Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Nyanra Njekawkulege 9:17 - Nouveau Testament en Gulay 2004

17 Ananias in aw kêm kei go Saul’t ɓaa, è unde ji’n dènn’t ede’n ede nè: – Ngokon’m Saul, Kuwe-ɓee Jesu ke kété tee dèi’t pan rebe ke a i ree’n nga ule’m le kade i tel an loo a, le kade Ndil-Kêmnda taa kêmi pel-pel a tɔ.

အခန်းကိုကြည့်ပါ။ ကော်ပီ




Nyanra Njekawkulege 9:17
36 ပူးပေါင်းရင်းမြစ်များ  

Dooge reei se ngannge ra Jésu’t le kade ile ji’n dè de’t a, le kade tɔr ndu’n dè de’t a tɔ. Nè njékuwe-girnge in-in se njé ke reei se ngannge nè nga.


E ndête Jésu ɓɔk-ɓɔk ede nè: – Ngar, ngonn’m ke dinye tò tà yo’t. M’deji le kade i ree ile jii dènn’t aje’n ade’m, m inye’n ade wei lé.


Jésu asekum ra nyankɔbe karé bè kêm ɓee ke Nazareth’t nga lé. Nè né è bè géa, è ɔr ratur ra dooge ke nange.


Loo ke Elisabeth oo ndu Marie ke ra’n lapya ɓaa, ngonn ke kêmn’t unn gir tɔse’n gùl-gùl. Ke loon’t nè kuwe Ndil-Kêmnda taa kêm Elisabeth pel-pel.


Ndil-Kêmnda taa kêm Zacharie bɔ ngonn nè nga pel-pel ade ɔr’n gir nyan ke Nube tɔje’n ede nè:


Ngonn nè nga d’a ɓar’n njèribe-dè-tà ke tà Nube’t ke njè dum dè nyange malang. Ngonn nè nga à njiye non Kuwe-ɓee’t le gɔl rebege le’n ke à ree’n.


Nè ngonni ke nda nè ke njètuju nyange lei malang dè kaiya-dinyege’t tel ree dɔ ɓaa, i ade dé tɔl dalu-mang ke er lɔt-lɔt tede tà le’n.»


Gar-gar è tà le jé le kade j’ade dé ra mur tête tà ɓee kade j’ali ra jéi. Tede ngokoin ke nda nè nga man m’an’n ke doo ke wei ɓá, nè è tel tɔse ndel; man m’an’n ke doo ke ndem oso kɔke nè m’tel m’inge’n.»


Ɓila d’oje njèkaje sei kêm ɓee’t le ngar David. E nè nga à è Kuwe-ɓee a, Krist a tɔ.


Jésu-Krist nga, è Kuwe-ɓee le Juipge se dooge ke rang malang. E è kuwe á ndɔ ke Nube ule’n ra kosdooge ke Israel ade ile mber Tà ke Maje le kêmlom ade de.


D’ɔge kêm de ɓo a, d’an-in mann lé a tɔ d’ɔje’n tà se Nube kuwe ɓai. Go’t gugu, d’unde ji de dè’t ɓita d’inye de d’ade ɔti awi ɓai.


Nè né è bè géa, njékuwe-gir-Kristge ndii se ranel a, Ndil-Kêmnda taa kêm de pel-pel a tɔ.


Paul ile ji’n dè de’t ɓaa, Ndil-Kêmnda ree dè de’t. D’unn gir tam tà tam dooge gai-gai a, dé ribe dè tàge ke in tà Nube’t a tɔ.


Dé malang, Ndil-Kêmnda taa kêm de pel-pel ade d’unn gir tam tà tam dooge ke rang gai-gai se go tà ke Ndil ade de le kade dé tam.


Loo ke ngatɔgege ooi tàge nè nga bè ɓaa, ei ulei ndubra dè Nube’t, taɓai edi Paul edi nè: – Ngokon jé an! Juipge aru dɔg loo bule teli ei njétaakêm-Kristge. Nè né è bè géa, ei malang uwei gute-ndu ji de joo.


M’tel m’deje’n m’ede nè: «Kuwe-ɓee, ké i nan wa?» Kuwe-ɓee tel ile’m dè’t ede nè: «Man m’ee Jésu ke i ɔr’n kororoi nga.


Loo ke d’ɔje tà se Nube titeke bè gir gang ɓá ɓaa, loo ke dé kebe nan tutu ule yirk-yirk. Ndil-Kêmnda taa kêm de pel-pel malang ade d’ile mber tà le Nube se kêmnda káng.


Dé ree se dooge nè nga, d’unde de non njékawkulege’t. Njékawkulege ɔji tà se Nube tede tà le dooge ke d’ɔr de nè ɓita undei ji de dè de’t ɓai.


Gir’n ke nè á Pierre se Jean undei ji de dè dooge’t ade ingei Ndil-Kêmnda.


Ke loon’t nè kuwe, ginde nyan tee kum Saul’t toso nang tite ngɔ nyan bè ade tel an loo njai-njai. E ɔse nang in dɔ ade d’ule’n manné njonm ke loon’t nè.


Gir’n ke nè á uwei nan ke ra si’t titeke Krist uwe’n sei ke rann’t tede riɓar le Nube.


Adam doo ke desêin nga, è nduju nang á Nube ube. Nè Adam ke njèkon’t joo nga in danrán.


Man ke m’ee tite ngonn ke d’ɔr’n bè dann de’t nga géa, m’an’n m’utu’n go de malang.


Ké m’di dè’m pal le ra nyan ke kêm’m ndige lé wa? Ké man nga m’ee njèkawkule lé wa? Jésu Kuwe-ɓee le jéi nga, ké ndɔ ke m’an’n se kum’m lé wa? Ké sei sei kann kule ke m’ra m’ade Krist nga lé ɓai wa?


Nyan-noje ke Ndil-Kem̂nda uwe’n sei noje nga i tɔse kumi dè’t maje. Nyan-noje nè nga ndɔ ke inge se go tà ke in tà Nube’t loo ke ndɔ ke ngatɔgege kebi nan ilei ji de dèi’t.


In kalang ile ji dè doo’t tede kum’n kule kɔr non njékebe nange le Nube jinn’t lé. Um nan’t se doo ke rang dè majelége’t le’n lé. I kuwe an go rai sêw-sêw.


Gir’n ke nè á m’olé’n kem̂i le kade i tel ule por gir nyan-noje ke Nube adi loo ke ndɔ ke m’ile’n ji’m dèi’t nga.


Tel ke i tel inge’n nga, maje kade an’n asenan se ɓer karè lé ta, nè è soo’t dum ɓer. Maje kade ɗarinè ɓaa i an’n ke kotár le’m man kuwe mbain. I géa, maje kade an’n ke kotár lei gir danra’t a, è kotár lei ke njètaakem̂-Krist madi.


Nyan-ndó ke ɔje dè kule doo manné njonm éké kile ji dè doo’t éké kunde loo tee dann njé ke koo’t éké gangtà ke se non ke a tò sár se non nga, dé ndó sei kété ɓá m j’à tel ke dè’t ɓai-ɓai lé ta.


An-in! kem̂kile le Kuwe-ɓee Nube nga á è gir kaje le si. E ke nè á è tà ke ndɔ ke ngokon jéi Paul ke è kotár le jéi ndang’n magtub ede’n sei tà nè ɓá. E ede sei tà nè se kumkunju ke Nube ade’n.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ