Nyanra Njekawkulege 9:6 - Nouveau Testament en Gulay 2004

⁶ Ɔse nang in aw kêm ɓee-bò’t ɓaa, d’a d’edi nyan ke i a i ra nga gar-gar.

Nyanra Njekawkulege 9:6 ပူးပေါင်းရင်းမြစ်များ

Matthieu 19:30

Dooge ngain ke ei ngawtà made dege ɗarinè nga, à teli k’ei njékutu go made dege. Dooge ke ei njékutu go made dege ɗarinè à teli k’ei ngawtà made dege a tɔ.

Tà ke Maje ke Luc ndang 3:10

Kosdoo-bulege deji Jean tà ke kété-kété edi nè: – Ké ri á Nube ndige kade jè ra ɗarinè ta wa?

Nyanra Njekawkulege 10:22

Ngann njékulege le Corneille edi Pierre edi nè: – E Corneille, kuwe njérɔge ke aru karé á ule jè. E nga è doo ke njè ra nyan se dè naje’n a, è njè ɓel Ndil Nube a tɔ. Kos Juipge bere mbak tami tà le’n maje. Doo ke danran le Nube ede Corneille ede nè: «I ɓar Simon ɓéee lei, oo tàge ke à edi.»

Nyanra Njekawkulege 10:32

Ule kêm ɓee ke Joppé, i ɓar Simon karé ke ri tɔyi’n nè Pierre ade ree. E tò kei le Simon ke njèkɔr gide ndar. Simon ke njèkɔr gide ndar nga, kei le’n tò tà ba-bò kate’t ngɔr.»

Nyanra Njekawkulege 10:6

Simon Pierre nga tò ɓee le Simon karé ke njèkɔr gide ndarge. Simon ke njèkɔr gide ndar nga, kei le’n tò tà ba-kate’t ngɔr.

Nyanra Njekawkulege 2:37

Loo ke kosdooge ooi tàge nè bè ɓaa, ɓengre de ayé gang dɔs. Dé deje Pierre se njékawkulege ke rang d’ede nè: – Ngakon jége, ké j’à ra bain ta wa?

Nyanra Njekawkulege 22:10

M’tel m’deje m’ede nè: «Kuwe-ɓee, ke ri á i ndige kade m’ra gar-gar wa?» Kuwe-ɓee tel ede’m ede nè: «Ɔse nang in aw Damas ɓaa, d’a d’edi nyange malang ke Nube unn’n ndu’n le kade i ra nga ɓai.»

Nyanra Njekawkulege 26:16

Nè ɔse nang in dɔ, i nda dè njai’t. An! gir nyan ke m’tee’n dèi’t pan nga: man m’ɔri ke ngonn njèndi le’m a, ke njèkile mber ɔje dè nyange ke ɓila an se kumi. A i njèkile mber ɔje dè nyange ke ndɔ ke rang m’a m’tɔji ɓai a tɔ.

Nyanra Njekawkulege 9:5

E deje doo ke ɓar’n deje’n tà nga ede nè: – Kuwe-ɓee, ké i nan wa? Kuwe-ɓee tel ede Saul ede nè: – Man m’ee Jésu ke i ɔr’n kororoi nga.

Nje Ke Rome 10:20

Esaie, njèribe-dè-tà ke tà Nube’t aw sár tam ede nè: «Njé ke sangi man lé á m’ade ingei man. Njé ke deji ká’m lé á m’tee ke kum de’t pan.»

Nje Ke Rome 10:3

Rebe ke Nube ɔr’n tà dè dooge’t nga dé ger lé. Nè dé sang le kade Nube ɔr tà dè de’t se go rebe le de ke kinge de. Gir’n ke nè á dé mbate’n rebe ke Nube ɔr’n tà dè dooge’t nga.

Nje Ke Rome 5:20

Gute-ndu unde loo tee ade majelé in dè made’t ke kété-kété. Nè loo ke majelé in dè made’t ke kété-kété tutu nga, kêm-noje le Nube in dè made’t ke kété-kété tutu dum dè majelé.

Nje Ke Rome 7:9

Kété mari ke gute-ndu goto ɓai nga, m’ndi kumgajer ɓai. Nè loo ke ndukunn unde loo tee ɓaa, kaiya tɔse ndel in ade man tá m’wei.

Nje Ke Philippes 2:12

Kotárge le’m, ilei koje dè Nube’t se ndɔge malang titeke ndɔ ke m’ee’n se si. Ɗarinè ke m’goto se si nga, ilei koje dè Nube’t adi dum ke kété. I ɓeli Ndil Nube, i rai kule dè kaje’t le si se ngonn koje.

Jacques 4:6

E uwe se jéi noje ke bò. Gir’n ke nè á Magtub ke tò se ninn’n tam’n ede nè: «Nube ute njé ti ra dege mbeng, nè è uwe noje se njé kule dè dege.»