Nyanra Njekawkulege 9:33 - Nouveau Testament en Gulay 2004

³³ E inge dingem karé ke ri’n nè Enée. Dingem nè nga kêl ra’n wei tonrin ade tò nang dè tire ratur’t lo sɔsɔ.

Nyanra Njekawkulege 9:33 ပူးပေါင်းရင်းမြစ်များ

Matthieu 4:24

Kɔbe nyan ke Jésu ra nga, oso se loo mbit-mbit kêm ɓeekon ke Syrie bere mbak. Dé ree se njératurge ke raturge gai-gai rai kum de ndoo ra Jésu’t. E ɔr ratur dè de’t malang: Njé ke ndilge ke majelé tooi kêm de’t se njé ke kɔnon tɔte de a, njé ke kêl ra de wei tonrin a tɔ.

Marc 5:25

Dinye karé ke mese tal rann’t ase lo dɔg-gidé-joo nda dann kosdooge’t nè nga tɔ.

Marc 9:21

Jésu deje bɔ ngonn ke dingem nè nga ede nè: – Ké nyan nè nga ra ngonni ase ndɔ kandang ɗarinè ta wa? E tel ile jésu dè’t ede nè: – Nyan nè nga ra’n se ngonn’n mari.

Tà ke Maje ke Luc ndang 13:16

An! dinye nè nga è ngonnkà Abraham. Nè njèban ade ratur tɔ’n nang njanm-njanm ase ɓal dɔg-gidé-sɔsɔ ɗarinè. Gar-gar man tutu’n kinye’n dɔ. Ké tede k’ee ke è ndɔ taa kebe á kade m’aje’n lé wa?

Jean 5:5

Dingem karé ke ratur ra’n ɓal kɔr-mute-gidé-sɔsɔ è dann njératurge’t nè nga tɔ.

Jean 9:1

Loo ke Jésu à dere le kaw ɓaa, è an dingem karé bè ke d’oje’n ke njèkumtɔ.

Jean 9:21

Nè se go rebe ke ra an’n loo ɗarinè, jè jè ger lé. Doo ke njèkade kum’n teen ade an’n loo nga géa jè ger’n lé a tɔ. I dejii è kuwe adi ɔrgir nyan ke ɔje dè’n ade ooi tede è doo ke tɔge kang-kang ɓá ta.

Nyanra Njekawkulege 14:8

Dingem karé bè ndi kêm ɓee ke Lystre. Doo nè nga nja’n wei tonri ade ndi nang bɔp, m in dɔ njiye ndɔ karé bè lé. E mete ke in-in’n kêm konn’t.

Nyanra Njekawkulege 3:2

D’unn dingem karé ke d’oje’n ke njèdɔgemete d’unde’n tàbit kei’t le Nube ke dé ɓar’n «Tàbit kei ke maje ngain.» Dé ree se’n d’unde’n bè se ndɔge malang le kade kɔ nyan dooge ke à reei kêm kei’t le Nube.

Nyanra Njekawkulege 4:22

Njèdɔgemete ke Pierre se Jean rai nyankɔbe aji nin nga, ɓal’n dum dè ɓal kɔr-sɔ.

Nyanra Njekawkulege 9:32

Pierre aw se kêm ɓee-ɓee. Ndɔ karé bè è aw ɓee le njétaakêm-Kristge ke ndii kêm ɓee ke Lidda le kan de tɔ.

Nyanra Njekawkulege 9:34

Pierre ede Enée ede nè: – Enée, Jésu-Krist aji ɓá! Ɔse nang in dɔ i kuwe i gɔl tire lei. Ke loon’t nè kuwe, Enée ɔse nang karkat in dɔ.