Nyanra Njekawkulege 9:29 - Nouveau Testament en Gulay 2004

²⁹ Saul ɔje tà se Juipge ke tami tà grec a, naje se de tà a tɔ. Nè ei nè nga sangi le kade dé tɔl’n.

Nyanra Njekawkulege 9:29 ပူးပေါင်းရင်းမြစ်များ

Nyanra Njekawkulege 11:20

Nè né è bè géa, njétaakêm-Kristge ke nange dann de’t ke in-in Chypre a, se Cyrène a, awi kêm ɓee-bò ke Antioche ilei mber Tà ke Maje le Kuwe-ɓee Jésu adi dooge ke ei Grecge tɔ.

Nyanra Njekawkulege 17:17

E ɔje tà se Juipge se njé ke ei Juipge lé ke ilei koje dè Nube’t kêm kei kebe nan’t. Se ndɔge malang, è ɔje tà se dooge ke inge de ndá-loo’t karè a tɔ.

Nyanra Njekawkulege 18:19

Loo ke ei reei risi nanga kêm ɓee-bò ke Ephèse ɓaa, Paul inye njémade-loo-kawge le’n. E aw kêm kei kebe nan’t ɔje tà se Juipge.

Nyanra Njekawkulege 19:8

Paul aw kêm kei kebe nan’t ede de tà se kêmnda káng. E ɔje se de tà ase nan mute ade kum Juipge gang dè Konɓee’t le Nube.

Nyanra Njekawkulege 22:18

«I tee kalang kêm ɓee-bò ke Jérusalem kɔke. Dookêmɓeege à taai tà le’m ke a ede de nga lé.»

Nyanra Njekawkulege 6:1

Kêm ndɔnge’t nè nga, kɔr njékuwe-gir-Jésuge in dè made’t ke kété kété. Juipge ke tami tà Grec ɓari Juipge ke njéɓeege tede loo ke à noboi nyankuse ɓaa, ei oréi dè njékei-kinge le Juipge ke dè ɓee’t nang se ndɔ de-ndɔ de.

Nyanra Njekawkulege 9:27

Barnabas ɔr non Saul aw se’n ra njékawkulege’t, è ede de ede nè: – Saul nga kété an Kuwe-ɓee rebe a, Kuwe-ɓee tam se’n tà a tɔ. Saul nda kêm’n káng ile mber Tà ke Maje se ri Jésu ade dooge ke kêm ɓee-bò ke Damas. Barnabas ɔr gir nyange nè titeke bè ade njékawkulege ooi njai.

Nyanra Njekawkulege 9:28

Unn gir kêm ndɔn’t nè nga, Saul ringe se njékawkulege kêm ɓee ke Jérusalem. E nda kêm’n káng ile mber Tà ke Maje se ri Kuwe-ɓee Jésu.

2 Nje Ke Corinthe 11:26

Dɔ-dɔ m’aw mba se nja’m, ba ayé kuwe’m a, njéɓog-ge umi man rebe le tɔli man, girkojege le’m sangi tɔli man, Juipge se njé ke ei Juipge lé sangi le tɔli man a tɔ. Dooge ke ndii kêm ɓee-bòge’t se njé ke ndii kêm dile’t géa sangi tɔli man a, ba-bò kate ayé kuwe’m a tɔ. Dooge ke rai ra de ke ngakonmge ke njétaakêm-Kristge sangi tɔli man a tɔ.

Jude 1:3

Kotárge le’m, m’in kalang m’ndang magtub nè m’ade sei ɔje dè kaje le jéi ke j’orèi nan dè’t nga. Gar-gar è tà le’m le ndang magtub kade sei kule’n dingem kem̂ si’t tede kade i rai rɔ dè kundekem̂’t. Kundekem̂ nga Nube ade njétaakem̂-Kristge nja karé bere ke ngang’n.

Jude 1:9

Michel ngar le dooge ke danrán nga, ndɔ ke gaki nan se sú dè ninn njèyo Moise’t. Michel ndige le gangtà dè sú’t lé a, ndige le taje’n lé a tɔ. Nè è ede sú ede nè: «Maje kade Kuwe-ɓee kuwe ndángi.»