Tà ke Maje ke Luc ndang 1:2 - Nouveau Testament en Gulay 2004

² se gonan-gonan titeke njé ke an-in se kum de ɔri adi jéi. Njé ke kété an-in nyange nè se kum de nga, ɓila teli ei njékile mber Tà ke Maje le Nube.

Tà ke Maje ke Luc ndang 1:2 ပူးပေါင်းရင်းမြစ်များ

Marc 1:1

Tà ke Maje le Jésu-Krist, Ngonn le Nube nga unn gir’n titeke bè.

Marc 16:20

Njékuwe-gir-Jésuge undei loo teei kêm ɓee ke Jérusalem awi ilei mber Tà ke Maje se loo malang. Kuwe-ɓee è der gir de ade dé ra nyankɔbege d’utu’n go Tà ke Maje ke d’ile mber’n. Gir’n ke nè á dooge an-in tà le’n ke ngarankum tà.]

Marc 4:14

Njèkunde ko tò asenan se doo ke dubu Tà ke Maje kêm dooge’t bè.

Tà ke Maje ke Luc ndang 24:48

Nyange ke sei an-in nga ɔri go tà’n gar-gar adi dooge ke rang ooi.

Jean 15:27

Sei géa a k’ei njékɔrgo tàge le’m tede sei se’m nan’t kété mari loo kunn gir kule’t le’m.

Jean 16:4

Nè man m’ede sei tà nyange nè nga kété tede kade loo ke kàde’n le de à tee ɓaa, kêm si olé’n dè tàge ke kété m’ede sei’t nga. Man m’ede sei tà nyange nè nga kété lé tede nain ke m’nain se si ɓai.

Nyanra Njekawkulege 1:3

Go nyankêmkon ke ra’n se go kwei le’n, Jésu tɔje ra’n kumgajer ade njékawkulege le’n an-in nin nja bule. E nain se de ndɔ’n kɔr-sɔ, è ɔr ser nyange ke ɔje dè Konɓee le Nube ade de.

Nyanra Njekawkulege 1:8

Nè sei a kingei tɔgmong le Ndil-Kêmnda ɓaa, sei a teli k’eei njékɔrgo tàge le’m kêm ɓee-bò ke Jérusalem a, se ɓeekon ke Judée bere mbak a, se ɓeekon ke Samarie a, sár kade ɔri son nang nè njêt a tɔ.

Nyanra Njekawkulege 14:25

Loo ke ei ilei mber kêm ɓee-bò ke Perge ɓá ɓaa, ɔti awi kêm ɓee-bò ke Attalie.

Nyanra Njekawkulege 16:6

Paul se Silas undei kêm ɓeekonge ke Phrygie se Galatie gangi se nja de dɔ tede Ndil-Kêmnda ɔge de kile mber tà le Nube kêm ɓeekon ke Asie.

Nyanra Njekawkulege 17:11

Juipge ke Bérée nga uwei Paul se Silas ke ra de’t maje dum njé ke kêm ɓee-bò ke Thessalonique. Dé taa Tà ke Maje kalang, nè se ndɔ karé-karé dé nder gir tà ke kêm magtubge’t le Nube le kan, ké tàge ke Paul ede nga è titeke bè kuwe wa?

Nyanra Njekawkulege 26:16

Nè ɔse nang in dɔ, i nda dè njai’t. An! gir nyan ke m’tee’n dèi’t pan nga: man m’ɔri ke ngonn njèndi le’m a, ke njèkile mber ɔje dè nyange ke ɓila an se kumi. A i njèkile mber ɔje dè nyange ke ndɔ ke rang m’a m’tɔji ɓai a tɔ.

Nyanra Njekawkulege 4:20

Nyan ke j’an se kum jé a, j’oo tà’n se mbi jé a tɔ nga, j’asekum kebe ra jé tam tà’n ndan lé.

Nyanra Njekawkulege 8:4

Njétaakêm-Kristge ke dé yal de karé-karé nga awi se loo-loo ilei mber Tà ke Maje.

Nje Ke Rome 15:16

Nube tel’m ke ngonn njèkule le Jésu-Krist tede le dooge ke ei Juipge lé. Nube ɔr’m unde’m se ninn’n tede kade m’ile mber Tà ke Maje le’n m’ade dooge ke ei Juipge lé. Titeke bè á Ndil-Kêmnda à ɔr’n njé ke ei Juipge lé kunde’n de se ninn de kade taai kum Nube.

1 Nje Ke Corinthe 4:1

Maje kade an-in jè ke ngann njékulege le Krist a, ke njé kan dè nyange le Nube ke tooi loo ɓɔyɔn’t a tɔ.

Hebreuge 2:3

Kaje ke bò nè nga, ke nè á j’an-in ke nyan lé ɓaa, ké tà à uwe dè jéi lé titeke bain wa? Kaje ke bò nè nga, Kuwe-ɓee kuwe unn gir kile mber’n kété ɓita njé ke ooi tà’n tànn’t se mbi de edi jèi ade aw go lenn’t deĵ ɓai.

1 Pierre 5:1

M’ndeje ke ngatɔgege ke dann si’t, tede man géa m’ee ngatɔge made de tɔ. Man nga m’ee njèkɔrgo nyankem̂kon ke ra Krist. Ndɔ ke Krist à tel ree ɓaa, man m’oré se’n nan dè ndubra’t le’n.

2 Pierre 1:16

Ger ke ndɔ ke j’adi i geri tɔgmong a, se ndɔ tel le Jésu-Krist Kuwe-ɓee le jéi nga, jè ndolé’n go kumkunju le sútàge lé. Nè j’ɔrgo nyange nè nga j’ade sei tede ndubra le’n ke ndɔ ke jè kuwe j’an se kum jé.