Nyanra Njekawkulege 9:22 - Nouveau Testament en Gulay 2004

²² Nè Saul nda garang-garang se ndɔge malang de kundekêm’t le’n. E ede Juipge ke Damas ndàt titeke Jésu nga è Krist kerɔte kuwe.

Nyanra Njekawkulege 9:22 ပူးပေါင်းရင်းမြစ်များ

Tà ke Maje ke Luc ndang 21:15

Tede tà kumkunju ke m’a m’ule tà si’t nga, doo karé bè géa dann njébange’t le si asekum naje sei tà’t éké kile sei dè tà’t ndan lé.

Nyanra Njekawkulege 17:3

E ɔrgir unde non de’t tite ke Krist nga gar-gar nyankêmkon à ra’n a, à unde loo tee dann njé ke koo’t gar-gar a tɔ. Paul ede de ede nè: – Jésu-Krist ke man m’ede sei tà le’n nè nga, è kuwe á è Krist.

Nyanra Njekawkulege 18:5

Loo ke Silas se Timothée in-in kêm ɓeekon ke Macédoine reei ɓá ɓaa, Paul tel orè kum’n dè kɔrgirtà’t le Nube kuwe deri. E ede Juipge ndàt titeke Jésu nga è Krist kuwe.

Nyanra Njekawkulege 28:23

Paul se Juipge ɔji ndɔ tede tel kinge’n nan. Loo ke ndɔ nè ase deĵ ɓaa, Juipge reei ngain dum ke kété ingei nin kêm kei ndinn’t kuwe. Paul ɔrgir tà se ndɔgé sár loo sɔlé a, ile mber Konɓee le Nube nga ndàt ade de a tɔ. E uwe ra’n mong le kade kum de gang dè Jésu’t se go tà ke kêm magtub gute-ndu’t le Moise sár tee’n dè magtubge’t le njéribe-dè tàge ke tà Nube’t.

Nyanra Njekawkulege 9:20

Ke loon’t nè kuwe, è unn gir kile mber tà le Jésu kêm kei kebe nange’t titeke Jésu nga è Ngonn le Nube kerɔte kuwe.

Nyanra Njekawkulege 9:21

Dooge malang ke ooi tà le Saul nga, ndil de tee an-in soin-soin ade edi nè: – Ké è n’ee ke n’nda nè nga kuwe á n’ee njè ra kum njétaakêm-Kristge ke Jérusalem ndoo nè lé wa? Ké n’ree tede le tuwe de tɔ de kaw se de kade de maw njékuje nyan-mesege lé wa?

Nyanra Njekawkulege 9:23

Mbɔr go’t gugu ɓaa, Juipge ɔri nan tà le tɔl Saul kɔke.

Nyanra Njekawkulege 9:27

Barnabas ɔr non Saul aw se’n ra njékawkulege’t, è ede de ede nè: – Saul nga kété an Kuwe-ɓee rebe a, Kuwe-ɓee tam se’n tà a tɔ. Saul nda kêm’n káng ile mber Tà ke Maje se ri Jésu ade dooge ke kêm ɓee-bò ke Damas. Barnabas ɔr gir nyange nè titeke bè ade njékawkulege ooi njai.

1 Nje Ke Corinthe 1:27

Nè Nube tɔr nyange ke dooge an-in ke nyan mbe tede kile’n rasɔl dè njékumkunjuge’t a, è tɔr nyange ke tɔge de goto tede kile’n rasɔl dè njétɔgege’t a tɔ.

Nje Ke Galatie 1:18

M’ra ɓal mute ɓita m’tel m’aw kem̂ ɓee-bò ke Jérusalem le sang ger gel Céphas. M’ra ndɔ dɔg-gidé-mi rann’t.

Nje Ke Philippes 4:13

M’asekum ra nyange nè malang takul Krist tede è ade’m tɔge’m.

1 Timothee 1:12

Kuwe-ɓee le jéi Jésu-Krist ke ade’m tɔg’m nga, m’ra’n oiyo. M’ra’n oiyo tede è an’m ke doo ke ase kade um kem̂’n dèm’t á unde’m dè kule’t le’n.