Tite 1:16 - Nouveau Testament en Gulay 2004

¹⁶ Dooge nè nga tami edi nè: N’geri Nube, nè nyanra de ɔrgir de titeke dé ger Nube ndan lé. Dooge nè nga ei dooge ke tooi yêr tàkum Nube’t. Dé njé dum nange, d’ase ra nyan ke maje karé bè géa lé.

Tite 1:16 ပူးပေါင်းရင်းမြစ်များ

Nje Ke Rome 1:28

Ngarakum ger Nube nga, dé ndige kum kêm de dè’t lé. Gir’n ke nè á Nube inye’n de dann tàgir’t ke se go rebe’n lé ade dé ra’n nyange ke kum ra lé.

Nje Ke Ephese 5:6

Adi doo karé géa sú sei se tàge ke raikarè lé. Wong le Nube oso dè dooge ke mbati kilei koje dènn’t.

1 Timothee 1:9

Taɓai, jè ger titeke gute-ndu Nube nga tò tede le njé ra nyan se dè naje’n lé, nè tò tede le njékaltàge se njé dum nange se njé nede Nubege se njékaiyage se njé kile rasɔl dè Nube’t se dè loo le’n ke tò se ninn’t. Gute-ndu Nube tò tede le njé tɔl bɔ dege se kon dege, tò tede le njé tɔl dooge a tɔ.

1 Timothee 5:8

Ke nè á doo karé tɔse kum’n dè njénojege’t le’n éké dè njékem̂-keige le’n kuwe mbain sêw-sêw lé ɓaa, è doo ke naje se ra’n dè kundekem̂’t le’n. E tel majelé ngain dum doo ke unde kem̂’n dè Nube’t lé ɓai.

2 Timothee 3:17

Titeke bè á doo le Nube à maje’n kɔr’n njêt, à uwe’n dè nja ra’n le ra’n nyange ke maje ke se ri de-ri de malang.

Tite 3:1

Olé kem̂ njétaakem̂-Kristge malang le kade ulei dè de adi njékɔr non dege se njékonɓeege nga gar-gar. Olé kem̂ de le kade d’ile koje dè de’t a, le kade rai nyan ke maje se ndɔ karé-karé malang.

Tite 3:3

Jè géa, kété jè njé kem̂ tɔ kuju tà lége, njé dum nange tà Nube’t a, njé ndemge a tɔ. Jè nga kété jè ɓerge le ngur nyange ke gai-gai a, jè njé ra majelége se njé kem̂keinge a, jè njé kɔr nan njêtge a tɔ.

1 Jean 2:4

Doo ke tam ede nè n’ger Nube, nè an dè ndukunn le’n sêw-sêw lé ɓaa, è njè lanm. Ngarankum tà nga géa urkei kem̂n’t lé a tɔ.

Jude 1:4

Dooge ke nange uri dann si’t se go ngein. Tà ke ɔje dè kem̂noje le Nube le jéi nga, ei turi ilei gel tede le ra’n nyange ke pás-pàs. Dé dooge nè nga, dé mbate Jésu-Krist, Ngar le jéi se Kuwe-ɓee jéi ke karé bere luk-luk nga sár. Gangtà ke dé ndang tà’n kété mari d’ɔje’n dè de nga tò ngine de tchên.

Lookilera’n 21:27

Nyan ke mine ke rara karé bè géa à aw kem̂ ɓee-bò’t nè nga ndan lé. Doo ke njé ra nyan ke yêr éké njè tam tà lanm se ndɔ’n-ndɔ’n nga à ile nja’n kem̂ ɓee-bò’t nè nga ndan lé a tɔ. Nè njé ke dé ndang ri de kem̂ magtub ndikumgajer’t le Ngonn Bate kuwe karé á à ilei nja de kem̂ ɓee-bò’t nè nga.

Lookilera’n 21:8

Nè njé ɓelge, njé kunn mbi dè ta’tge, njé ra nyange ke tò yêr, njé tɔl dooge, njé tò se nan ke kaiya’tge, njé ra nyan mbelige, njé polé magege se njé tà lanmge nga, loo le de à è dann por nyan ke ker jengleng ke on se laa’n bilm-bilm tɔ. Por ke on se laa’n bilm-bilm á è yo ke njèkon’t joo.»