Nyanra Njekawkulege 7:58 - Nouveau Testament en Gulay 2004

⁵⁸ Dé d’ɔr’n ndalang-ndalang d’aw se’n gide ɓee-bò’t nata, dé tile’n se kuberi her mbás-mbás. Njé ke ndai loon’t an-in se kum de nga, ei tɔri kubuge le de umi nang nja basa karé bè ke ri’n nè Saul.

Nyanra Njekawkulege 7:58 ပူးပေါင်းရင်းမြစ်များ

Tà ke Maje ke Luc ndang 4:29

Dooge ke ndii kêm kei kebe nan’t nè nga rai keige le de kàde mbal’t. Loo ke ooi tàge nè bè ɓaa, ɔsi nang in-in uwei Jésu ndɔrii ngander-ngander awi se’n gide ɓee’t nata sêm mbal’t. D’aw se’n titeke bè, tede le kaw sure’n kile’n nang barak.

Nyanra Njekawkulege 22:20

Njèkɔrgo tà lei Etienne ke ndɔ ke dé tɔl’n d’ade mese’n ule nang nga, man géa m’ee tutu tɔ. M’ndige se njé tɔlnge dè tɔl ke dé tɔln’t. E man kuwe á ndɔ ke m’ee njè ngonm kubuge le njé tɔl Etienne.»

Nyanra Njekawkulege 22:23

D’ur kɔl a, dé tɔr kubuge le de dé tile piring-piring kɔke a, d’ɔi nang dé sanrin ke dɔ-dɔ d’ade kodé age sululu a tɔ.

Nyanra Njekawkulege 22:4

Dooge ke unni rebe le Kuwe-ɓee Jésu nga, m’ra kum de ndoo sár ase yo de. M’ade dé tuwe dingemge a, dinyege a, dé tɔ de se sul d’um de dangai’t.

Nyanra Njekawkulege 26:10

E ke nè á è nyanra’m ke ndɔ ke m’ra Jérusalem. E maw njékuje nyan-mesege kuwe á unni ndu de adi man. Titeke bè á ndɔ ke man kuwe m’tuwe njétaakêm-Kristge ngain m’um de dangai’t se loo-loo. Loo ke ndɔ ke d’ade tɔl de géa, m’um se de nan’t bɔk a tɔ.

Nyanra Njekawkulege 6:11

Loo ke ei an-in bè ɓaa, ei adi dooge ke rang nar le libe’n kum de le kade tami edi nè: – Tà ke majelé ke ndɔ ke Etienne tam ɔje dè njèyo Moise a, se dè Nube a tɔ nga, jè kuwe j’oo se mbi jé.

Nyanra Njekawkulege 6:13

Taɓai d’aw d’ɔr njé tà lanmge dé ree se de d’ade tami edi nè: – Doo nè tam tà ke majelé ɔje’n dè kêm kei ke tò se ninn’n le Nube a, ɔje’n dè gute-ndu le Moise a tɔ. E tam tà ke majelé nè nga kum’n ke kété-kété m ebe ra’n lé ɓai.

Nyanra Njekawkulege 7:57

Dooge rai nyan wuu-uu se ndu de ke bòi, uti mbi de dè tà’t le’n. Dé malang d’in d’ur nan dènn’t sut d’uwe’n.

Nyanra Njekawkulege 8:1

Nè Saul ndige se de dè tɔl ke dé tɔl Etienne. Kêm ndɔn’t nè kuwe, d’unn gir kɔr njékebe nange le Nube ke kêm ɓee-bò ke Jérusalem kororoi. Njétaakêm-Kristge malang yali nan karé-karé se kêm ngann ɓeege ke ɓeekonge ke Judée se Samarie a tɔ. Nè njékawkulege kuwe á nain-in kêm ɓee-bò ke Jérusalem.