Nyanra Njekawkulege 7:55 - Nouveau Testament en Gulay 2004

⁵⁵ Nè Etienne nga Ndil-Kêmnda taa kêm’n pel-pel. E an loo ke danran sêw-sêw ɓaa, an ndubra le Nube. Taɓai è an Jésu nda se nja’n dɔ dè jikon Nube’t.

Nyanra Njekawkulege 7:55 ပူးပေါင်းရင်းမြစ်များ

Marc 16:19

Loo ke Kuwe-ɓee Jésu ede de tàge nè gir gang ɓá ɓaa, Nube ade aw ndi dè jikonn’t danrán nú.

Jean 11:41

Dé ndubri kuberi her ke bòi nga d’ile rang. Jésu an loo ke dɔ danrán tam ede nè: – Bɔ’m, m’rai oiyo tede i oo ndu kɔ le’m.

Jean 12:41

Esaie tam tà nè nga titeke bè tede ndɔ ke kété an ndubra le Jésu se kum’n. Gir’n ke nè á è tam’n tà ɔje’n dè Jésu.

Jean 14:3

M’a m’aw le gɔl loo ndi si. Loo ke m’aw m’gɔl loo ndi si gir gang ɓá ɓaa, m’a m’tel ree le koto si kàdem’t tede kade loo ke m’a m’ndi tutu ɓaa, sei géa a i ndii se’m nan’t tutu tɔ.

Nyanra Njekawkulege 2:4

Dé malang, Ndil-Kêmnda taa kêm de pel-pel ade d’unn gir tam tà tam dooge ke rang gai-gai se go tà ke Ndil ade de le kade dé tam.

Nyanra Njekawkulege 4:8

Ndil-Kêmnda taa kêm Pierre pel-pel ɔse’n ade ede de ede nè: – Sei njékɔr non Juipge se ngatɔgege ke Israel,

Nyanra Njekawkulege 6:10

Nè ei asikum naji se’n tà dum lé tede è tam tà se go kumkunju ke Ndil-Kêmnda ade’n.

Nyanra Njekawkulege 6:3

Gir’n ke nè á, ngakon jége, i sangi dingemge ji sejimute dann si’t ɔri de le kade jè tel se kule nobo nyankuse j’umi ji de’t. Nè maje kade ei dooge ke d’ɔr tà le de maje. Maje kade ei dooge ke Ndil-Kêmnda se kumkunju taai ra de pel-pel a tɔ.

Nyanra Njekawkulege 6:5

Tà nè nga nel njétaakêm-Kristge malang ade ɔri Etienne dingem ke kundekêm le’n ii ngain a, Ndil-Kêmnda taa kêm’n pel-pel. D’ɔr Philippe se Procore se Nicanor se Timon se Parménas se Nicolas dingem ke ɓee le’n è Antioche ke tel ra’n ke Juip nga a tɔ.

Nyanra Njekawkulege 6:8

Etienne è doo ke ndutɔr se tɔgmong le Nube taa ra’n pel-pel. E ra nyange ke dum kum se nyankɔbege ke bò dann kosdooge’t.

2 Nje Ke Corinthe 4:6

Kété mari, Nube tam ede nè : «Maje kade lookar ndogó dann tilkusge’t!» E Nube nè nga kuwe á ade lookar ndogó dè ɓengre jé’t tede kade jè ribe’n dè ger-gel ndubra le Nube tàkum Kuwe-ɓee Jésu-Krist’t.

Hebreuge 1:3

Ngonn nè nga, è njè kade ndubra le Bɔ’n Nube kile ra’n ke nata a, è kum gute tà Bɔ’n kuwe tcha-tcha a tɔ. Ngonn nè nga gete nyankundege malang se go tà ke tee tànn’t. Loo ke Ngonn nè nga ɔr se-kaiyage tɔl kon’n ɓá ɓaa, è aw ndi dɔ nú dè jikon Nube ke njè dum dè nyange malang.

Hebreuge 8:1

Maw tàge malang ke jè ndige le kede sei nga á nè: J’awi se maw njèkuje nyan-mese ke bò. E ndi danrán kɔte kutu-ngar’t le Nube ke njè dum dè nyange malang.

2 Pierre 1:17

Jésu-Krist oo ndu Nube njè ndubra ke bò loo ke ndɔ ke inge’n inge’n riɓar se ndubra ra Bɔ’n Nube’t. Ndɔ ke Nube tam nè: «E nè nga è Ngonn kem̂’m ke m’tár’n ngain a, ra’m nel’m dènn’t ngain a tɔ.»

Lookilera’n 21:11

Ɓee-bò ke tò se ninn’n nè nga ndubra le Nube ndogó dènn’t kotong. Loo ke kem̂ ɓee-bò’t nè ndolé kein-kein tite her ke ri’n nè Jaspe, ke unju nyang-nyang a, gate’n è ngain a tɔ.