Tà ke Maje ke Luc ndang 2:4 - Nouveau Testament en Gulay 2004

⁴ Titeke bè á, Joseph in-in’n kêm ɓee ke ri’n nè Nazareth, ɓeekon ke Galilée aw’n kêm ɓee ke ri’n nè Bethléhem ɓeekon ke le Juda. Bethléhem nga, è ɓee koje ngar David. Joseph aw le kade d’unde ri’n kêm ɓee-bò’t nè nga, tede è géa è girkà le David tɔ.

Tà ke Maje ke Luc ndang 2:4 ပူးပေါင်းရင်းမြစ်များ

Matthieu 1:20

Nè loo ke Joseph ndi à gir tà dè nyan’t nè nga bè ɓai ɓaa, an! doo ke danran ke Kuwe-ɓee ule’n tee dènn’t pan ede’n tà se nin ede nè: – Joseph, ngonn David, i ɓel le taa Marie ke neein lé, tede ngonn ke tò kêmn’t nga in ra Ndil-Kêmnda’t.

Matthieu 2:23

E aw ndi kêm ngonn ɓee karé ke ri’n nè Nazareth tede kade tàge ke njéribe-dè-tà ke tà Nube’t tami kété mari aw’n loon’t deĵ. Ei tami edi nè: «E nè nga d’a ɓar’n doo ke Nazareth.»

Tà ke Maje ke Luc ndang 2:3

Gir’n ke nè á, nanan géa tel aw kêm ɓee kojenn’t le kade d’unde ri’n kêm magtub tute kɔr dooge’t nè nga.

Tà ke Maje ke Luc ndang 2:5

Joseph awi se njènong le’n Marie kêm ɓee ke Bethléhem le kade d’unde ri de kêm magtub tute kɔr dooge’t. Nè Marie ndann ngonn kêm’n tɔg lêng-lêng.

Tà ke Maje ke Luc ndang 4:16

Jésu in loon’t nè aw ɓee ke Nazareth. Nazareth nga, è ɓee ke ndɔ ke d’oto’n tutu d’ade tɔge. E aw se de kêm kei kebe nan’t se go ra ke è ra’n kété-kété se ndɔ taa kebe. E ɔse nang in dɔ le tute magtub le Nube kade de.

Jean 1:46

Nathanael tel deje Philippe ede nè: – Ké nyan ke maje à kin kêm ɓee ke Nazareth tɔ wa? Philippe tel ede Nathanael ede nè: – I kuwe i ree an se kumi.

Jean 7:42

Bethléhem nga è ngonn ɓee kɔje ngar David. Ké magtub ke tò se ninn’n tam titeke Krist nga à in Bethléhem girkà’t le ngar David nga lé wa?