Tà ke Maje ke Luc ndang 7:9 - Nouveau Testament en Gulay 2004

⁹ Loo ke Jésu oo tàge le njèkan dè njérɔge nè bè ɓaa, tà ige’n sêl. Taɓai è tel ra’n ke dè doobulege’t ke ndolèi goo’n, è ede de ede nè: – Man m’ede sei ndàt, doo nè nga unde kêm’n dèm’t kerɔte kuwe. Kêm ɓeekon ke Israel nga, m’an gar kundekêm ke titeke bè ndan lé ɓai.

Tà ke Maje ke Luc ndang 7:9 ပူးပေါင်းရင်းမြစ်များ

Matthieu 15:28

E á Jésu tel ede dinye nè ede nè: – Hai! dinye, kundekêm lei tò ɓel ngain. M’a m’ra nyan ke i deje nga le kadi. Kêm kàdenn’t nè kuwe ra ngonn le dinye nè tel tò karè ndát-ndát.

Matthieu 8:10

Loo ke Jésu oo tà tam doo nè nga bè ɓaa, è an’n ke dɔ ke nang. Taɓai è tur tà’n ede njé ke ndolèi goo’n ede nè: – Kerɔte kuwe, man m’ede sei ndàt, kêm ɓeekon ke Israel nga géa, m’inge njèkunde kêm dè Nube’t titeke bè ndɔ karé lé ɓai.

Matthieu 9:33

Loo ke Jésu rɔ ndil ke majelé kɔke kêm dingem’t nè ɓá ɓaa, ke loon’t nè kuwe dingem nè nga unn gir tam tà yàr-yàr. Ndil doobulege tee an-in soin-soin ade tami edi nè: – Ndɔ karé doo an nyan ke titeke bè kêm ɓeekon ke Israel nga ndan lé ɓai.

Tà ke Maje ke Luc ndang 7:10

Loo ke njékulege le njèkan dè njérɔge ke aru nè teli awi ɓéee ɓaa, ei ingei ngonn njèndi nè nga tel ndi karè maj-maj.

Tà ke Maje ke Luc ndang 7:50

Jésu tel ede dinye nè ede nè: – Nube ɔri ji ɓer’t le kaiya ɓá tede kêmi ke unde dèm’t. Ɗarinè, aw se kêmlom.

Tà ke Maje ke Luc ndang 7:8

M’tam tà nè tede man nga géa, doo-dèmge ndii tutu. Nè man géa, man doo dè njérɔge tɔ. Ke nè á m’unn ndu’m m’ade è ke karé m’ede nè: «Aw» ɓaa, à aw. Ke nè á m’unn ndu’m m’ade è karé ke rang m’ede nè: «I ree» ɓaa, è ree kuwe tɔ. Ke nè á m’unn ndu’m m’ade ngonn njèndi le’m m’ede nè: «I ra nyan ke nè» ɓaa, è ra.