Tite 1:5 - Nouveau Testament en Gulay 2004

⁵ Man m’inyei dè goré loo ke Crète le kade i gɔl nyange ke nain ade aw maje se gonan-gonan. Taɓai man m’inyei le kade i tɔr ngatɔgege se kem̂ ɓee-bòge karé-karé unde de se go ndu’m ke m’unn m’adi.

Tite 1:5 ပူးပေါင်းရင်းမြစ်များ

Nyanra Njekawkulege 11:30

Loo ke ei rai nyange nè titeke ɔji nga ɓá ɓaa, ei teli umi ji Barnabas se Saul ade awi adi ke ngatɔgege ke kêm ɓeekon ke Judée.

Nyanra Njekawkulege 14:23

Paul se Barnabas tɔri ngatɔgege se loo kebe nan le Nube karé-karé malang adi an-in dè njétaakêm-Kristge. Loo ke ei tɔri de ɓá ɓaa, ei ɔgi kêm de ɓo a, an-in mann lé a tɔ, ɔji tà se Nube, ɓita umi ngatɔgege nè ji Kuwe-ɓee ke ei undei kêm de dènn’t.

Nyanra Njekawkulege 2:11

Jèi ke nange jèi Juipge ke koje ɓee, njé nange ei Juipge telge, njé ke nange in-in kêm ɓee ke Crète se ɓeekon ke Arabie a tɔ. Nè né è bè géa, dooge nè nga ɔri gir nyanrage le Nube ke maje dum adi j’ooi se tà koje jéi, koje jéi.

Nyanra Njekawkulege 27:12

Loo nda nang le batoge ke loon’t nè nga, maje kum ndi tutu tà kuli lé. Gir’n ke nè á dooge ngain ke kêm bato’t ndigi kin-in loo’t nè kɔke kade bainléa, n’teei Phénix loo nda nang le batoge ke dè goré loo ke Crète. Phénix nga tò se ke dè jikon se dè jigel lookur’t le kàde. E loo nè á dooge malang ke kêm bato’t ndigi ndii tutu tà kuli.

Nyanra Njekawkulege 27:13

Nel in dè jikon ule pe^-pe^. Dooge ke kêm bato’t giri titeke n’a n’awi se maje’n le teei Phénix. Gir’n ke nè á ei in-in awi se kàde kong-kong dè goré loo ke Crète.

Nyanra Njekawkulege 27:21

Jè ndi ase ndɔ bule anje kuse nyan. Paul in nda dɔ dann de’t ede de ede nè: – Hai! mademge, ke nè á ndɔ ke ooi tà tàm’t ɓaa, né j’à j’in-in dè goré loo ke Crète tá kade bato se nyange ke kêmé tuju’n bè lé.

Nyanra Njekawkulege 27:7

J’aw jêkê-jêkê dann ba’t ase ndɔge bule. Tur se jé ngain ɓita j’aw sár jè tee’n kêm ɓee ke Cnide ɓai. Nel ɔge jé kaw jáa; gir’n ke nè á j’ɔr’n kɔge j’aw’n ngɔr se dè goré loo ke Salmoné ɓita j’aw Crète ɓai.

1 Nje Ke Corinthe 11:34

Ke nè á ɓo ra doo karé ɓaa, maje kade use nyan kêm kei le’n tede kade Nube gang’n tà dè si’t loo ke a i kebi nan nga lé. Gute tàge ke nain ɓaa, ndɔ ke m’a m’aw ra si’t ɓita m’a m’gɔl ɓai.

1 Nje Ke Corinthe 14:40

Nè maje kade nyange malang ke a i rai nga awi se gonan-gonan maje tá.

1 Nje Ke Corinthe 4:17

Gir’n ke nè á m’ule’n ngonn kotár le’m Timothée kade ra se si dè’t. E doo ke njètaakêm-Krist ke get-get á m’ule’n ra si’t. Timothée nga à olé kêm si dè pa njiye’m ke ɔje dè Krist a, se nyange ke m’ndó njékebe nange le Nube se loo malang a tɔ.

Nje Ke Colosses 2:5

Kerɔte kuwe, danra’m ndi ebe se si, nè se tàgir le’m ɓaa m’ee se si nan’t. M’ra ranel tede nyange ke dann si’t aw maje se gonan-gonan a, tede ba ke sei bai nja si nang dè kundekem̂ dè Krist’t a tɔ.

1 Timothee 1:3

Loo ke ndɔ ke m’in le kaw kem̂ ɓeekon ke Macédoine nga, m’deji kade i nain kem̂ ɓee-bò ke Ephèse. M’inyei kem̂ ɓee-bò’t nè le kade in se njé ke nange ade ebi ra de dè ndó dooge tàge ke raikarè.

2 Timothee 2:2

Nyange ke ndɔ ke i ndó ram’t tàkum njékɔrgo tàge’t bule nga, inye tà’n ji dingemge’t ke ei ke maje kojege ke asi ndói dooge ke rang.

Tite 1:12

Njèribe-dè-tà le de karé ke kinge de kuwe tam ede nè: «Dooge ke ndii kem̂ ɓee ke Crète nga, ei njé lanmge se ndɔge malang. Ei tooi asinan se dan-tonge ke majelé a, ei doo nyankusege ke njé dabege a tɔ.»