Philemon 1:20 - Nouveau Testament en Gulay 2004

²⁰ Nyan ke m’deji nga, maje kade ade’m tede kum ke jè sei j’um nan’t ɓɔk se Kuwe-ɓee. Ngokon’m, ade kem̂’m oso nang pon takul Krist.

Philemon 1:20 ပူးပေါင်းရင်းမြစ်များ

1 Nje Ke Corinthe 16:18

Dé nga d’ade kêm man a, se kêm si sei a tɔ, oso nang pon. Dooge ke titeke bè nga, an-in de ke ngarankum njékɔr non sige.

2 Nje Ke Corinthe 2:2

Tede ke nè á man kuwe m’tel m’ade sei kêmkon ɓaa, ké nan à ade’m ranel wa? Ké è ke m’ade’n kêmkon nga kuwe á à ade’m ranel nga lé wa?

2 Nje Ke Corinthe 7:13

Gir’n ke nè á kêm jé sɔl’n lom. J’inge ranel ngain dè kêm sɔl lom’t se ranel ke sei adi Tite inge. Sei malang adi tàgir le’n tò lom dann si’t.

Nje Ke Philippes 1:8

Oiyo, Nube an a, ger a, titeke m’tár sei malang dè ɓengrem’t se kem̂nda káng titeke Jésu-Krist tár’n jéi bè tɔ.

Nje Ke Philippes 4:1

Gir’n ke nè á, ngakonmge ke m’tár sei, ngur tel kan kum si ra’m ngain. Sei sei nyan ranel le’m a, se jɔkɔ kunn banga le’m a tɔ. Kotárge le’m, i ndai dè nja si’t njáng dè kum nan’t bɔk se Kuwe-ɓee.

Philemon 1:12

E nga tò asenan se balkum ra’m; nè né è bè géa, m’tel m’ule se’n rai’t gugu.

Philemon 1:7

Ngokon’m, tár ke i tár njé ke tooi se ninn de nga ule dingem kem̂’t a, ade’m ranel ngain a tɔ. Tàkuli i á kem̂ njétaakem̂-Kristge oso’n nang pon.

Hebreuge 13:17

Ilei koje dè njékɔr non sige’t a, ulei dè si adi de a tɔ. Dé nè nga, dé tɔse kum de dè ngarankum ra si’t se ndɔge malang. E dé nè á ndɔ ke rang d’a d’ɔrgir tà ke ɔje dè ngarankum ra si kade Nube. Ilei koje a, ulei dè si adi de titeke bè le kade dé ra’n kule nè nga se ranel anje ɓar tà. Ke nè á dé ɓar tà ɓaa, ayé maje dè si’t lé.

1 Jean 3:17

Ke nè á doo karé aw se nyankinge ngain dè nang nè, nè è unn kum’n mbeng dè ngokon’n ke nyan nal’n. A ɓaa, ké tár ke doo nè ede nè n’tár Nube nga tò ra wa?

3 Jean 1:4

Ranel le’m ke bò ngain ɓaa, è koo ke m’oo titeke ngannemge njiyei dann ngarankum tà’t se ndɔge malang.