Nyanra Njekawkulege 9:42 - Nouveau Testament en Gulay 2004

⁴² Kɔbe nyan ke tee nè nga oso se loo mbit-mbit kêm ɓee ke Joppé ade dooge malang geri. Dooge ngain undei kêm de Kuwe-ɓee’t takul nyan nè nga.

Nyanra Njekawkulege 9:42 ပူးပေါင်းရင်းမြစ်များ

Jean 11:4

Loo ke Jésu oo tà nè ɓaa, è tam ede nè: – Ratur nè nga è ratur ke à tɔl Lazare lé, nè è tede kade dooge an-in tɔgmong le Nube. Takul ratur nè á d’a d’an’n tɔgmong ke Nube ade’m man Ngonn doo nga.

Jean 11:45

Dooge bule dann Juipge’t reei ra Marie’t. Loo ke ei teri nyange ke Jésu ra an-in ɓaa, undei kêm de dènn’t.

Jean 12:11

E tede tà le Lazare nè á Juipge bule inyei go maw njékuje nyan-mesege ɓaa undei kêm de dè Jésu’t tá ta.

Jean 12:44

Jesu tam se ndu’n ke bòi beng ede nè: – Nanan ke unde kêm’n dèm’t ɓaa è man á unde kêm’n dèm’t lé, nè è njékule’m kuwe á è unde kêm’n dènn’t non.

Nyanra Njekawkulege 10:5

Ɓaa ɗarinè, ule dingemge ade awi Joppé reei se Simon karé bè ke d’ile ri tɔyi’n nè Pierre.

Nyanra Njekawkulege 10:8

E ɔrgir nyan ke tee dènn’t nè nga kêrêr-kêrêr ade ooi ɓita ule de kêm ɓee ke Joppé ɓai.

Nyanra Njekawkulege 11:13

E ɔrgir nyan ke tee dènn’t ede jè ede nè: «M’an doo ke danrán ree goom’t kei ede’m ede nè: Ule Joppé i ɓar Simon ke d’ile ri tɔyi’n nè Pierre ade ree.

Nyanra Njekawkulege 11:21

Nube è der-gir njétaakêm-Kristge ade dooge bule ɔsi wan teli undei kêm de dè Kuwe-ɓee Jésu’t.

Nyanra Njekawkulege 11:5

– M’ndi kêm ɓee ke Joppé man m’ɔje tà se Nube. Nyan pinde’m ade m’an nyan karé ke tò tite tà kubu ke bò in danran rise nang. Tà kubu nè nga dé tɔ kule dè kumennge ke sɔ. Nyan nè nga ree jurr rise nang ram’t jip.

Nyanra Njekawkulege 9:35

Loo ke dooge ke ndii kêm ɓee ke Lidda se njé ke ndii kêm mbo ke Saron malang an-in ratur ke ɔr dè Enée’t nga bè ɓaa, ɔsi wan teli undei kêm de dè Kuwe-ɓee’t.

Nyanra Njekawkulege 9:36

Dinye karé ke njètaakêm-Krist ndi kêm ɓee ke Joppé. Dinye nè nga ri’n nè Tabitha ke dé ɓar’n Dorcas se tà grec. Dorcas se tà le jéi ɓaa è «jêl». E dinye noje ke ra nyange gai-gai uwe’n noje se njéndooge bule.

Nyanra Njekawkulege 9:38

Ɓee ke Joppé nga tò ngɔr se ɓee ke Lidda. Loo ke njékuwegir-Jésuge ooi titeke Pierre ndi kêm ɓee ke Lidda ɓaa, ei ulei dingemge joo rann’t. Dooge joo ke d’ule de rann’t nga, ndêti nin edi nè: – Kɔkrɔ karè, in se jé nan’t nal tile mbɔr.

Nyanra Njekawkulege 9:43

Pierre ra ɓee Joppé kêm kei le Simon ke njè kɔr gide ndar ade kuru’n ebe ɗak.