Tà ke Maje ke Luc ndang 3:3 - Nouveau Testament en Gulay 2004

³ Gir’n ke nè á, Jean unn’n gir kaw se loo-loo kêm ɓeege ke an-in dè ba ke Jourdain ile’n mber ade dooge ede nè: – I turi hal si, adi d’ule sei manné njonm ɓaa, kêm Nube à tin mbit dè kaiyage’t le si.

Tà ke Maje ke Luc ndang 3:3 ပူးပေါင်းရင်းမြစ်များ

Matthieu 3:11

Man ɓaa, mann á m’ule sei njonm tutu karè kade i turi hal si. Nè doo karé ke tɔgmong le’n dum le’m à ree goom’t gugu non. Gabang ke njann’t géa, man m’asekum tɔr se dè ra’m lé. Doo nè nga à ɔr sei kunde sei se ninn si gai se Ndil-Kêmnda a, se por a tɔ.

Tà ke Maje ke Luc ndang 1:16

Ngonn nè nga à ade ngannkà Israelge à ɔsi wan teli kilei koje dè Kuwe-ɓee’t le de.

Tà ke Maje ke Luc ndang 1:77

E ade balkum kosdooge le’n à geri titeke Nube aje de a, à ade kêm’n à tin mbit dè kaiyage’t a tɔ.

Tà ke Maje ke Luc ndang 4:1

Ndil-Kêmnda taa kêm Jésu pel-pel loo ke in-in’n tà ba ke dé ɓar’n Jourdain ree’n. Ndil-Kêmnda ɔr non’n aw se’n kêm dile’t.

Jean 1:28

Nyange nè teei kêm ɓee ke Béthanie gide ba ke Jourdain’t. E loo nè á Jean ule dooge manné njonm tutu.

Jean 3:26

Pajage le Jean reei rann’t edi nin edi nè: – Kuwe jé, doo ke ndɔ ke è ndi sei gide ba’t nú ke i tam tà le’n maje nè nga, an! è géa unn gir kule dooge manné njonm ke le’n tɔ ta. Dooge malang ɓungei nan awi rann’t.

Nyanra Njekawkulege 13:24

Kété ɓita kade Jésu ree unn gir kule le’n nga, Jean-Baptiste ile mber kule dooge manné njonm le kade turi hal de. E ile mber nè nga ade kos Israelge malang

Nyanra Njekawkulege 19:4

Nè Paul ede nè: – Kule dooge manné njonm ke ɔje dè tur hal á è nyan ke ndɔ ke Jean ra. E ede kosdooge le kade undei kêm de dè è ke à ree goon’t. E ke à ree go Jean’t nga è Jésu.

Nyanra Njekawkulege 22:16

Ɗarinè ké a i ngine ri ɓai wa? Ɔse nang in dɔ ade d’ulei manné njonm se ri’n ɓaa a inge kêm tin mbit dè kaiyage’t lei.»