Nyanra Njekawkulege 9:32 - Nouveau Testament en Gulay 2004

³² Pierre aw se kêm ɓee-ɓee. Ndɔ karé bè è aw ɓee le njétaakêm-Kristge ke ndii kêm ɓee ke Lidda le kan de tɔ.

Nyanra Njekawkulege 9:32 ပူးပေါင်းရင်းမြစ်များ

Matthieu 27:52

Tà be-ɓadege teein ade danra njétaakêm-Kristge bule ke ndɔ ke weii undei loo teei dann njé ke koo’t a tɔ.

Nyanra Njekawkulege 1:8

Nè sei a kingei tɔgmong le Ndil-Kêmnda ɓaa, sei a teli k’eei njékɔrgo tàge le’m kêm ɓee-bò ke Jérusalem a, se ɓeekon ke Judée bere mbak a, se ɓeekon ke Samarie a, sár kade ɔri son nang nè njêt a tɔ.

Nyanra Njekawkulege 26:10

E ke nè á è nyanra’m ke ndɔ ke m’ra Jérusalem. E maw njékuje nyan-mesege kuwe á unni ndu de adi man. Titeke bè á ndɔ ke man kuwe m’tuwe njétaakêm-Kristge ngain m’um de dangai’t se loo-loo. Loo ke ndɔ ke d’ade tɔl de géa, m’um se de nan’t bɔk a tɔ.

Nyanra Njekawkulege 8:14

Dooge ke kêm ɓeekon ke Samarie taai tà le Nube ke Philippe ile mber’n ade de nga. Loo ke njékawkulege ke ndii kêm ɓee-bò ke Jérusalem ooi tà’n ɓaa, ei ɔri Pierre se Jean ulei de ra de’t.

Nyanra Njekawkulege 8:25

Loo ke Pierre se Jean ɔri go tà le Kuwe-ɓee a, ilei mber tà le’n ɓá ɓaa, ei teli awi kêm ɓee-bò ke Jérusalem. Pierre se Jean ilei mber Tà ke Maje se kêm ngann ɓeege gai-gai ke kêm ɓeekon ke Samarie.

Nyanra Njekawkulege 9:13

Nè Ananias tel ede Kuwe-ɓee ede nè: – Kuwe-ɓee, m’oo ser nyanra doo nè nga tà dooge bule. Majelé malang ke doo nè ra se njé ke lei ke tooi se ninn de ke kêm ɓee-bò ke Jérusalem nga géa, m’oo ta’n se mbi’m a tɔ.

Nyanra Njekawkulege 9:33

E inge dingem karé ke ri’n nè Enée. Dingem nè nga kêl ra’n wei tonrin ade tò nang dè tire ratur’t lo sɔsɔ.

Nyanra Njekawkulege 9:41

Pierre ule ji’n ade Tabitha uwe in’n dɔ. Pierre tel ɓar njétaakêm-Kristge se njékei-kingege ule’n ji de’t kumgajer.

Nje Ke Rome 1:7

Sei malang ke kêm ɓee-bò ke Rome nga Nube tár sei á ɓar sei kade sei dooge le’n ke i tooi se ninn si. Maje kade Bɔ jéi Nube se Kuwe-ɓee Jésu-Krist adi sei kêmnoje se kêmlom.

Nje Ke Ephese 1:1

Man Paul, njèkawkule le Jésu-Krist se go kem̂ndige le Nube. M’ndang magtub nè m’ade njé ke tooi se ninn de se njé ke awi kum de ke kété-kété de kundekem̂ dè Jésu-Krist’t [ke ndii kem̂ ɓee-bò ke Ephèse].

Nje Ke Philippes 1:1

Man Paul se Timothée, ɓer kulege le Jésu-Krist. Jè ndang magtub nè j’ade njé ke tooi se ninn de ke umi nan’t bɔk se Jésu-Krist. Jè ndang magtub nè nga j’ade njékɔr non dege se njékan dè nyange le njékebe nange le Nube ke ndii kem̂ ɓee-bò ke Philippes tɔ.