Nyanra Njekawkulege 8:12 - Nouveau Testament en Gulay 2004

¹² Nè ɗarinè loo ke Philippe ile mber Tà ke Maje ke ɔje dè ɓeekon le Nube se ri Jésu-Krist ade de ɓaa, dingemge se dinyege ke umi kêm de dè tà’t le’n nga, adi d’ule de manné njonm.

Nyanra Njekawkulege 8:12 ပူးပေါင်းရင်းမြစ်များ

Matthieu 28:19

Awi, i teli dooge malang ke ei Juipge lé ke njékuwe-girmge. Ulei de manné njonm se ri Bɔ’m a, se ri Ngonn a, se ri Ndil-Kêmnda a tɔ.

Tà ke Maje ke Luc ndang 9:2

Jésu ule de le kade d’ile mber Konɓee le Nube á go karé lé. Nè è ule de le kade d’ɔr ratur ra njératurge’t a tɔ.

Tà ke Maje ke Luc ndang 9:60

Jésu tel ile doo nè nga dè’t ede nè: – Dubu ninn dooge nga, è kule ke ɔje dèi lé ta. Nè i ɓaa, aw ile mber Konɓee le Nube ade dooge ke rang.

Nyanra Njekawkulege 1:3

Go nyankêmkon ke ra’n se go kwei le’n, Jésu tɔje ra’n kumgajer ade njékawkulege le’n an-in nin nja bule. E nain se de ndɔ’n kɔr-sɔ, è ɔr ser nyange ke ɔje dè Konɓee le Nube ade de.

Nyanra Njekawkulege 11:20

Nè né è bè géa, njétaakêm-Kristge ke nange dann de’t ke in-in Chypre a, se Cyrène a, awi kêm ɓee-bò ke Antioche ilei mber Tà ke Maje le Kuwe-ɓee Jésu adi dooge ke ei Grecge tɔ.

Nyanra Njekawkulege 18:8

Nè né è bè géa, Crispus ngar dè kei kebe nan se njé ke kêm kei le’n bere mbak undei kêm de dè Kuwe-ɓee’t. Dooge ngain ke kêm ɓee-bò ke Corinthe ke uri mbi de ooi tà le Paul nga teli njétaakêm-Kristge ade d’ule de manné njonm.

Nyanra Njekawkulege 19:5

Loo ke d’oo tà nè bè ɓaa, d’ade d’ule manné njonm se ri Kuwe-ɓee Jésu.

Nyanra Njekawkulege 2:38

Pierre ede de ede nè: – I turi hal si. Maje kade nanan géa dann si’t ade d’ule’n manné njonm se ri Jésu-Krist. Titeke bè á Nube a ade kêm’n à tin’n mbit dè kaiyage’t le si, le kade ade’n sei Ndil-Kêmnda.

Nyanra Njekawkulege 2:41

Njé ke taai tà le Pierre umi dè madege’t ke kété ade d’ule de manné njonm nga, kɔr de in dè made’t ase aru dɔg loo mute kêm ndɔn’t nè.

Nyanra Njekawkulege 20:21

M’ile mber m’ade Juipge se njé ke ei Juipge lé le kade ɔsi wan teli ke ra Nube’t a, undei kêm de dè Kuwe-ɓee’t le jéi Jésu nga a tɔ.

Nyanra Njekawkulege 20:25

An-in! sei malang ke ndɔ ke m’aw m’ile mber Konɓee le Nube dann si’t nga, ɗarinè m’ger titeke a an-in kum’m gugu lé ta.

Nyanra Njekawkulege 28:31

E ile mber Konɓee le Nube ade de a, è ndó de tà ke ɔji dè Kuwe-ɓee Jésu-Krist se kêmnda káng m doo karé bè géa ɔge’n dè’t lé.

Nyanra Njekawkulege 5:14

Kosdoo-bulege ngain, dingemge se dinyege ke undei kêm de dè Kuwe-ɓee Jésu’t nga kɔr de in dè made’t ke kété kété.

Nyanra Njekawkulege 8:4

Njétaakêm-Kristge ke dé yal de karé-karé nga awi se loo-loo ilei mber Tà ke Maje.

Nje Ke Rome 10:10

Kunde ke j’undei ngarankêm jéi dè Nube’t á è ɔr’n tà dè jéi’t. Jè tami tà kundekêm le jéi se tà jéi ndàt á Nube aje’n jèi tɔ.

1 Nje Ke Corinthe 11:11

Nè né è bè géa, non Kuwe-ɓee’t ɓaa, dinye à ndi se dè’n anje dingem lé a, dingem géa à ndi se dè’n anje dinye lé a tɔ.

Nje Ke Galatie 3:28

Doo ke è Juip éké è Juip lé goto ɗarinè ta. Ɓer éké doo ke ndi dè’n pal goto ta, dingem éké dinye goto ta; tede sei malang sei dooge ke karé takul kum ke umi nan’t bɔk se Jésu-Krist.

1 Pierre 3:21

Mann bêlm nè nga è nyan-tɔje ke ɔje dè kule doo manné njonm. Kule doo manné njonm nga è gir kaje ke sei ajii ɗarinè. Kule doo manné njonm nga ɔr nyan ke mine le danra ra si’t lé, nè è ndukunn ke sei unni se tàgir ke maje ke kem̂ si’t adi Nube. Kule doo manné njonm nga aje sei takul kunde ke Krist unde loo tee dann njé ke koo’t.