Nyanra Njekawkulege 8:9 - Nouveau Testament en Gulay 2004

⁹ Dingem karé ke njè mbeli ri’n nè Simon, ndɔ ke ndi kêm ɓee-bò’t nè nga. E ra nyan mbelige ade ndil kosdooge ke Samarie tee an-in soin-soin. Simon nga an ra’n ke doo ke bò ngain.

Nyanra Njekawkulege 8:9 ပူးပေါင်းရင်းမြစ်များ

Jean 7:18

Doo ke in se dè’n tam tà nga, sang riɓar ke ɔje dè’n è kuwe. Nè doo ke sang riɓar ke ɔje dè njèkule’n nga ɓaa, è ngarankum doo kerɔte kuwe. Nyanra ke nal naje’n karé bè géa goto rann’t.

Nyanra Njekawkulege 13:6

Loo ke dé d’unde dè goré loo bere mbak dé gang d’aw sár dé tee kêm ɓee ke Paphos. Loo ɓee’t nè, d’inge dingem karé bè ke njè mbeli. Dingem nè nga ri’n nè Bar-Jésu. Doo nè girkoje’n è Juip nè è ra ra’n ke njèribe-dè-tà ke tà Nube’t.

Nyanra Njekawkulege 13:8

Bar-Jésu ke njè mbeli nga ri’n karé ke rang ke se tà Grec è Elimas. E ute Barnabas se Saul mbeng tede è sang rebe le kɔge njèkonɓee kunde kêm’n dè Jésu’t.

Nyanra Njekawkulege 5:36

Adi kêm si olé dè Theudas’t, tede ndɔ ke kété è ɔse nang in tam ede nè: n’ee kuwe n’ee doo ke bò. Gir’n ke nè á dingemge aru sɔ umi nan goon’t mbuu. Nè loo ke dé tɔl’n mbeng kɔke ɓá ɓaa, dooge ke goon’t yali nan karé-karé malang ade nyan le’n ke unde gir nga tel è nyan ke karè.

Nyanra Njekawkulege 8:11

Dooge uri mbi de ngaw njêt ke ra Simon’t tede nyan mbelige ke è ra mari bere nga ade ndil de tee an-in.

2 Nje Ke Thessalonique 2:4

Ngonn le njè tuju se non à kɔse nang kin, nyange malang dooge dɔyi nin éké nyan malang ke è ngarankum nyan ke dooge ilei koje dè’t nga, è à ute mbeng. Taɓai è à ndige le kaw sár ndi kem̂ kei ke tò se ninn’n le Nube, à ra ra’n ke Nube gée ɓai a tɔ.

2 Timothee 3:2

Dooge à ei njé tɔse kum de dè ra de ei’t kuwe a, à ei njé ndige narge a, à ei njé tɔje ra dege a, à ei njé ti ra dege a, à ei njé taje Nubege a, à ei njékaltà tà njé koje dege’t a, à ei njé tel ra oiyoge lé a, è k’ei njé kile rasɔl dè loo ke tò se ninn’t nga a tɔ.

2 Timothee 3:5

Kem̂ ndɔge ke ngeinn’t nga, dooge à rai ra de ke njékile koje dè Nube’t, nè à ei njé naje se ra de dè tɔgmong’t le Nube. Dooge ke titeke bè nga, ute rai mbeng ra de’t kɔke.

2 Pierre 2:18

Njé tête tà kunde tà Nube’t nè nga leŝi dooge ke nange ilei de dann ngur nyange ke pás-pàs se tàge ke raikarè ke oji nan tà de’t pɔt-pɔt. Njé ke dé leŝe de d’ile de dann ngur nyange ke pás-pàs nè nga, ei dooge ke ɔri ra de dann njé ndemge’t ngɔr nè ɓai.

Lookilera’n 22:15

Nè njé ra nyan rasɔlge se njé ra nyan mbelige se njé tò se nan ke kaiya’tge se njé tɔl dooge se njé polé magege a, se njé ndige tà lanm éké tami tà lanm se ndɔ de, ndɔ de a tɔ nga, à nain-in gide ɓee-bò’t nata.