Nyanra Njekawkulege 9:15 - Nouveau Testament en Gulay 2004

¹⁵ Nè Kuwe-ɓee tel ede Ananias ede nè: – Aw, tede doo nè nga è nyan ra kule ke man m’ɔr’n le kade unn ri’m ase’n loo non dooge ke ei Juipge lé a, se non ngar-ɓeege a, se non kos ngann Israelge a tɔ.

Nyanra Njekawkulege 9:15 ပူးပေါင်းရင်းမြစ်များ

Matthieu 10:18

D’ade kali sei kaw se si non njékonɓeege’t se non ngarge ke bò tede tà le’m. Bè ɓaa, ɔri go tà le’m adi de a, adi dooge ke ei Juipge lé a tɔ.

Jean 15:16

E sei á ɔri man lé, nè è man á m’ɔr sei m’unde sei tede kade awi a, anni se kann si a, tede kade kann si tò tutu a tɔ. Titeke bè á nyan malang ke sei deji Bɔ’m se ri’m nga, à ade sei kuwe.

Nyanra Njekawkulege 13:2

Ndɔ karé bè, d’ɔge kêm de ɓo a, d’an-in mann lé a tɔ. Loo ke dé ndi d’a d’ɔje tà se Nube ɓaa, Ndil-Kêmnda ede de ede nè: – Ɔri Barnabas se Saul undei de se ninn de adi man ɔje dè kule ke m’ɓar de tede nga.

Nyanra Njekawkulege 21:19

Loo ke Paul ra de lapya ɓá ɓaa, è unn gir kɔr ser nyange karé-karé malang ke Nube ade ra dann dooge ke ei Juipge lé nga ade d’oo.

Nyanra Njekawkulege 22:14

Ananias ede’m ede nè: «Nube le kà jéige ɔri kété mari bere le kade i ger nyan ke kêm’n ndige. E ɔri le kade an njèra nyan se dè naje’n karé bere se kumi a, le kade oo tà tànn’t a tɔ.

Nyanra Njekawkulege 22:21

Kuwe-ɓee tel ede’m ede nè: «Aw, tede è man kuwe á m’a m’ulei heb ke ra dooge ke ei Juipge lé.»

Nyanra Njekawkulege 25:22

Ngar Agrippa ede Festus ede nè: – Doo nè nga, man géa m’ndige koo tà le’n tɔ. Festus ede ngar Agrippa ede nè: – Barè nga kuwe a oo tà le’n karè.

Nyanra Njekawkulege 26:1

Agrippa ede Paul ede nè: – M’inye loo m’adi kade i tam tà dè rai’t. Paul ɔr jikon’n ule dɔ tá tam’n tà dè rann’t ede nè:

Nyanra Njekawkulege 26:32

Nè Agrippa ede Festus ede nè: – Ke nè á nè doo nè nga deje le kaw non César’t nú lé ɓaa, né j’à j’inyei nin dɔɔ.

Nyanra Njekawkulege 27:24

«Paul, i ɓel lé. Gar-gar a i nda non njèkonɓee’t kêm ɓee-bò ke Rome. An! dooge malang ke ndii sei nan’t kêm bato’t nga, Nube à aje de takuli i.»

Nyanra Njekawkulege 28:17

Ndɔ ke njèkon’t mute, Paul ule kule ɓar njékɔr non Juipge le kade reei ingei nin. Loo ke ei ɔsi nja nan reei ingei nin ɓá ɓaa, è ede de ede nè: – Ngakonmge, m’ra nyan karé bè m’ute’n kosdooge éké nyangirkà le kà jéige mbeng lé. Nè né è bè géa, d’uwe’m d’ile’m dangai’t Jérusalem nú sár ɗarinè d’ule’m ji dooge ke Rome nè ta.

Nyanra Njekawkulege 28:28

Ooi maje, tà kaje le Nube nga ule’n ade njé ke ei Juipge lé: ei ɓaa, uri mbi de ooi. [

Nje Ke Rome 1:1

Man Paul, ɓer kule le Jésu-Krist, Nube ɓar’m unde’m ke njèkawkule. Nube unde’m se ninn’n le kade m’ee njèkile mber Tà ke Maje le’n.

Nje Ke Rome 1:5

Takul Krist á Nube uwe’n se jé noje ade j’ee’n njékawkulege le kade girkoje dooge malang undei kêm de dènn’t a, ilei riɓar dènn’t a tɔ.

Nje Ke Rome 11:13

E sei ke sei Juipge lé á ɗarinè m’a m’ade sei tà nè: Man m’ee njèkawkule le dooge ke ei Juipge lé. M’unn tà kule nè ngain tede è kule ke bò ke Nube ade’m.

1 Nje Ke Corinthe 15:10

Nè takul kêmnoje le Nube á m’tel m’ee’n njèkawkule le’n. Noje ke Nube uwe se’m nga è se ndáng karè lé. M’ra kule m’ɔr yàl-yàl dum njékawkulege ke rang malang. Kerɔte kuwe, è tɔg le’m man á m’ra’n kule nè nga lé, nè è noje ke Nube á uwe se’m.

1 Nje Ke Corinthe 9:16

Tà ke Maje ke m’ile mber’n nga, è nyan ti ra lé. E nyan ke d’unde dèm’t kade m’ra gar-gar. Ke nè á m’ile mber Tà ke Maje nga lé ɓaa, m’a m’an ɓai.

Nje Ke Galatie 1:1

Kule ke man Paul m’ndi m’ra nga, gir’n in ra dooge’t éké doo karé á ade’m lé. Nè man m’ee njèkawkule se go kem̂ndige le Jésu-Krist se Bɔ’n Nube ke njè kade unde loo tee dann njé ke koo’t nga.

Nje Ke Ephese 3:1

E tede è ke nè á man Paul m’ee’n dangai le Jésu-Krist tede le si sei ke sei Juipge lé nga.

1 Timothee 2:7

E tede kɔrgo tà nè á Nube ɔr’m unde’m ke njèkile mber a, ke njèkawkule a tɔ. Man nga Nube ɔr’m unde’m ke njèndó nyan dooge ke ei Juipge lé kade undei kem̂ de dènn’t a, dè ngarankum tà’t a tɔ.

2 Timothee 1:11

Man nga Nube ɔr’m unde’m ke paja mber Tà ke Maje nè nga. Nube ɔr’m unde’m ke njèkawkule a, ke njèndó nyan dooge ke ei Juipge lé a tɔ.

2 Timothee 2:4

Njèrɔ ke rara ke aw ke loo rɔ’t nga à ndɔje ra’n tede nyange ke rang ke è inye goon’t gugu nga lé ta. Titeke bè á à taa’n kum kuwe’n ke njèkan dè njérɔge.

Lookilera’n 17:14

D’a d’um nan’t bɔk le rɔ se Ngonn bate, nè è à tête de rɔ; tede Ngonn bate nga è Kuwe-ɓee ke on kuwe-ɓeege a, è Ngar ke on ngarge a tɔ. Ngonn bate se njé ke le’n ke è ɓar de, tɔr de a, ke undei kem̂ de dènn’t a tɔ nga, à têti de rɔ.»