Tà ke Maje ke Luc ndang 5:2 - Nouveau Testament en Gulay 2004

² E an ngann batoge joo ndai tà ba’t. Mbawge risi nang kêm batoge’t nè nga ndai togoi burege le de manné.

Tà ke Maje ke Luc ndang 5:2 ပူးပေါင်းရင်းမြစ်များ

Matthieu 4:18

Ndɔ karé bè, Jésu njiye se tà ba ke Galilée. E an ngakon nange joo: Simon ke dé ɓar’n Pierre se André ndai ilei bure dann ba’t tede ei mbawge ke njékɔse kanjege.

Matthieu 4:21

Loo ke Jésu aw mbɔr ke kété ɓai ɓaa, è an ngakon nange ke rang joo Jacques se Jean ngann le Zébédée ndii se bɔ de kêm ngonn bato’t à tilei kum burege le de. Jésu ɓar de tɔ.

Marc 1:16

Loo ke Jésu à njiye tà ba ke Galilée ɓaa, è an Simon se ngokon’n André ndai à ilei bure le de dann ba’t tede ei mbawge ke njékɔse kanjege.

Marc 1:19

Loo ke è aw ndêin ke kété ɓaa, an Jacques ngonn le Zébédée, se ngokon’n Jean, ndii kêm ngonn bato’t à gɔli burege le de.

Tà ke Maje ke Luc ndang 5:1

Ndɔ karé bè, Jésu nda tà ba ke Génésareth. Doobulege njin nan rann’t njàng-njàng tede le koo tà le Nube.

Tà ke Maje ke Luc ndang 5:3

Jésu al ndi kêm bato karé’t. Bato nè nga è le Simon. E ede Simon ede nè: – Ɔse bato nga age’n kété ndêin dann ba’t. Jésu ndó doobulege nyan kum’n ke kété-kété.

Jean 1:40

Pajage le Jean ke joo in-in unni rebe go Jésu’t se go tàge ke Jean tam kété nga. E ke karé è André, ngokon Simon Pierre.