Nyanra Njekawkulege 7:60 - Nouveau Testament en Gulay 2004

⁶⁰ E ɔse keje’n nang tam tà se ndu’n ke bòi ede nè: – Kuwe-ɓee, inye go ra majelé le de nè nga kɔke. Loo ke Etienne tam tà nè nga titeke bè ɓaa, tà’n tête nyonk.

Nyanra Njekawkulege 7:60 ပူးပေါင်းရင်းမြစ်များ

Matthieu 27:52

Tà be-ɓadege teein ade danra njétaakêm-Kristge bule ke ndɔ ke weii undei loo teei dann njé ke koo’t a tɔ.

Matthieu 5:44

Nè man m’ede sei ndàt, i tári njébange le si a, ɔji tà se Nube tede njé ke ɔri sei kororoi a tɔ.

Tà ke Maje ke Luc ndang 22:41

Go’t gugu, è ɔr ra’n aw heb ɗêk. E ɔse keje’n nang ɔje tà se Nube ade koo’n tò mbɔr dum è ke kété ede nè:

Tà ke Maje ke Luc ndang 23:34

Nè Jésu tam ede nè: – Bɔ’m i tin kêmi mbit dè de’t, tede nyan ke dé ra nga kum de gang dè’t lé. Dé tur jala dè kubuge le’n ke rann’t ɓita dé kai nan ɓai.

Tà ke Maje ke Luc ndang 6:28

I deji Nube le kade tɔr ndu’n dè njé ke d’ɔr se si a, ɔji tà se’n tede le njé ra se si majelége a tɔ.

Jean 11:11

Loo ke Jésu tam tàge nè nga gir gang ɓá ɓaa, è ede njékuwe-girnge ede nè: – Made jéi Lazare nga tò ɓi karè, nè m’a m’aw le ndel’n.

Nyanra Njekawkulege 13:36

Loo ke ndɔ ke David ndi se dè’n dɔ ɓai nga, è ngonn njèndi le Nube. E ra nyan se go kêmndige le Nube. Nè è wei ade dé dubu’n dè ɓade kànnge’t d’ade danra’n jɔri pɔtɔk.

Nyanra Njekawkulege 20:36

Loo ke Paul tam tàge nè nga bè ɓaa, è ɔse keje’n nang ɔje tà se Nube tede le de malang.

Nyanra Njekawkulege 21:5

Nè loo ke jè ra se de ndɔge nè nga jè tɔl mbas ɓá ɓaa, j’in j’aw. D’in malang se neen dege a, se ngann dege a tɔ, dé dann jé sár d’aw se jé gide ɓee-bò’t nata. J’ɔse keje jé nang tà ba-bò’t j’ɔje tà se Nube.

Nyanra Njekawkulege 9:40

Pierre ade dooge malang teei nata. E ɔse keje’n nang ɔje tà se Nube ɓita tel tur ra’n ke dè ninn’t ede nè: – Tabitha ɔse nang in dɔ. Ke loon’t nè kuwe, Tabitha teen kum’n yerer an Pierre. E gɔl ra’n yák-yák in ndi dɔ ngêrêng.

1 Nje Ke Corinthe 11:30

Gir’n ke nè á dooge ngain dann si’t ei gum-gum dooge se njé raturge a, dooge bule weii a tɔ.

1 Nje Ke Corinthe 15:18

Ke né á è bè ɓaa, njé ke umi nan’t bɔk se Krist ɓita weii nga, ei dooge ke tuji kɔke ɓá ta.

1 Nje Ke Corinthe 15:20

Kerɔte kuwe, ɗarinè Krist unde loo tee dann njé ke koo’t. Krist è doo ke desêin ke unde loo tee dann njé ke koo’t tede kade dooge ke weii undei loo teei dann njé ke koo’t tɔ.

1 Nje Ke Corinthe 15:51

An-in! m’a m’ede sei nyan karé ke tò loo ɓɔyɔn’t: jèi malang j’à j’weii lé, nè jèi malang d’a d’ade ra jéi à tel waks.

1 Nje Ke Corinthe 15:6

Taɓai, go’t gugu njétaakêm-Kristge aru mi an-in nin kade nan’t mbak. Njé ke nange bule dann de’t ndii kumgajer laa ɓai, nè njé ke nange á weii ɓá tɔ.

1 Nje Ke Thessalonique 5:10

Jésu-Krist wei tede jéi, tede kade ke nè á jè ndii kumgajer éké j’weii géa j’umi se’n nan’t bɔk.

2 Timothee 4:16

Tà ke desêin ke ndɔ ke m’ɔr dè ram’t loo gangtà’t nga, doo karé bè géa nda se’m tutu lé. Dé malang dé sure’m d’inye’m tutu. Maje kade Nube ade tà’n uwe dè de lé.

2 Pierre 3:4

à tami kedi nè: «Ndɔ ke Jésu unn ndu’n ede nè n’a n’tel ree. A ɓaa, ké tel ree le’n nga à è ndɔ ke ra’t wa? Tede bɔ jége weii ɓá, nè nyange malang tooi se loo tò de titeke mari desêin loo kunde gir nyange’t nga kuwe ɓai.»