Tite 1:15 - Nouveau Testament en Gulay 2004

¹⁵ Njé ke unji nyang-nyang nga, nyan malang è ke unju nyang-nyang tede le de. Nè njé ke minei se njé ke unni mbi de dè tà’t nga, nyan karé bè ke unju nyang-nyang tede le de goto. Gos nyanger se tàgir ke kem̂ de’t è ke mine tanm-tanm.

Tite 1:15 ပူးပေါင်းရင်းမြစ်များ

Matthieu 15:18

Nyan ke tee tà doo’t nga in dè ɓengrenn’t. E nè á è nyan ke tel doo ke nyan ke mine.

Nyanra Njekawkulege 10:15

Ndu doo nè nga tel ede Pierre tà njèkon’t joo ede nè: – Nyan ke Nube tel’n ke nyan ke unju nyang-nyang nga, maje kade i ɓar’n nyan ke mine lé.

Nje Ke Rome 14:14

Kuwe-ɓee Jésu ndó’m ade m’ger kêm’t maje titeke nyan karé bè géa mine se dè ra’n lé. Ke nè á doo karé gir kêmn’t titeke nyan karé mine ɓaa, mine tede le’n è kuwe.

Nje Ke Rome 14:20

I dookunde le Nube nga, an! tá nè à tuju ɔje dè nyankuse ke kêmi’t karè. Kerɔte kuwe, nyankusege malang maje kum kuse, nè ke nè á nyankuse ke kêmi’t à ade ngokoin à ra majelé ɓaa, maje lé.

Nje Ke Rome 14:23

Nè doo ke kêm’n nda geng dè nyankuse’t ɓaa, Nube gangtà dènn’t ɓá ta, tede è ra nyan se kundekêm lé. Nyan ke doo ra se kundekêm lé nga è kaiya.

1 Nje Ke Corinthe 10:23

Njé ke nange dann si’t tami edi nè: «D’inye loo d’ade’m le kade m’ra nyan malang.» Oiyo è bè kuwe, nè né è bè géa, nyan malang nga ra’n tuwe sei ɗêw lé. «D’inye loo d’ade’m kade m’ra nyan malang», nè nyan malang à ade njétaakêm-Kristge à tɔgi dè kundekêm’t le de lé.

1 Nje Ke Corinthe 10:25

Nyan malang ke d’ige’n kaskoo nga, usei anje deje gir se go tàgir ke kêm si’t.

1 Nje Ke Corinthe 10:31

Ke nè á usei nyan éké an-in nyan, éké i rai nyange ke rang gai-gai géa, i rai nyan malang kade Nube inge’n riɓar.

1 Nje Ke Corinthe 8:7

Nè kosdooge bule geri gir nyan nè nga njai lé ɓai. Gir’n ke nè á sár ɓila, njé ke nange à ɔdi nan ɗɔyi magege nga ɓai. Ɗarinè géa loo ke dé ndi d’a d’use dange ke dé ra’n nyankuje-mese ɓaa asenan se kum ke d’um nan’t se magege ke dooge gugi nga kuwe ɓai-ɓai. Se go tàgir le de ke ase lé nga, d’an ra de ke nyan ke mine tàkum Nube’t tede dan ke d’use nè nga.

1 Timothee 6:5

se naje tàge ke nal kunde ngang’n dann dooge ke tàgir le de ndum. Dooge ke tàgir le de majelé nga geri ngarankum tà lé ta. Dé nè nga dé gir titeke kundekem̂ dè Nube’t è rebe kinge nyan.

Hebreuge 10:22

Bè ɓaa, j’agi ngɔr ke ra Nube’t se kem̂nda káng a, se kundekem̂ ke deri tede Jésu togo se-tàgir ke majelé ke dè ɓengre jéi’t. E togo danra jéi se mann ke unju nyang-nyang ɓá a tɔ.

Hebreuge 12:15

An-in go ra si maje le kade doo karé bè géa tel uwe ndube kem̂noje le Nube nga lé ta. Taɓai undei kumkunju dè ra si’t tede kade ngire wurkate ke ase tuju dooge ube dann si’t lé, nè bainléa ngire wurkate nè nga à kin tuju dooge bule ngain.

Hebreuge 9:14

Nè Krist inye ra’n ade Nube ke nyankuje-mese ke maje ɔr njêt takul Ndil ke njèndisenon. Mese Krist nga ɔr se-tàgir le jéi ke majelé ndát-ndát dum le mese dange ɓai. Mese’n ɔr jèi unde jèi se ninn’n tede kade jè rai kule j’adi Nube ke njèndi kumgajer.