Nyanra Njekawkulege 8:40 - Nouveau Testament en Gulay 2004

⁴⁰ Nè Philippe ɓaa an ra’n kêm ɓee ke Azot nú. E ile mber Tà ke Maje dɔ-dɔ se kêm ɓee-bòge malang ke è dere tutu sár tee’n ɓee-bò ke Césarée.

Nyanra Njekawkulege 8:40 ပူးပေါင်းရင်းမြစ်များ

Nyanra Njekawkulege 10:1

Dingem karé bè ndi kêm ɓee-bò ke Césarée, ri’n nè Corneille. E njèkan dè njérɔge ke aru karé. Njérɔge nè nga ei njérɔge le ɓeekon ke Italie.

Nyanra Njekawkulege 10:24

Ndɔ ke rang ke njè kutu go made ɓaa, dé tee kêm ɓee-bò ke Césarée. Corneille ɓar njénojege le’n se madennge ke è tár de ngain ndii nginei de tchên.

Nyanra Njekawkulege 11:11

An-in! ke loon’t nè kuwe, dingemge mute reei ndai tà kei mba’t le’m. Dingemge nè nga in-in kêm ɓee-bò ke Césarée á d’ule de ram’t.

Nyanra Njekawkulege 12:19

Ngar Hérode Agrippa ade dé sang Pierre patkann nè d’inge’n lé. E ɓar njérɔge ke ngonmi Pierre dangai’t deje de tà’n. Go’t gugu, è ade d’aw se de dé tɔl de ɓita in kêm ɓeekon ke Judée aw kêm ɓee-bò ke Césarée le ndi tutu mbɔr ɓai.

Nyanra Njekawkulege 18:22

E ree rise nanga kêm ɓee-bò ke Césarée. E aw ra lapya njékebe nange le Nube ke kêm ɓee-bò ke Jérusalem ɓita in aw kêm ɓee-bò ke Antioche ɓai.

Nyanra Njekawkulege 21:16

Njétaakêm-Kristge ke nange ke Césarée danni jè awi se jé kêm kei le doo karé bè ke ri’n nè Mnason le kade jè tò tutu. Mnason nè nga è njètaakêm-Krist ke mari, ɓee koje’n è Chypre.

Nyanra Njekawkulege 21:8

Loo ke ra ndɔ joo go’t ɓaa, jè tel j’aw kêm ɓee-bò ke Césaree. Go’t gugu ɓaa, j’aw jè ndi kêm kei le Philippe njèkile mber Tà ke Maje. Philippe nga, è è ke karé dann dooge ke ji sejimute’t ke ndɔ ke d’ɔr de ke njékan dè nyange le njékebe nange le Nube.

Nyanra Njekawkulege 23:23

Ke loon’t nè kuwe njèkan dè njérɔge ke aru dɔg ɓar njékan dè njérɔge ke aru karé joo ede de ede nè: – Uwei dè nja njérɔge aru joo a, njé sindege kɔr-ji sejimute a, njérɔge se ningege aru joo a tɔ. Adi ei malang ndii dè nja de’t tchên le kade awi kêm ɓee-bò ke Césarée se kàde ke jisɔ-jimi ke ndɔɔ.

Nyanra Njekawkulege 23:33

Loo ke njé sindege teei kêm ɓee-bò ke Césarée ɓá ɓaa, ei adi magtub njèkonɓee a, ei ulei Paul jinn’t a tɔ.

Nyanra Njekawkulege 25:1

Loo ke d’unde Festus dè kutu-ngar’t ra ndɔ mute ɓaa, è in Césarée aw Jérusalem.

Nyanra Njekawkulege 25:13

Ase ndɔ bule go’t gugu, ngar Agrippa se Bérénice reei Césarée le rai lapya Festus.

Nyanra Njekawkulege 25:4

Nè Festus ile de dè’t ede nè: – Paul nga, dé ngonm’n dangai’t Césarée nú. Man géa, nain ngɔr ɓaa m’a m’tel kaw gugu nú.

Nyanra Njekawkulege 25:6

Festus ra se de ndɔ sɔsɔ éké ndɔ dɔg ɓita è tel ree Césarée ɓai. Barè lookar’n, è ndi loo gangtà’t. E unn ndu’n ade dé ree se Paul.

Nyanra Njekawkulege 8:25

Loo ke Pierre se Jean ɔri go tà le Kuwe-ɓee a, ilei mber tà le’n ɓá ɓaa, ei teli awi kêm ɓee-bò ke Jérusalem. Pierre se Jean ilei mber Tà ke Maje se kêm ngann ɓeege gai-gai ke kêm ɓeekon ke Samarie.

Nyanra Njekawkulege 9:30

Nè loo ke njétaakêm-Kristge ooi tà nè bè ɓaa, ei ɔri non Saul awi se’n kêm ɓee-bò ke Césarée adi tel aw ɓee le’n Tarse.

Nje Ke Rome 15:19

se go tɔgmong le nyankɔbege se nyange ke dum kum a, se go tɔgmong le Ndil-Kêmnda a tɔ. Titeke bè á m’unn’n gir kile mber Tà ke Maje le Krist kêm ɓee-bò ke Jérusalem se ɓeege malang ke an-in dè’n gêrêr sár m’tee’n kêm ɓeekon ke Illyrie. M’ile mber Tà ke Maje le Krist nga m’ɔr son’n njêt kêm ɓeege’t nè nga.