Tà ke Maje ke Luc ndang 10:2 - Nouveau Testament en Gulay 2004

² E ede de ede nè: – Ko ke ide kum kuje è ngain, nè njékujennge ii lé ɓai. I deji Nube ke è kuwe-ndɔr le kade ule njékuje koge loo sa ko’t le’n.

Tà ke Maje ke Luc ndang 10:2 ပူးပေါင်းရင်းမြစ်များ

Matthieu 20:1

Konɓee ke danrán nga tò asenan se kuwe-kei ke tee se ndɔgé ɓat tede kɔi dooge kade rai kule kêm ndɔr nduu’t le’n bè.

Marc 13:34

Nyange nè nga tooi asinan deĵ se le doo karé bè ke inye kei le’n aw mba. Kété ɓita kade aw ɓaa, è unn ndu’n ade ngann njéndige le’n le kade nanan géa tɔse kum’n dè kule’t le’n-le’n. Taɓai è unn ndu’n ade njè ngonm tà kei le kade ndi dè njann’t kekek a tɔ.

Marc 16:15

Go’t gugu Jésu ede de ede nè: – Awi se loo malang dè nang nè, ilei mber Tà ke Maje adi dookundege bere mbak.

Marc 16:20

Njékuwe-gir-Jésuge undei loo teei kêm ɓee ke Jérusalem awi ilei mber Tà ke Maje se loo malang. Kuwe-ɓee è der gir de ade dé ra nyankɔbege d’utu’n go Tà ke Maje ke d’ile mber’n. Gir’n ke nè á dooge an-in tà le’n ke ngarankum tà.]

Tà ke Maje ke Luc ndang 9:1

Ndɔ karé bè, Jésu ɓar njékuwe-girnge ke dɔg-gidé-joo ɔse nja de nan’t . E ade de dèmong se tɔgmong le rɔ’n ndilge ke majelé malang kêm njératurge’t a, se le kɔr’n ratur ra dooge’t a tɔ.

Nyanra Njekawkulege 11:19

Njétaakêm-Kristge ke yali nan karé-karé tede nyantosowur ke unn gir dè Etienne nga aw sár tee dè nang ke Phénicie se Chypre a, se Antioche a tɔ. Kêm ndɔnge’t nè, njétaakêm-Kristge ilei mber tà le Nube adi Juipge kuwe se kar de bere luk-luk, m ilei mber adi girkoje dooge ke rang lé.

Nyanra Njekawkulege 13:2

Ndɔ karé bè, d’ɔge kêm de ɓo a, d’an-in mann lé a tɔ. Loo ke dé ndi d’a d’ɔje tà se Nube ɓaa, Ndil-Kêmnda ede de ede nè: – Ɔri Barnabas se Saul undei de se ninn de adi man ɔje dè kule ke m’ɓar de tede nga.

Nyanra Njekawkulege 13:4

Ndil-Kêmnda ule Barnabas se Saul ade awi kêm ɓee-bò ke Séleucie. Taɓai ei ndai ke loon’t nè ali kêm bato’t awi kum de ke Chypre.

Nyanra Njekawkulege 20:28

Undei kumkunju dè ra si’t se dè bate kosge malang ke Ndil-Kêmnda unde sei ke njékan dè dege. Uli njékebe nange le Nube ke è ndogo de se mese’n ke kinge’n.

Nyanra Njekawkulege 22:21

Kuwe-ɓee tel ede’m ede nè: «Aw, tede è man kuwe á m’a m’ulei heb ke ra dooge ke ei Juipge lé.»

Nyanra Njekawkulege 8:4

Njétaakêm-Kristge ke dé yal de karé-karé nga awi se loo-loo ilei mber Tà ke Maje.

1 Nje Ke Corinthe 12:28

Dooge ke desêin ke Nube unde de dè njékebe nange’t le’n nga ei njékawkulege, njé ke ɔsi go de ei njéribe-dè-tà ke tà Nube’t. Dooge ke njèkon’t mute ei njéndó dooge nyan. Go’t ɓaa, ei njé ra nyankɔbege se njékɔr ratur ra dooge’t se njé ra se dooge ke rang se njékɔr non dooge a, se njé tam tà tam dooge ke rang gai-gai a tɔ.

1 Nje Ke Corinthe 15:10

Nè takul kêmnoje le Nube á m’tel m’ee’n njèkawkule le’n. Noje ke Nube uwe se’m nga è se ndáng karè lé. M’ra kule m’ɔr yàl-yàl dum njékawkulege ke rang malang. Kerɔte kuwe, è tɔg le’m man á m’ra’n kule nè nga lé, nè è noje ke Nube á uwe se’m.

2 Nje Ke Corinthe 6:1

Jè jè njémade kulege le Nube. Gir’n ke nè á jè ndeje’n sei le kade nyan-noje le Nube ke ingei nga, i telii ke nyan ke raikarè lé.

Nje Ke Philippes 2:21

Dooge malang sangi nyange ke ɔje dè de ei kuwe m sangi nyange ke ɔje dè Jésu-Krist nga lé.

Nje Ke Philippes 2:25

Nè né è bè géa, m’an titeke maje kum tel kule se Epaphrodite ra si’t gugu. E njèkawkule le si ke ndɔ ke uleii ram’t adi ra se’m dè nyange ke nal’m. Ngokon jéi Epaphrodite nga è njèmade loo kaw le’m se njè made rɔ le’m a tɔ.

Nje Ke Philippes 2:30

E tede kule le Krist á ndɔ ke Epaphrodite ube’n tà be tête’n ile’n ra’n kɔke taa’n gute si sei malang loo kule ke sei kuwe asi rai kadi man lé nga.

Nje Ke Colosses 1:29

Gir’n ke nè á m’ra’n kule m’ɔr’n yàl-yàl a, m’rɔ’n se go tɔg le Krist ke ra kule ram’t ngain.

Nje Ke Colosses 4:12

Epaphras, doo ke ɓee le si nú ra sei lapya. E ɓer kule le Nube ke ndi ra rɔ se ndɔge malang tede le si loo kɔje tà’t le’n se Nube. E ra titeke bè kade i ndai dè nja si’t njáng a, i maji ɔri njêt a, i geri nyan malang ke kem̂ Nube ndige a tɔ.

1 Nje Ke Thessalonique 2:9

Ngakon jége, loo ke ndɔ ke j’ile mber Tà ke Maje le Nube j’ade sei nga, j’ule ra jé ndibe jè ra kule j’ɔr yàl-yàl ndɔ a, kada a tɔ. Jè ra titeke bè tede le tel kɔii’n dè doo karé bè dann si’t lé. Ké kem̂ si olé dè’t ɓila lé sár wa?

1 Nje Ke Thessalonique 5:12

Ngakon jége, jè deje sei kuwe ɓai le kade ilei koje dè njé ke rai kule dann si’t. Tede ei nè nga ulei ra de ndibe ɔri non si, ei ndeji sei le kade umi nan’t bɔk se Kuwe-ɓee a tɔ.

2 Nje Ke Thessalonique 3:1

Ngakon jége, nyan ke nain ɓaa, ɔji tà se Nube tede jé le kade tà le Kuwe-ɓee an-in ngɔde kum’n ke kété-kété a, le kade unn banga ade d’ile’n riɓar dènn’t titeke ndɔ ke unn’n banga ɓéee le si nga bè tɔ.

1 Timothee 4:10

Ke nè á j’ule ra jé ndibe loo kule’t a, jè ra rɔ maje a ɓaa, è tede kem̂ jé ke j’unde tchên dè Nube’t ke njèndi kumgajer. Nube ke njèndi kumgajer nga è njèkaje dooge malang, nè njé ke undei kem̂ de dènn’t tá è njèkaje de ke get ɓai.

2 Timothee 4:5

Nè né è bè géa, i ɓaa, unde kumkunju dè rai’t ɔje dè nyange malang. Oré tài njak dè nyankem̂konge’t, i ra kule ra njèkile mber Tà ke Maje. I ra kule lei ɔr son’n njêt a tɔ.

Philemon 1:1

Man Paul m’tò dangai’t tede tà le Jésu-Krist. Timothée è se’m nan’t. M’ndang magtub nè m’adi i Philémon kotár le jé se made kule le jé.

Hebreuge 3:6

Nè Krist ɓaa, è Ngonn ke ase; è á Nube ɔr’n unde’n ke njèkan dè loo kem̂ kei le’n. E ra kule le’n se ngonn koje. Ke nè á jè ndai kem̂ jéi káng dè kundekem̂ tchên ke jè ndii jè pitii ra jéi’t nga ɓaa, j’à jè kei le Nube kuwe.

Lookilera’n 2:1

Doo ke m’an’n nga, ede’m ede nè: «I ndang magtub ade doo ke danrán ke njèkan dè njékebe nange le Nube ke kem̂ ɓee-bò ke Ephèse. E ke njè kuwe kɔnyonge ke ji sejimute jikonn’t rige’n dadann lampege ke ra se nar-ɔr nga tam ede nè: