Nyanra Njekawkulege 9:31 - Nouveau Testament en Gulay 2004

³¹ Titeke bè á njékebe nange le Nube bere mbak ke ɓeekon ke Judée se Galilée a, se Samarie teli ndii se kêmlom. Njétaakêm-Kristge rai tɔge a, ilei koje dè Kuwe-ɓee a tɔ. Kɔr de in dè made’t ke kété-kété takul nain ke tɔgmong le Ndil-Kêmnda nain se de.

Nyanra Njekawkulege 9:31 ပူးပေါင်းရင်းမြစ်များ

Nyanra Njekawkulege 12:24

Loo ke ngar Hérode wei ɓá ɓaa, tà le Nube ra tɔge ke kété-kété a, taa loo pel-pel a tɔ.

Nyanra Njekawkulege 16:5

Njékebe nange le Nube rai tɔge dè kundekêm’t le de a, kɔr de in dè made’t ke kété-kété se ndɔge malang a tɔ.

Nyanra Njekawkulege 2:47

Dé pite Nube a, dé taa kum dooge ɗekm a tɔ. Njé ke ingei kaje nga, Kuwe-ɓee ade kɔr de in dè made’t se ndɔge malang dann njékebe nange’t le Nube.

Nyanra Njekawkulege 20:32

Ɗarinè, m’um sei ji Nube’t a, m’um sei dann tà kêmnoje’t le’n a tɔ. Tà kêmnoje le Nube nga asekum ra se sei kade ingei nyange malang ke Nube uwe dè nja unde konn tede le njétaakêm-Kristge malang.

Nyanra Njekawkulege 5:11

Njékebe nange le Nube bere mbak nga ɓel ra de ngain. Dooge malang ke tà nè oso mbi de’t nga géa, ɓel unde de ndàt gang de tɔ.

Nyanra Njekawkulege 6:7

Tà le Nube ra tɔge ke kété-kété a, kɔr njékuwe-gir-Jésuge in dè made’t ke kété-kété kêm ɓee-bò ke Jérusalem. Kos njékuje nyan-mesege bule géa, teli undei kêm de Kuwe-ɓee Jésu’t tɔ.

Nyanra Njekawkulege 8:1

Nè Saul ndige se de dè tɔl ke dé tɔl Etienne. Kêm ndɔn’t nè kuwe, d’unn gir kɔr njékebe nange le Nube ke kêm ɓee-bò ke Jérusalem kororoi. Njétaakêm-Kristge malang yali nan karé-karé se kêm ngann ɓeege ke ɓeekonge ke Judée se Samarie a tɔ. Nè njékawkulege kuwe á nain-in kêm ɓee-bò ke Jérusalem.

Nje Ke Rome 14:17

Kerɔte kuwe, konɓee le Nube nga tò tede nyankuse éké nyankain lé. Konɓee le Nube nga tò ɔje dè nyanra ke se dè naje’n a, se kêmlom a, se ranel ke Ndil-Kêmnda ade jèi.

Nje Ke Rome 14:19

Titeke bè, adi jè sangi go nyange ke à reei se kêmlom dann jéi’t. Adi jè sangi go nyange ke à ade kundekêm le jéi à ra’n tɔge ke kété-kété a tɔ.

Nje Ke Rome 15:13

Maje kade Nube ke j’undei kêm jéi tchên dènn’t ade sei ranel se kêmlom ke deri takul kêm si ke undei dènn’t nga. Titeke bè á kundekêm tchên le si à ra’n tɔge ke kété-kété se go tɔgmong le Ndil-Kêmnda.

Nje Ke Rome 5:5

kundekêm tchên nga á ile rasɔl dè jéi’t lé, tede Nube tár jéi ade Ndil-Kêmnda ree urkei kêm ɓengre jéi’t.

1 Nje Ke Corinthe 14:12

Sei géa, le si è titeke bè tɔ. Sei awi ndoo nyan-nojege le Ndil-Kêmnda. Bè ɓaa, i sangi ège ke à ade njékebe nange le Nube à rai tɔge kum de ke kété-kété.

1 Nje Ke Corinthe 14:26

A ɓaa, ngakonmge, ké tà ri á m’a tam ɓai wa? Loo ke sei i kebi nan ɓaa, maje kade doo karé dann si’t ɔse pa, doo karé à ndó nyan dooge éké doo karé ke rang à ribe dè tà ke tò loo ɓɔyɔn’t a, doo ke rang à tam tà tam dooge ke rang gai-gai éké doo karé ke rang à tel gir tà ke dé tam nè nga tɔ. Nè maje kade nyange nè malang awi se gonan-gonan tede kade kundekêm le dooge ra’n tɔge ke kété-kété tá.

2 Nje Ke Corinthe 10:8

Sei giri edi nè m’pite ra’m ngain dè tɔgmong ke Kuwe-ɓee ade jè nga. Tɔgmong ke Kuwe-ɓee ade jè nga è tede kade i tɔgi dè kundekêm’t le si. Kuwe-ɓee ade jè tɔgmong nè nga le kade jè ra’n sei ɓer j’ade i tujii lé.

2 Nje Ke Corinthe 12:19

Sei giri kêm si’t mari edi nè tàge ke j’ɔr nga, j’ɔr le taa’n dè jé tàkum si’t karè. Ḿ-m̀, jè j’ede sei tàge nè nga non Nube’t se go kêmndige le Krist. E tede kade kundekêm le si ɓeŠber’n kuwe karé á jè tam’n tàge nè malang.

2 Nje Ke Corinthe 13:10

M’ndi heb se si, nè né è bè géa m’ndang magtub m’ade sei ɔje dè nyange nè nga. M’ra titeke bè tede kade ndɔ ke m’a m’tee ra si’t pan ɓaa, m’inge loo ra se si ngang ngain lé. Tɔgmong ke Kuwe-ɓee ade’m nga, è tede kade m’ade kundekêm le si ɓeɓer’n m è tede kade m’tuju’n sei lé.

2 Nje Ke Corinthe 7:1

Ngakonmge, Nube kuwe unn ndu’n ade jèi titeke bè. Bè ɓaa, ade j’utei ra jéi mbeng dè nyange malang ke mine le danra a, le tàgir a tɔ. Adi jè tooi se ninn jéi tede jèi dooge ke jè ɓeli Nube.

Nje Ke Ephese 4:12

Jésu-Krist ra titeke bè le kade njétaakem̂-Kristge asikum rai kule le de ke ɔje dè de, dè de. Titeke bè á danra Krist à ra’n tɔge ke kété-kété dè kundekem̂’t.

Nje Ke Ephese 4:16

E takul’n è á ngire-rage ke gai-gai ndii tà nan’t ndeĵ-ndeĵ a, umi nan’t bɔk adi danra bere mbak uwe’n nan maje sem̂-sem̂ takul dè kur-rage. Ke nè á balkum ra karé-karé malang ra kule ke ɔje dè’n-dè’n ɓaa, danra bere mbak à ra tɔge ke kété-kété a, à ɓisir takul tár nan.

Nje Ke Ephese 4:29

Adi tà ke ete-se karé bè tee tà si’t lé. Maje kade adi tà ke maje ke à ade kundekem̂ le njé ke rang à ra tɔge ke kété-kété á adi tee tà si’t tede kade njé ke ooi ubei maje’n.

Nje Ke Ephese 5:21

Ulei dè si adi nan tede ɓel ke i ɓeli Ndil Krist nga.

Nje Ke Philippes 2:1

Ke nè á nyan gɔl kem̂ jéi ke j’umi nan’t bɔk se Krist tò a, ke nè á nyan ke ade kem̂ jéi oso nang pon dè tár nan’t tò a, ke nè á kum nan’t bɔk se Ndil-Kem̂nda tò a, ke nè á kan kumndoo le nan tò a, ke nè á ra kem̂kanm se nan tò dann si’t a tɔ ɓaa,

Nje Ke Colosses 1:10

Titeke bè á pa njiye si à uwe’n made nan se le Kuwe-ɓee kade i rai nyan ke kem̂’n ndige. Sei a i rai nyange ke se ri de-ri de a, ger gel Nube le si à in dè made’t ke kété-kété a tɔ.

1 Nje Ke Thessalonique 5:11

Gir’n ke nè á maje kade i ndeji nan a, ulei dingem kem̂ nan’t a tɔ, titeke i rai kété ɓá nga.

1 Timothee 1:4

M’adi i ndi kem̂ ɓee-bò ke Ephèse le kade in se doo ke nange dè liger dè sú tàge’t se dè kɔrgir kàge ke kété-kété anje kunde ngang’n. Kɔrgir kàge ke titeke bè nga oje tà najege m ade nyan ke Nube ɔje le kade doo inge se go kundekem̂ tee kɔde lé.

Hebreuge 4:9

Bè ɓaa, loo taa kebe ke get le kosdooge le Nube tò tutu. Loo taa kebe nè nga tò tite loo taa kebe le Nube ke njèkon’t ji sejimute nga bè.

Jude 1:20

Nè sei kotárge le’m ɓaa, sei kuwe ulei dingem kem̂ nan’t, awi kum si ke kété dè kundekem̂’t le si ke tò se ninn’n nga. Ɔji tà se Nube se go Ndil-Kem̂nda.