Nyanra Njekawkulege 9:39 - Nouveau Testament en Gulay 2004

³⁹ Pierre in aw se dooge ke joo nè nga nan’t. Loo ke è tee Joppé ɓá ɓaa, d’ɔr non’n d’aw se’n kêm kei ke dɔ dè made’t. Njékei-kingege malang reei an-in dè Pierre girm se non tà de’t jik-jik. Taɓai dé tɔje’n kubuge gai-gai ke Dorcas ra ade de loo ke è ndii’n kumgajer ɓai nga.

Nyanra Njekawkulege 9:39 ပူးပေါင်းရင်းမြစ်များ

Matthieu 17:17

Jésu tel tam ede de ede nè: – Sei njé kunn mbi dè tà’tge se njéndɔje lɔk-lɔkge. Ké m’a m’ndi se si ndɔ kandang ɓai wa? I reei se ngonn nè nga ke ram’t nè.

Matthieu 26:11

Njéndooge nga ndii se si se ndɔge malang, nè man ɓaa m’a m’ndi se si se ndɔ’m ndɔ’m lé.

Marc 14:8

Dinye nè ra nyan ke ase dè tɔgn’t. E ndum’m wubu ke ete maje ngain nè kété ɓita le kade ndɔn’t d’um’m ngire ɓai.

Tà ke Maje ke Luc ndang 24:44

Go’t gugu, è ede de ede nè: – An-in! è á è tà le’m ke ndɔ ke m’ede sei kété ke m’nain’n se si ɓai nga: nyange malang ke Moise se njéribe-dè-tàge ke tà Nube’t ndangi ɔji dè’m se tàge malang ke tò kêm Magtub pa’t nga, gar-gar à awi loon’t deĵ kuwe.

Jean 12:8

Njéndooge nga à ndii se si se ndɔge malang. Nè man ɓaa, m’a m’ndi se si se ndɔ’m-ndɔ’m lé.

Jean 17:12

Njé ke i um de jim’t nga, kété ke m’nain’n se de dè nang nè ɓai m’ngonm de se tɔgmong ke i ade’m. M’ɔge kum’m ɓi m’an-in’n ngang de garar-garar, m’ade doo karé bè géa tuju dann de’t lé; nè è ke ayé tuju ra’n nga kuwe se kar’n bere. E titeke bè tede kade tà ke tò kêm magtub’t ke tò se ninn’n aw’n loon’t deĵ.

Nyanra Njekawkulege 1:13

Loo ke dé tee kêm ɓee-bò ke Jérusalem ɓá ɓaa, ke loon’t nè kuwe, d’al d’aw kêm kei ke dè made’t ke è loo kinge nan le de se ndɔ de-ndɔ de. Ri de dé njékawkulege nga tò nè: Simon se Jean, Jacques se André, Philippe se Thomas, Barthélemy se Matthieu, Jacques ngonn Alphée se Simon ke njèkile ra’n kɔke tede ɓee le’n, se Jude ngonn Jacques a tɔ.

Nyanra Njekawkulege 20:35

M’ndó sei titeke bè ɔje dè nyan malang, kade ulei ra si ndibe loo ra kule’t gar-gar tede le ra’n se njétɔg gotoge. Adi kêm si olé dè tàge’t ke Kuwe-ɓee Jésu kuwe tam ede nè: «Kunn nyan kade è ranel ngain dum taa nyan.»

Nyanra Njekawkulege 6:1

Kêm ndɔnge’t nè nga, kɔr njékuwe-gir-Jésuge in dè made’t ke kété kété. Juipge ke tami tà Grec ɓari Juipge ke njéɓeege tede loo ke à noboi nyankuse ɓaa, ei oréi dè njékei-kinge le Juipge ke dè ɓee’t nang se ndɔ de-ndɔ de.

Nyanra Njekawkulege 8:2

Dooge ke njékile koje dè Nube’t ke nange unni ninn Etienne dubi. Ndoo Etienne ra de ade d’unde kàde de dài-dài dé non’n jik-jik.

Nyanra Njekawkulege 9:41

Pierre ule ji’n ade Tabitha uwe in’n dɔ. Pierre tel ɓar njétaakêm-Kristge se njékei-kingege ule’n ji de’t kumgajer.

2 Nje Ke Corinthe 8:12

Loo ke doo unn nyan ke tò jinn’t ade se go kêmndige le’n ɓaa, Nube taa nyan nè jinn’t se ranel m ɔr se’n nja nyan ke tò jinn’t lé.

Nje Ke Ephese 4:28

Doo ke ndɔ ke è njèɓog nga, maje kade ebe ra’n ɓoge. Nè è soo’t kade ule ra’n ndibe ra kule ke maje se ji’n è kuwe. Titeke bè á à inge’n nyan le kai kade doo karé ke nyan nal’n tɔ.

1 Nje Ke Thessalonique 1:3

Non Bɔ jéi Nube’t nga, kem̂ jé olé dè kule ke sei rai dè kundekem̂’t le si. Kem̂ jé olé dè ra si ke ulei ndibe dè tár nan’t a tɔ. Non Bɔ jéi Nube’t nga, kem̂ jé olé dè korè tà njak le si dè kundekem̂ tchên dè Kuwe-ɓee le jéi Jésu-Krist nga a tɔ.

1 Nje Ke Thessalonique 4:13

Ngakon jége, tà ke ɔje dè dooge ke weii, jè ndige le kade i geri maje. Titeke bè á a i rai ra si ndoo tite dooge ke rang ke nyan kundekem̂ tchên dè’t le de goto nga lé.

1 Timothee 5:3

Ngarankum njékei-kingege nga, ile koje dè de’t.

1 Timothee 5:5

Ngarankum njèkei-kinge ke ndi se kar’n nga, unde kem̂’n tchên dè Nube’t. E liger lagr-lagr dè kɔje se’n tà’t a, dè ndête’n ɓɔk-ɓɔk kada a, ndɔɔ a tɔ.

1 Jean 3:18

Ngannemge, ade jè tári nan se tà ke tà jéi’t karè lé. Nè ade jè tári nan se nyanra jéige. Nyanra jéi á à tɔji titeke tár ke jè tári nan nga è ngarankum tár kerɔte.