Philemon 1:7 - Nouveau Testament en Gulay 2004

⁷ Ngokon’m, tár ke i tár njé ke tooi se ninn de nga ule dingem kem̂’t a, ade’m ranel ngain a tɔ. Tàkuli i á kem̂ njétaakem̂-Kristge oso’n nang pon.

Philemon 1:7 ပူးပေါင်းရင်းမြစ်များ

1 Nje Ke Corinthe 16:18

Dé nga d’ade kêm man a, se kêm si sei a tɔ, oso nang pon. Dooge ke titeke bè nga, an-in de ke ngarankum njékɔr non sige.

2 Nje Ke Corinthe 7:13

Gir’n ke nè á kêm jé sɔl’n lom. J’inge ranel ngain dè kêm sɔl lom’t se ranel ke sei adi Tite inge. Sei malang adi tàgir le’n tò lom dann si’t.

2 Nje Ke Corinthe 7:4

M’nda kêm’m káng dè si’t a, dè’m in tchakm tede tà le si a tɔ. M’ndi se kêmsɔl lom a, ra’m nel’m ngain dann nyantosowurge’t malang ke ra jè.

1 Nje Ke Thessalonique 1:3

Non Bɔ jéi Nube’t nga, kem̂ jé olé dè kule ke sei rai dè kundekem̂’t le si. Kem̂ jé olé dè ra si ke ulei ndibe dè tár nan’t a tɔ. Non Bɔ jéi Nube’t nga, kem̂ jé olé dè korè tà njak le si dè kundekem̂ tchên dè Kuwe-ɓee le jéi Jésu-Krist nga a tɔ.

1 Nje Ke Thessalonique 2:13

Loo ke ndɔ ke j’ede sei tà le Nube j’ade ooi nga, sei taai dè ɓengre si’t. Sei taai tà nè nga ke tà ke in tà Nube’t kerɔte kuwe m in tà doo’t karè lé. Gir’n ke nè á tà nè nga ra’n kule kem̂ si sei njétaakem̂-Kristge. E ke nè á è gir nyan karé ke rang ke ade jè ra’n oiyo se ndɔ jé-ndɔ jé nal kebe’t.

1 Nje Ke Thessalonique 2:19

Loo ke ndɔn’t Kuwe-ɓee le jéi Jésu à tel ree ɓaa, nyan kundekem̂ tchên se nyan ranel le jé nga ké è sei lé ɓai wa? Dè jé à in tchakm nonn’t tede kem̂ ndɔn’t nè nga sei a i tooi kasinan se jɔkɔ kunn banga le jé bè.

1 Nje Ke Thessalonique 3:9

Ranel malang ke j’inge non Nube’t le jéi tede tà le si nga, ké j’ayé ra’n oiyo nja kandang kade ase loon’t wa?

2 Timothee 1:16

Maje kade Kuwe-ɓee ra kem̂kanm se njé ke kem̂ kei le Onésiphore tede dɔ-dɔ è sɔl kem̂’m ade ra’n sɔl’n dè sul ke d’ile jim’t nè nga lé.

Philemon 1:20

Nyan ke m’deji nga, maje kade ade’m tede kum ke jè sei j’um nan’t ɓɔk se Kuwe-ɓee. Ngokon’m, ade kem̂’m oso nang pon takul Krist.

2 Jean 1:4

Ra’m nel’m ngain dè kinge ke m’inge ngannige njiyei dann ngarankum tà’t titeke Bɔ jéi unn’n ndu’n ade jèi.