Nyanra Njekawkulege 9:16 - Nouveau Testament en Gulay 2004

¹⁶ Doo nè nga, man kuwe m’a m’tɔje’n nyankêmkonge malang ke à inge tede ri’m gar-gar.

Nyanra Njekawkulege 9:16 ပူးပေါင်းရင်းမြစ်များ

Matthieu 24:9

D’a tuwe sei ra kum si ndoo a, d’a tɔl sei a, dooge ke geri Nube lé à ɔri sei njêt a tɔ, tede ri’m man ke m’ee Ngonn doo nga.

Matthieu 5:11

Loo ke dooge à taji sei a, a rai kum si ndoo a, a teti tàge ke majelé gai-gai kundei tà si’t tede k’ee ke sei njékuwe-girmge nga ɓaa, adi ra si nel sei.

Jean 15:20

Adi kêm si olé dè tà ke kété m’ede sei’t nga: «Ɓer bòi dum dè kuwe’n lé.» Ke nè á dooge rai kum’m ndoo ɓaa, sei géa à rai kum si ndoo tɔ. Ke nè á ei an-in dè tà le’m sêw-sêw ɓaa, sei géa à an-in dè tà le si sêw-sêw tɔ.

Nyanra Njekawkulege 14:22

Njétaakêm-Kristge ke ndii kêm ɓee-bòge’t nè nga, Paul se Barnabas ulei dingem kêm de’t a, ndeje de kade awi kum de ke kété dè kundekêm de dè Nube’t le de. Taɓai ei edi de edi nè: – Gar-gar nyantosowurge à ra jèi ngain ɓita j’à j’awi kêm Konɓee’t le Nube ɓai.

Nyanra Njekawkulege 21:11

Agabus unn ndar dɔ dè kubu le Paul tɔ’n nja’n se ji’n ede nè: – Ooi tà ke Ndil-Kêmnda tam: Doo ke ndar dɔ dè kubu le’n tò nè nga, Juipge ke kêm ɓee-bò ke Jérusalem à tɔɔi nin titeke bè le kulei nin ji dooge ke ei Juipge lé.

Nyanra Njekawkulege 21:13

Ke loon’t nè kuwe, Paul deje de ede nè: – Ké tede ri á i non-in adi ɓengre’m ayé gang’n dɔs wa? Man m’uwe dè nja ra’m le kade dé tɔɔ’m á go karé lé, nè m’uwe dè nja ra’m le kwei tede ri Kuwe-ɓee Jésu kêm ɓee-bò ke Jérusalem.

Nyanra Njekawkulege 21:4

J’inge njétaakêm-Kristge kêm ɓee-bò ke Tyr. Jè ndi se de ase ndɔ ji sejimute. Ndil-Kêmnda ɔse njétaakêm-Kristge nè nga balang ade edi Paul le kade aw kêm ɓee-bò ke Jérusalem lé.

Nyanra Njekawkulege 9:14

Maw njékuje nyan-mesege unni ndu de adii le kade tuwe dooge malang ke ɓari rii le tɔ de. E ke nè á è gir ree le’n.

Nyanra Njekawkulege 9:6

Ɔse nang in aw kêm ɓee-bò’t ɓaa, d’a d’edi nyan ke i a i ra nga gar-gar.

2 Nje Ke Corinthe 6:4

Nè se loo malang jè tɔje ra jé j’ade dooge an-in jè ke ngann njékulege le Nube. Gir’n ke nè á j’oré’n tà jé nják-nják dè nyantosowurge se dè nyan ke nal jè a, se dè nyan ke ra jè ɓel a tɔ.

1 Nje Ke Thessalonique 3:3

Jè ra titeke bè le kade nyantosowurge ke rai jèi nè nga yei doo karé géa dann si’t lé. Sei kuwe i geri mbak titeke nyantosowurge nè nga è nyan ke Nube ɔje’n dè jéi.

2 Timothee 1:12

E tede è ke nè á m’ndii’n dann kem̂konge’t nè nga. Nè m’ade ra’m sɔl’m lé; m’nda kem̂’m káng tede m’ger Jésu ke m’unde kem̂’m dènn’t nga mbak; m’ger kem̂’t mbak tite è asekum le ngonm nyan ke um jim’t nga sár ndɔ ke ngeinn’t.

2 Timothee 3:11

M’oré tà’m njak dann nyantosowurge se nyankem̂konge ke ndɔ ke teei dèm’t kem̂ ɓee-bò ke Antioche ɓeekon ke Pisidie, se Iconium se Lystre a tɔ. Ké nyantosowurge ke rage á ndɔ ke kété rai man lé wa? Nè ndɔ ke Kuwe-ɓee ɔr’m dann nyantosowurge’t nè nga malang.

1 Pierre 4:14

Ke nè á dé taje sei tede ri Krist ɓaa, i rai ranel tede Ndil Nube ke njè ndubra nain se si.

Lookilera’n 1:9

Man m’ee ngokon si Jean á m’ndang magtub nè. M’um se Jésu nan’t bɔk tite si sei tɔ. Man nga m’ee made ɓee le si ɔje dè konɓee le Nube. Nyantosowur ke ra sei á oréi tà si njak i ndii nginei ndɔ tel ree le Krist nga, man géa ra’m se si tɔ. Man Jean nga d’uwe’m d’aw se’m d’ile’m dè goré loo ke ri’n nè Patmos tede tà le Nube ke ndɔ ke m’ile mber’n a, tede tà le Jésu ke ndɔ ke m’ɔrgo a tɔ.