Nyanra Njekawkulege 8:30 - Nouveau Testament en Gulay 2004

³⁰ Philippe an-in ngɔde aw. E oo ndu doo ke Ethiopie ke ndi à tute magtub le Esaie njéribe-dè-tàge ke tà Nube’t se ndu’n ke bòi-bòi. E deje’n ede nè: – Ké i ger gir tà ke i ndi a i tute nga kuwe wa?

Nyanra Njekawkulege 8:30 ပူးပေါင်းရင်းမြစ်များ

Matthieu 13:19

Loo ke doo oo tà ke ɔje dè Konɓee le Nube nè ger gir tà nè nga lé ɓaa, njèkêmyêr ree ɔr tà ke dé dubu dè ɓengrenn’t nga wont kɔke. Doo nè nga tò asenan se njar ko ke dubu ngang rebe’t bè.

Matthieu 13:23

Njar ko ke doo dubu dè nang ke maje’t nga tò asenan se doo ke oo tà a, ger gir’n a tɔ. Doo nè nga tò asenan se ko ke unde maje. E ke karé ann aru karé, è ke karé ke rang unde kum’n kɔr-mute-mute, è ke karé ke rang unde kum’n kɔr-mute tɔ.

Matthieu 13:51

Jésu deje njékuwe-girnge ede nè: – Ké i geri gir nyan nè nga malang maje kuwe wa? Dé tel d’ile’n dè’t d’ede nè: – Oiyo

Matthieu 15:10

Go’t gugu Jésu ɓar doobulege ade reei rann’t. E ede de ede nè: – Uri mbi si ooi tà nè maje le kade i geri gir’n.

Matthieu 24:15

Ndɔ karé a an-in Njè tuju loo à al ɗáng ndi loo ke tò se ninnen’t. Doo nè nga, Daniel njèribe-dè-tà ke tà Nube’t tam tà le’n kété. Maje kade nanan ke tute magtub nè ɓaa, gir tà nè nga maje le ger.

Marc 13:14

Ndɔn’t a an-in njè tuju loo ke tò ɓel à unde loo tee le kaw ndi kêl loo ke ndête kade ndi tutu lé nga ɓai. Gar-gar è tà le kade njè tute magtub nè ger maje. Ndɔ’n nè nga, njé ke à ndii kêm ɓeekon ke Judée gar-gar è tà le kade an-in nan awi ke dè mbalge’t.

Jean 4:34

Jésu tel ile de dè’t ede nè: – Ra nyan ke kêm njèkule’m ndige a, kɔr son kule le’n ke um jim’t a tɔ á è mur le’m man.

Jean 5:39

Sei teri kêm Magtub ke tò se ninn’n tede sei geri kêm si’t titeke takul de á a ingeii ndikumgajer se non. Nè Magtubge nè nga ei njékɔrgo tàge ke ɔje dè’m.

Nyanra Njekawkulege 8:27

Philippe in ke loon’t kuwe aw. Dingem karé ke ɓeekon ke Ethiopie unde loo tee pan. Dingem nè nga è njèkuju. E doo ke bò ke njèkan dè nyanbawge le Kandas dinye le ngar ke ɓeekon ke Ethiopie. Doo nè nga ree mba kêm ɓee-bò ke Jérusalem le ɗɔi Nube.

Nyanra Njekawkulege 8:29

Ndil-Kêmnda ede Philippe ede nè: – Aw ngɔr ke kàde wotro rɔ ke ra se nar nè nga.

Nyanra Njekawkulege 8:31

Njèkuju ile Philippe dè’t ede nè: – Ke nè á doo karé ɔr non’m dè’t lé ɓaa, m’a m’ger gir’n se dè ra’m bain wa? Njèkuju deje Philippe ade al ndi se’n kêm wotro rɔ ke ra se nar nè nga.

Nyanra Njekawkulege 8:5

Nè Philippe aw kêm ɓee-bò karé ke Samarie ile mber tà le Krist tutu ade dooge.

1 Nje Ke Corinthe 14:19

Nè dann njékebe nange’t le Nube ɓaa, m’ndige tam tà se tàgir le’m ase mi le ndó’n dooge nyan è soo’t dum tam tà ke dooge ooi lé ase aru dɔg loo dɔg.

Nje Ke Ephese 5:17

I ndii sann karè lé, nè i sangi rebe le ger nyan ke Kuwe-ɓee ndige le kade i rai nga tá.

Lookilera’n 13:18

Doo ke njèkumkunju ɓaa à ter gir nyan nè nga. Doo ke njègos nyanger ɓaa à mbɔje kɔr nyan ke ɔje dè dan nè nga. Kɔr nyan ke ɔje dan nga, è aru mute-mute se kɔr-mute-mute gidé-mute-mute.