Ngakonmge, Nube ra se jéi kêmkanm ke bò. Gir’n ke nè á m’ndeje’n sei le kade unni ra si bere adi Nube ke nyankuje-mese ke tò kumgajer ke ɔje dè Nube a, ke taa kum’n a tɔ. E ke nè á è nyan kunn ke gete ke uwe made nan se tà le Nube.
Ede bɔ-dingemge le kade yibe ule mbe dè de’t lé. Nè maje kade ei dooge ke njé ke rang asikum kilei koje dè de’t a, à ei njé kunde kumkunju dè ra de’t a tɔ. Maje kade kundekem̂ le de è ke maje unju nyang-nyang a, maje kade ei njé tár dooge a, njé korè tà de njakge a tɔ.
Kotárge le’m, sei tooi asinan se njé nanmge a, se mbage ke ndii dè nang nè. M’ndeje sei kade ɔgi ra si dè ngur nyange le danra ke ndi à rɔ se ngarankum ra si.