Nyanra Njekawkulege 7:8 - Nouveau Testament en Gulay 2004

⁸ Kuje tà mɔte á è nyan-tɔje ke ɔje dè mann-ra ke Nube mann’n ra’n se Abraham. Gir’n ke nè á loo ke Abraham oje Isaac ra ndɔ sɔsɔ ɓaa, è uje tà mɔte’n. Loo ke Isaac oje Jacob ɓaa è uje tà mɔte’n. Jacob géa ra titeke bè se ngannenge ke dɔg-gidé-joo ke ei girkà jéige ke ri de ɓar ngain.

Nyanra Njekawkulege 7:8 ပူးပေါင်းရင်းမြစ်များ

Matthieu 1:2

Abraham oje Isaac; Isaac oje Jacob, Jacob oje Juda se ngakonnge;

Jean 7:22

Moise ade sei ndukunnn ke ɔje dè kuje tà mɔte. Ndukunn nè nga in ra Moise’t lé, nè in ra kà sige’t. Nè né è bè géa, sei a ɔdi nan kuje tà mɔte se ndɔ taa kebe.

Nyanra Njekawkulege 2:29

Pierre tel tam ede nè: – Ngakonmge se kon nannemge, adi m’ede sei tà ke ɔje dè njèyo kà jéi David nga ndàt m’ade ooi. E wei ade ndɔ ke dé dubu’n. Dè ɓade’n tò dann jéi’t laa sár tee kêm ndɔ ke ɓila ɓai.

Nje Ke Rome 4:10

Ké ndɔ ke ra á Nube ɔr’n tà dè Abraham’t wa? Ké Nube ɔr tà dè Abraham’t kété ɓita d’uje tà mɔte’n éké d’uje tà mɔte’n pa ɓita Nube ɔr tà dènn’t wa? Ḿ-m̀, Nube ɔr tà dè Abraham’t kété ɓita uje tà mɔte’n ɓai.

Nje Ke Galatie 3:15

Ngakonmge, m’a m’unn nyan karé ke dooge rai a, ke an-in se ndɔ si-ndɔ si a tɔ, le kede’n sei tà nè: Loo ke doo karé ndang magtub ade tò njai unn’n ndu’n ɓaa, doo karé ke rang asekum kute magtub nè nga mbeng éké kile tà ke rang dè ège ke doo nè ndang kem̂ magtub’t nè nga lé.

Nje Ke Galatie 3:17

An-in! tà ke m’ndige tam á tò nè: Ndɔ ke Nube unn ndu’n njang ade Abraham. Ndukunn le Nube nga tò njáng sár ɓal aru sɔ se kɔr-mute ɓita magtub gute-ndu tee ɓai. Gute-ndu asekum tuju ndukunn ke Nube unn ade Abraham kété nga ndan lé.

Hebreuge 7:4

An-in! Melkisédec nga è doo ke bò. Kà jéi Abraham ndɔ ke tɔr tà nyange ke maje-maje ke in’n loo rɔ’t karé-karé ade’n. Ke nè á nyan è dɔg ɓaa, è ɔr tà karé ade Melkisédec.