Tite 1:7 - Nouveau Testament en Gulay 2004

⁷ Njèkan dè njékebe nange le Nube nga, gar-gar à è doo ke tà karé géa uwe dè’n lé tede è njèkan dè nyange le Nube. Gar-gar, doo ke njèkan dè njékebe nange le Nube à è doo ke njè kede yer éké njè ra wong lé, à è njè ra ɓer le yibe éké njè ɓeekos lé éké à è njè ra ɓer le nyankinge ke se dè naje’n lé lé.

Tite 1:7 ပူးပေါင်းရင်းမြစ်များ

Matthieu 24:45

Ké nan è ngonn njèndi ke gang tchat ke kuwe’n ɔr’n unde’n dè gute madennge’t le kade kai de nyankuse de se ndɔ karé-karé malang wa?

Tà ke Maje ke Luc ndang 12:42

Kuwe-ɓee tel deje Pierre ede nè: – Bè ɓaa, ké nan è ngonn njèndi ke gang tchat ke maje kule wa? E è ke kuwe’n à ɔr’n kunde’n ke njèkan dè ngann njéndi madennge’t, kade nobo de nyankuse ke ɔje dè de-dè de se kàde’n a, se ndɔ karé-karé malang a tɔ.

Nje Ke Ephese 5:18

Adi yibe ule mbe dè si’t lé. Tede yibe aw se doo ke loo nyanra ke pás-pàs’t kade tuju. Nè adi Ndil tá taa kem̂ si pel-pel.

Nje Ke Philippes 1:1

Man Paul se Timothée, ɓer kulege le Jésu-Krist. Jè ndang magtub nè j’ade njé ke tooi se ninn de ke umi nan’t bɔk se Jésu-Krist. Jè ndang magtub nè nga j’ade njékɔr non dege se njékan dè nyange le njékebe nange le Nube ke ndii kem̂ ɓee-bò ke Philippes tɔ.

Tite 1:5

Man m’inyei dè goré loo ke Crète le kade i gɔl nyange ke nain ade aw maje se gonan-gonan. Taɓai man m’inyei le kade i tɔr ngatɔgege se kem̂ ɓee-bòge karé-karé unde de se go ndu’m ke m’unn m’adi.

Tite 2:3

Kon-dinyege géa, maje kade nyanra de uwe made nan se nyanra dinyege ke tooi se ninn de gai. Maje kade ei njé tam tede dooge lé a, njé kinye ra de nyein dann yibe’t lé a tɔ. Nè maje kade ei njé ndó made dege rebe nyan ke maje.

1 Pierre 4:10

Nube ade sei nyan-nojege ke se ri de-ri de. Bè ɓaa, maje kade nanan géa kai tà nyan-noje ke Nube ade’n nga ade njé ke rang se’n tɔ. Kerɔte kuwe, sei sei njékan dè nyan-majege le Nube.

1 Pierre 5:2

Uli bate kosge le Nube ke um de ji si’t nga se kem̂nda káng. Adi doo unde dè si tá lé, nè i tɔsi kum si dè de’t se kem̂nda káng titeke Nube ndige’n. I rai se kem̂nda káng m i rai tede kinge’n nar tá lé.

2 Pierre 2:10

Dooge ke ulei ra de mbiriri dann ngur nyange ke majelé le danra nga minei tanm-tanm tàkum Nube’t. E dé nè kuwe mbain á Nube à gangtà dè de’t. Dé dooge ke njé nede tɔgmong le Nube. Dé njé tà turge ke d’an ra de ke dooge ke asi. Dooge ke danrán ke ndubra le Nube gan dè de wak nga géa, dé d’ile koje dè de’t lé a, dé taje de a tɔ.