Philemon 1:17 - Nouveau Testament en Gulay 2004

¹⁷ Ke nè á an’m ke njèmade loo kaw lei ɓaa, uwe’n ke rai’t tite è man bè.

Philemon 1:17 ပူးပေါင်းရင်းမြစ်များ

Matthieu 10:40

Doo ke rara ke uwe sei ke rann’t ɓaa, è man kuwe á uwe’m ke rann’t. Doo ke rara ke uwe’m ke rann’t ɓaa, è njèkule’m kuwe á uwe’n ke rann’t.

Matthieu 18:5

Doo ke uwe ngonn karé ke dap tite njè ke nè ke rann’t se ri’m man ɓaa, è man kuwe á uwe’m ke rann’t non.

Matthieu 25:40

Ngar à tel kile de dè’t kede nè: «Kerɔte kuwe, man m’ede sei ndàt, nyan malang ke dɔ-dɔ sei i rai se ngonn karé ke ndêin bè dann ngakonmge ke ndii nè’t nga ɓaa, è man kuwe á i rai se’m non.»

Nyanra Njekawkulege 16:15

Loo ke d’ule Lydie manné njonm se njékêmkeige le’n ɓá ɓaa, è ɓar jè ede nè: – Ke nè á an-in man ke njètaakêm-Krist kerɔte ɓaa, i reei awi se’m ɓéee i ndii se’m ndêin ɓita. E aw se jé kabr-kabr ade j’aw se’n kêm kei le’n.

2 Nje Ke Corinthe 8:23

Tite ɓaa, è made-loo-kaw le’m. E made-kule le’m ke ra se’m kule nan’t-nan’t tede le si. Ngakon jéige ke dannii nga, è njékebe nange le Nube á ulei de. Dé ndi d’ade ra kule tede riɓar le Kuwe-ɓee.

Nje Ke Ephese 3:6

Se go Tà ke Maje á dooge ke ei Juipge lé oréi nan se jéi jèi Juipge dè nyange ke Nube unde konn tede le kosdooge le’n. Jèi se de jèi balkum danra ke karé bere. Jèi se de j’oréi nan dè ndikumgajer ke Nube unn’n ndu’n ade dooge ke umi se’n nan’t bɔk takul Krist.

Nje Ke Philippes 1:7

Gir ke m’gir dè si’t malang bè nga, è loon’t kuwe. M’ndige sei dè ɓengrem’t. Kété ndɔ ke m’nain se si ɓai nga, m’an-in ngang Tà ke Maje gar-gar m’ade tò loo toon’t njáng. Ɗarinè ke m’tò dangai’t nè nga géa, sei malang oréi se’m nan dè noje ke Nube uwe sem’t nga.

1 Timothee 6:2

Ɓerge ke kuwe dege ei njétaakem̂-Kristge nga, ei à kilei koje dè kuwe dege’t nè m ei à kidi de tede k’ei ke ei njétaakem̂-Kristge bè lé. Nè gar-gar ei à rai kule maje dum ke kété kadi de, tede kuwe dege ke dé ra kule maje d’ade de nè nga ei kotárge le Nube. I ndó de tà nyange nè a, i ndeje de a tɔ.

Philemon 1:10

M’ra ndoo rai’t tede tà le ngonn’m Onésime. E nga m’oje’n gir Krist’t loo ke m’ndii’n se sulge jim’t dangai’t nè.

Philemon 1:12

E nga tò asenan se balkum ra’m; nè né è bè géa, m’tel m’ule se’n rai’t gugu.

Philemon 1:18

Ke nè á kété Onésime ra sei majelé éké kure lei tò dènn’t géa, inye dèm’t.

Hebreuge 3:1

Gir’n ke nè á, ngakonmge, sei ke i tooi se ninn si ke Nube ɓar sei nga, i giri dè Jésu’t. Jésu nga Nube ule’n ade è maw njèkuje nyan-mese ɔje dè kundekem̂ ke jè ndi j’ile mber’n.

Hebreuge 3:14

Ke nè á jè ndai njáng dè kundekem̂’t le jéi ke desêin sár ndɔ ke ngeinn’t ɓaa, j’à j’oréi nan se Krist dè nyanbawge’t le’n kerɔte kuwe.

Jacques 2:5

Ngakonm ke m’tár sei ooi maje. Ké è Nube kuwe á tɔr njé ke d’an de ke njéndooge ke dè nang nè le kade ei baw kundekem̂ge lé wa? Ké è Nube kuwe á tɔr de kade on-in se’n ɓee le’n titeke unn’n ndu’n ade njé ke tári nin nga lé wa?

1 Pierre 5:1

M’ndeje ke ngatɔgege ke dann si’t, tede man géa m’ee ngatɔge made de tɔ. Man nga m’ee njèkɔrgo nyankem̂kon ke ra Krist. Ndɔ ke Krist à tel ree ɓaa, man m’oré se’n nan dè ndubra’t le’n.

1 Jean 1:3

Nyan ke j’an se kum jé a, j’oo se mbi jé a tɔ á j’ile mber’n j’ade sei. Jè j’ile mber’n j’ade sei titeke bè tede kade j’umi nan’t bɔk se Bɔ jéi a, se Ngonn’n Jésu-Krist a tɔ.