d’um jinn’t lé ɓaa, à tɔse kum’n dè nyan ke bòi ke d’um jinn’t nga lé tɔ.

Jean 12:6

Judas nga usu’n nyan dè njéndooge’t lé, nè è tam tà nè nga titeke bè tede k’ee ke è njè koto mbu nar nyankuse ke dé tann d’ade ngonm. E mêndé nar nè nga ndêin-ndêin.

1 Nje Ke Corinthe 4:2

Nyan karé ke dé sang ra njèkan dè nyange’t nga, è le kade ra kule ke Nube um jinn’t nga se ngang’n lêr-lêr.

Nje Ke Ephese 4:1

Man ke m’tò dangai’t tede tà le Kuwe-ɓee nga, m’ndeje sei kade adi pa njiye si uwe made nan se ɓar ke Nube ɓar sei nga.

Nje Ke Philippes 1:27

Nyan karé ɓaa, adi pa njiye si uwe made nan se Tà ke Maje le Krist. Titeke bè á, né m’aw m’an sei, éké m’aw lé géa, m’a m’oo titeke sei umi tàgir le si nan’t bɔk a, undei tɔge si nan’t i rɔi se kem̂ karé. I rai titebè tede kade dooge ke rang undei kem̂ de dè Tà ke Maje’t nga.

Nje Ke Philippes 4:8

Ngakonmge, gute nyange ke nain á tooi nè: Nyan ke è nyan ke get, éké riɓar éké nyan ke se dè naje’n éké nyan ke unju nyang-nyang éké nyan ke taa kum dooge ɗekm éké nyan ke maje dum éké nyan ke kum kinge pite tò tutu ɓaa, uwei kem̂ si mong dè’t.

1 Timothee 1:1

Man Paul njèkawkule le Jésu-Krist tede Nube njèkaje jéi se Jésu-Krist nyan kundekem̂ tchên dè’t le jéi unni ndu de adi man.

1 Timothee 5:17

Ngatɔgege ke ɔri non njékebe nange le Nube maje nga, è soo’t kade d’ile riɓar dè de’t nja joo. Nè njé ke ulei ra de ndibe dè kule kɔrgir tà’t éké dè kule ndó dooge nyan’t kuwe mbain á ei dooge ke maje kile riɓar dè de’t nja joo.

1 Timothee 6:1

Dooge malang ke ndii se kule ɓer kɔbe de’t ɓai nga, maje kade ilei koje ke deri dè kuwe dege’t se kem̂nda káng. Titeke bè á doo karé bè géa à nede’n ri Nube éké nyan ke jè ndó dooge nga lé a tɔ.

1 Timothee 6:3

Ke nè á doo karé unn tà ke rang ke uwe made nan se ngarankum tàge le Kuwe-ɓee le jéi Jésu-Krist éké se nyan-ndó ke uwe made nan se kundekem̂ le jéi lé ndó dooge ɓaa,

Tite 1:3

Loo ke ndɔ le’n ke è kuwe ɔje nga ase deĵ ɓaa, è ribe dè tà le’n nga ke nata se go Tà ke Maje ke m’ile mber’n. E Nube ke njèkaje jèi kuwe á unn’n ndu’n ade’m kade m’ile’n mber Tà ke Maje nga.

Tite 3:4

Nè né è bè géa, Nube Njèkaje jèi kile kem̂-maje se tár le’n ke nata tede dooge malang.

1 Pierre 2:12

Dooge ke geri Nube lé nga tami tede si a, an-in sei ke njè ra majelége a tɔ. Nè né è bè géa, i njiyei dann de’t se maje’n tede kade teri nyanra sige ke maje. Titeke bè á à ilei riɓar dè Nube’t ndɔ ke à ile’n kum’n dè de’t.

1 Pierre 3:16

Nè ilei nanan géa dè’t se ndu noje a, se kile koje a tɔ. Adi tàgir ke kem̂ si’t è ke maje se ndɔge-ndɔge. Titeke bè á njé tête tà kunde tà sige’t se njé tam tàge ke majelé dè pa njiye si ke maje ɔje dè njétaakem̂-Kristge nga, à ndii dann rasɔl’t.

2 Jean 1:9

Nanan ke nda njáng dè nyan-ndó’t le Krist lé á unn tà ke rang karè ile dè’t ɓaa, um se Nube nan’t bɔk lé. Nanan ke nda njáng dè nyan-ndó’t le Krist ɓaa, um nan’t bɔk se Nube a, se Ngonn’n a tɔ.