Nyanra Njekawkulege 9:20 - Nouveau Testament en Gulay 2004

²⁰ Ke loon’t nè kuwe, è unn gir kile mber tà le Jésu kêm kei kebe nange’t titeke Jésu nga è Ngonn le Nube kerɔte kuwe.

Nyanra Njekawkulege 9:20 ပူးပေါင်းရင်းမြစ်များ

Matthieu 27:43

N’unde kêmé dè Nube’t tchên. Ke nè á tur’n tedé kerɔte ɓaa, maje kade taayé tà yo’t ɗarinè ade j’an, tede ndɔ ke n’tam n’ede nè: «Man m’ee Ngonn Nube.»

Matthieu 27:54

Loo ke njèkan dè njérɔge ke aru karé se njérɔge ke ngonmi Jésu se’n, ei an-in nang ke yei ɓuk-ɓuk se nyange ke teei nè nga ɓaa, ɓel unde ndàt gang dè ade tami edi nè: – Loo naje’n goto, doo nè nga è Ngonn Nube kerɔte kuwe.

Matthieu 4:3

E á njèkule kêm dooge age meen-meen ke rann’t ede nè: – Ke nè á i Ngonn le Nube kerɔte ɓaa, ade kuberi herge nè nga teli mapa ade use.

Jean 1:49

Nathanael tel tam ede nè: – Kuwe jé, i i Ngonn Nube a, i i Ngar le dooge ke kêm ɓeekon ke Israel a tɔ.

Jean 19:7

Juipge teli ilei Pilate dè’t edi nè: – J’aw se gute-ndu karé. Se go gute-ndu le jé nè nga ɓaa, d’a tɔlé gar-gar. Tede n’ee nga n’ra rayé ke Ngonn Nube kuwe njing.

Jean 20:28

Thomas tel ile Jésu dè’t ede nè: – Kuwe-ɓee le’m, Nube le’m.

Jean 20:31

Nè tà nyankɔbege ke dé ndang tà’n kêm Magtub’t nè nga, è tede le kade awi kum si ke kété dè kunde kêm si dè Krist’t titeke è Ngonn Nube nga kuwe. Ke nè á undei kêm si dènn’t ɓaa, a ingei ndikumgajer se non takul ri’n è.

Nyanra Njekawkulege 13:14

Paul se Barnabas in-in Perge awi teei kêm ɓee-bò ke Antioche, ɓeekon ke Pisidie. Ndɔ taa kebe ɓaa, ei awi kêm kei kebe nan’t ndii nang le koo tà.

Nyanra Njekawkulege 13:33

è ra nyan’n ade jèi ngannkà dege ɗarinè. E ade Jésu unde loo tee loo yo se go tà ke dé ndang kêm magtub Pa ke njèkon’t joo ede nè: «I i Ngonn’m, ɓila man m’oji.»

Nyanra Njekawkulege 13:46

Paul se Barnabas ndai kêm de káng edi de ndàt edi nè: – E sei Juipge á né j’ayé kede sei tà le Nube nga desêin. Nè sei utei tà nè nga mbeng a, an-in ra si ke dooge ke asi ndii kumgajer se non lé. Gir’n ke nè á, ɗarinè j’a tel tur kum jé ke ra njé ke ei Juipge lé tá ta.

Nyanra Njekawkulege 13:5

Loo ke awi teei kêm ɓee ke Salamine ɓaa, ei ilei mber tà le Nube kêm kei kebe nange’t le Juipge kuwe kété. Jean-Marc aw se de le ra se de dè kule ke nange.

Nyanra Njekawkulege 14:1

Paul se Barnabas awi kêm kei kebe nan’t le Juipge titeke kété rai kêm ɓee-bò ke Antioche, ɓeekon ke Pisidie. Ei tami tà adi nunge tchanm adi dooge. Dooge ngain dann Juipge se njé ke ei Juipge lé teli njétaakêm-Kristge.

Nyanra Njekawkulege 16:13

J’unde loo jè tee nata kêm ɓee’t se ndɔ taa kebe, j’aw kum jé ke tà ba’t. Jè gir kêm jé’t kété j’ede nè bainléa j’à j’inge loo karé ke deri le kɔje’n tà se Nube tà ba’t nè nga. Nyan ra maje ade j’inge mate dinyege ke ndii à kebi nan loo’t nè nga tɔ. Jè tel jè ndi nang j’ede de tà.

Nyanra Njekawkulege 17:10

Ke loon’t nè kuwe, njétaakêm-Kristge ulei se Paul se Silas ndɔɔ kêm ɓee-bò ke Bérée. Loo ke Paul se Silas teei nú ɓaa, ei awi kêm kei kebe nan’t le Juipge.

Nyanra Njekawkulege 17:17

E ɔje tà se Juipge se njé ke ei Juipge lé ke ilei koje dè Nube’t kêm kei kebe nan’t. Se ndɔge malang, è ɔje tà se dooge ke inge de ndá-loo’t karè a tɔ.

Nyanra Njekawkulege 17:2

Paul aw inge Juipge kêm kei kebe nan’t titeke è ra’n kété-kété. E ndi se de kei kebe nan’t bè-bè ase nja mute, è naje se de tà dè magtubge ke tooi se ninn de.

Nyanra Njekawkulege 18:19

Loo ke ei reei risi nanga kêm ɓee-bò ke Ephèse ɓaa, Paul inye njémade-loo-kawge le’n. E aw kêm kei kebe nan’t ɔje tà se Juipge.

Nyanra Njekawkulege 18:4

Se ndɔ taa kebe karé-karé malang, Paul aw ɔje tà se njé ei Juipge se njé ke ei Juipge lé a tɔ, kêm kei kebe nan’t. E sang le kade kum de gang dè tà’t le Nube.

Nyanra Njekawkulege 19:8

Paul aw kêm kei kebe nan’t ede de tà se kêmnda káng. E ɔje se de tà ase nan mute ade kum Juipge gang dè Konɓee’t le Nube.

Nyanra Njekawkulege 8:36

Dé joo mbak d’uwe rebe le de ɗêk-ɗêk d’a d’aw. Nè mbɔr ɓaa, dé ree dé tee tà mann karé’t pan. Ke loon’t nè kuwe, doo ke Ethiopie nga tam se Philippe ede nè: – An! mann á tò nè. Ké ri á à ɔgi kule’m manné njonm wa? [

Nyanra Njekawkulege 8:37

Philippe tel ede njèkuju nè nga ede nè: – Ke nè á i um kêmi dè tà’t nè bɔk-bɔk kerɔte ɓaa, nyan ke à ɔgi loo’n goto. Njèkuju tel ile Philippe dè’t ede nè: – Oiyo, m’um kêm’m dè Jésu-Krist’t titeke è nga è Ngonn Nube kerɔte.]

Nyanra Njekawkulege 9:22

Nè Saul nda garang-garang se ndɔge malang de kundekêm’t le’n. E ede Juipge ke Damas ndàt titeke Jésu nga è Krist kerɔte kuwe.

Nje Ke Rome 1:4

Dé ger’n ke Ngonn le Nube se go Ndil-Kêmnda. Nube ade’n tɔgmong ade unde’n loo tee’n dann njé ke koo’t.

Nje Ke Galatie 1:16

Nube ade kum’m gang dè Ngonnenn’t tede kade m’ile mber tà le’n made dooge ke ei Juipge lé. Ke loon’t nè kuwe m’aw ra doo karé’t bè m’deje’n tà lé.

Nje Ke Galatie 2:20

Man nga, dé tɔl’m kade kage-ke-dese’t se Krist’t nan’t. Ke nè á m’ndi kumgajer ɓai ɓaa, è man lé ta, nè è Krist á ndi kumgajer kem̂’t. Ke nè á danra’m ndi kumgajer ɗarinè ɓaa, è tede kem̂’m ke m’unde dè Ngonn le Nube ke tár’m. Ngonn le Nube inye ra’n ade yo tede’m.

Lookilera’n 2:18

«I ndang magtub nè ade doo ke danrán ke njèkan dè njékebe nange le Nube ke kem̂ ɓee-bò ke Thyatire. Ngonn le Nube ke kum’n taa por bilm-bilm tite ndon por bè a, nja’n ndoin tite ninge-kase a tɔ nga, tam ede nè: