Tà ke Maje ke Luc ndang 7:2 - Nouveau Testament en Gulay 2004

² Ngonn njèndi le njèkan dè njérɔge ke aru karé bè, ra’n tur’n ngain ade nain ngɔr ɓaa tà’n à tête. Ngonn njèndi nè nga kuwe’n tár’n ngain.

Tà ke Maje ke Luc ndang 7:2 ပူးပေါင်းရင်းမြစ်များ

Matthieu 27:54

Loo ke njèkan dè njérɔge ke aru karé se njérɔge ke ngonmi Jésu se’n, ei an-in nang ke yei ɓuk-ɓuk se nyange ke teei nè nga ɓaa, ɓel unde ndàt gang dè ade tami edi nè: – Loo naje’n goto, doo nè nga è Ngonn Nube kerɔte kuwe.

Tà ke Maje ke Luc ndang 23:47

Loo ke kuwe njérɔge ke njèkunn dè de an nyange ke teei nè bè ɓaa, è ule ndubra dè Nube’t ede nè: – Loo naje’n goto, doo nè nga è doo ke danné sêw kuwe.

Tà ke Maje ke Luc ndang 7:1

Loo ke Jésu ede kosdooge tàge le’n malang gir gang ɓá ɓaa, ɔse nang in aw kêm ɓee ke Capernaum.

Tà ke Maje ke Luc ndang 7:3

Njèkan dè njérɔge nè nga oo kɔbe Jésu. E ule Juipge ke nange ke kum de unju ra Jésu’t le kade edii ade ree se de aje ngonn njèndi le’n ade’n.

Tà ke Maje ke Luc ndang 8:42

tede ngonn’n ke dinye ke dagi nga tò à tile pal yo. Ngonn ke dinye nè nga aw se ɓal dɔg-gidé-joo ta. Jésu in ke loon’t kuwe aw se Jairus, nè dooge njin nan ra Jésu’t njàng-njàng ɔgii loo taa kebe.

Nyanra Njekawkulege 10:1

Dingem karé bè ndi kêm ɓee-bò ke Césarée, ri’n nè Corneille. E njèkan dè njérɔge ke aru karé. Njérɔge nè nga ei njérɔge le ɓeekon ke Italie.

Nyanra Njekawkulege 10:7

Loo ke doo ke danrán ke nda ɔje’n se’n tà ɔte aw ɓá ɓaa, ke loon’t nè kuwe, Corneille ɓar ngann njéndige le’n joo se njèrɔ karé ke ilei koje dè Nube’t. Dooge ke mute ke Corneille ɓar de le kule nga ei dann dooge ke rai kule girn’t mari sár tee ɓila.

Nyanra Njekawkulege 22:26

Loo ke njèkan dè njérɔge ke aru karé oo tà nè bè ɓaa, è tel aw ra njèkan dè njérɔge ke aru dɔg ede’n ede nè: – Ké a i ra ri se rai ta wa? Doo nè nga è ngonn ɓee ke Rome.

Nyanra Njekawkulege 23:17

Paul ɓar njèkan dè njérɔge ke aru karé ede’n ede nè: – Ngonn ke basa nè nga aw se tà karé le kede njèkan dè njérɔge ke aru dɔg. Aw se’n rann’t.

Nyanra Njekawkulege 27:1

D’ɔje njáng le kade d’aw se jé kêm ɓeekon ke Italie se bato. D’um Paul se dangaige ke nange ke rang ji njèkan dè njérɔge ke aru karé ke ri’n nè Julius. E njèkan dè njérɔge le César Auguste.

Nyanra Njekawkulege 27:3

Barè lookar’n, jè nda nang kêm ɓee-bò ke Sidon. Julius ra kêm-maje se Paul; è inye’n ade aw ra njétaakêm-Krist madennge’t kade rai se’n dè nyange ke aw ndoo de.

Nyanra Njekawkulege 27:43

Nè Julius, njèkan dè njérɔge ke aru karé ɔje kêm’n le kaje Paul. E ɔge de dè nyan ke d’ɔje le ra. E unn ndu’n ade njé ke geri kalèi mann le kade alèi mann teei nata kété.

Nje Ke Colosses 3:22

Ɓolège, ilei koje dè kuwe sige’t ke ɔje dè danra si dè nyange’t malang. Ilei koje dè de’t tàkum de’t karè lé a, tede taa’n kum dooge lé a tɔ. I rai se kem̂nda káng i ɓeli Ndil Kuwe-ɓee.